|
ຕາມຂ່າວສານຊິນຮວາ: ວັນທີ 19 ກັນຍາ ກອງປະຊຸມລັດຖະມົນຕີກະຊວງຍຸດຕິທຳອາຊຽນຄັ້ງທີ 6 ທີ່ພວມຈັດຂຶ້ນຢູ່ຮາໂນຍ ນະຄອນຫຼວງຫວຽດນາມໄດ້ເປັນເອກະພາບກັນເຫັນດີເພີ່ມທະວີການຮ່ວມມືດ້ານຕຸລາການໂດຍສະເພາະແມ່ນການຮ່ວມມືຊ່ອຍເຫຼືອດ້ານຕຸລາການໃນຂົງເຂດຄວາມແພ່ງແລະການຄ້າລະຫວ່າງບັນດາປະເທດອາຊຽນຕື່ມອີກ.
ໃນງານຊຸມນຸມນັກຂ່າວທີ່ຈັດຂຶ້ນຫຼັງກອງປະຊຸມ, ທ່ານຫ່ວງຖາຍລ່ຽນ ຮອງລັດຖະມົນຕີກະຊວງຍຸດຕິທຳຫວຽດນາມກ່າວວ່າ, ກອງປະຊຸມໄດ້ເນັ້ນໜັກມີຄວາມຈຳເປັນສ້າງໜ່ວຍງານໜຶ່ງ, ເພື່ອຮ່າງເອກະສານສັນຍາກ່ຽວກັບການແຈ້ງຕໍ່ຝ່າຍຕຸລາການແລະການບໍລິການນອກຕຸລາການ, ພ້ອມກັນນັ້ນ ເຮັດໃຫ້ທຳນຽມລັດຖະການຕ່າງໆກ່ຽວກັບການຊ່ອຍເຫຼືອດ້ານຕຸລາການທີ່ໃຊ້ຢູ່ລະຫວ່າງປະເທດສະມາຊິກອາຊຽນໃຫ້ກະທັດຮັດຈົນກະທັ້ງຍົກເລີກ.
ຜູ່ແທນທີ່ຮ່ວມປະຊຸມຍັງເປັນເອກະພາບກັນເຫັນດີສ້າງໜ່ວຍງານໜຶ່ງເພື່ອກວດກາການປະສານງານຂອງກົດໝາຍການຄ້າລະຫວ່າງປະເທດສະມາຊິກອາຊຽນ ເອກະສານລັດຖະການຕ່າງປະເທດຊອບກົດໝາຍ ສົນທິສັນຍານຳສົ່ງຜູ່ຕ້ອງໂທດຂອງອາຊຽນແລະເບົ້າແບບຄວາມປອດໄພເທິງທະເລເປັນຕົ້ນ.
|
