|
|
 |
| (GMT+08:00)
2005-09-20 21:09:16
|
 |
|
ເພງທີ່ແຕ່ງໂດຍທ່ານຊືຊຸ້ນອີ້(ສຽງ)
cri
Author: zhangshuo
|
ທີ່ນີ້ວິທະຍຸສາກົນແຫ່ງປະເທດຈີນ,ສະບາຍດີທ່ານຜູ້ຟັງທີ່ໂຄລົບ,ຍິນດີຕ້ອນຮັບທ່ານເຂົ້າ ສູ່ລາຍການຢ່ອນອາລົມໃນວັນເສົາ,ຂ້າພະເຈົ້າແມ່ນແສງແກ້ວ.ໃນລາຍການມື້ນີ້,ຂ້າພະເຈົ້າຈະແນະນຳເພງປະມວນໜຶ່ງທີ່ແຕ່ງໂດຍທ່ານຊືຊຸ້ນອີ້ ນັກແຕ່ງເນື້ອເພງທີ່ມີຊື່ສຽງຂອງຈີນສູ່ທ່ານຟັງ.
ກ່ອນອື່ນ,ເຊີນຟັງເພງ"ໃຊ້ດວງໃຈຂ້ອຍຈັບມືເຈົ້າ",ເຊິ່ງແຕ່ງເນື້ອຮ້ອງໂດຍທ່ານຊືຊຸ້ນອີ້,ແຕ່ງທຳນອງໂດຍທ່ານເມີ້ງຊິ້ງຢຸນ,ແລະຂັບຮ້ອງໂດຍທ່ານອຽນເວີຍເວີນ.ເພງນີ້ໄດ້ສະແດງໃຫ້ເຫັນຄວາມຮັກແພງອັນບໍລິສຸດຜຸດຜ່ອງແລະຈິງໃຈລະຫວ່າງເພື່ອນຮ່ວມລົບ.
ໃນເພງນີ້ມີເນື້ອຮ້ອງວ່າ,ເອົາດວງໃຈຂ້ອຍຈັບມືຂອງເຈົ້າ,ເພື່ອນຮ່ວມລົບທີ່ດີຂອງຂ້ອຍ. ພວກເຮົາລ້ວນແຕ່ແມ່ນນັກລົບ,ພ້ອມກັນຍ່າງຕາມທາງກອງທັບ.ຈັບມືທັງຄູ່ຂອງເຈົ້າ,ເພື່ອນຮ່ວມລົບທີ່ດີຂອງຂ້ອຍ,ສິ່ງທີ່ຂ້ອຍກຳໄວ້ນັ້ນແມ່ນພູສູງນ້ຳທະເລເລິກ,ສິ່ງທີ່ເຈົ້າກໄວ້ນັ້ນແມ່ນມິດຕະພາບຍືນຍົງຊົ່ວກາລະນານ.
ທີ່ທ່ານຟັງຈົບລົງແມ່ນເພງ《ໃຊ້ດວງໃຈຂ້ອຍຈັບມືເຈົ້າ》ເຊິ່ງແຕ່ງໂດຍທ່ານຊືຊຸ້ນອີ້.
ທ່ານຊືຊຸ້ນອີ້ແມ່ນນັກແຕ່ງເນື້ອເພງທີ່ມີຊື່ສຽງໃນກອງທັບຂອງຈີນ,ເພິ່ນເກີດຢູ່ນະຄອນປັກກິ່ງ,ແລ້ວເຂົ້າເປັນທະຫານກອງທັບປົດປ່ອຍປະຊາຊົນຈີນໃນປີ1970.ຊີວິດວັນນະຄະດີຂອງທ່ານຊືຊຸ້ນອີ້ແມ່ນເລີ່ມຕົ້ນດ້ວຍການແຕ່ງກອນ,ແຕ່ພາຍຫຼັງມາ,ທ່ານຄ່ອຍໆຮູ້ສຶກວ່າ, ກອນຂອງຕົນ ນັກລົບທັງຫຼາຍບໍ່ຄ່ອຍເຂົ້າໃຈຫຼືບໍ່ຄ່ອຍກະຕຸ້ນໃຈ,ສະນັ້ນທ່ານຈຶ່ງຫັນໄປແຕ່ງເນື້ອເພງ.ເພງທີ່ສ່ອງແສງຊີວິດນັກລົບໄດ້ຮັບຄວາມຊົມເຊີຍທີ່ສູງຈາກນາຍແລະພົນ ທະຫານ.ຕໍ່ໄປ,ເຊີນຟັງເພງ《ອ້າຍທະຫານ》ທີ່ແຕ່ງໂດຍທ່ານຊືຊຸ້ນອີ້ແລະທ່ານຢາງ ມີງ.
ທີ່ທ່ານພວມຟັງຢູ່ນີ້ແມ່ນເພງ《ອ້າຍທະຫານ》.ເພງນີ້ແມ່ນທ່ານຊືຊຸ້ນອີ້ແຕ່ງໃນເວລາທ່ານ ໄປສຳຜັດຊີວິດໃນກອງທັບ.ເພງນີ້ໄດ້ສະແດງອາລົມຈິດທີ່ບໍ່ເອ້ອວດແຕ່ຈິງໃຈ,ມີກິ່ນອາຍຊີວິດອັນເຂັ້ມຂຸ້ນ,ບວກໃສ່ການຂັບຮ້ອງອັນດີເດັ່ນຂອງນາງຊົ້ງຈູອິງ ນັກຮ້ອງທີ່ມີຊື່ສຽງ ຂອງຈີນ,ເພງນີ້ຈຶ່ງໄດ້ກາຍເປັນເພງທີ່ນັກລົບທັງຫຼາຍນິຍົມຊົມຊອບຫຼາຍທີ່ສຸດ.
ທີ່ຟັງມານັ້ນແມ່ນ《ອ້າຍທະຫານ》ແຕ່ງໂດຍທ່ານຊືຊຸ້ນອີ້.ໃນຖານເປັນນັກແຕ່ງເພງໃນກອງທັບ,ທ່ານຊືຊຸ້ນອີ້ມັກລົງໄປສຳຜັດຊີວິດຕົວຈິງໃນກອງທັບເລື້ອຍໆ,ເນື້ອໃນທີ່ທ່ານຂຽນຫຼາຍກວ່າໝູ່ແມ່ນຊີວິດຂອງພວກນັກລົບ,ສ່ອງແສງຄຸນສົມບັດອັນຊື່ສັດແລະສູງສົ່ງຂອງພວກນັກລົບ.ໃນຄ້າຍທະຫານ,ເພງຂອງທ່ານໄດ້ກາຍເປັນເພງທີ່ນັກລົບມັກທີ່ສຸດ, ກາຍເປັນເພງທີ່ນັກລົບຮ້ອງດັງກວ່າໝູ່ແລະມ່ວນກວ່າໝູ່.
1 2
|
|
|
