|
ຕາມຂ່າວCRI:ຕອນບ່າຍວັນທີ20ກັນຍາ,ທ່ານນາງປານີ ຢາທໍ່ຕູ້ ຮອງປະທານສະພາແຫ່ງຊາດສປປລາວໄດ້ພົບປະທ່ານວາງອີ່ງຟານ ຮອງປະທານຄະນະປະຈຳສະພາປະຊາຊົນແຫ່ງຊາດຈີນ ຫົວໜ້າຄະນະຜູ້ແທນຈີນທີ່ມາເຂົ້າຮ່ວມກອງປະຊຸມໃຫຍ່ໄອໂປ,ທັງສອງຝ່າຍໄດ້ຕີລາຄາສູງຕໍ່ການຂະຫຍາຍຕົວແຫ່ງການພົວພັນສອງປະເທດໃນຫຼາຍປີມານີ້,ແລະຫວັງໃຫ້ເພີ່ມທະວີການແລກປ່ຽນແລະຮ່ວມມືກັນລະຫວ່າງສອງສະພາຕື່ມອີກ.
ໃນເວລາພົບປະ,ທ່ານນາງປານີ ຢາທໍ່ຕູ້ເວົ້າວ່າ,ສອງປະເທດລາວຈີນມີມິດຕະພາບເປັນເວລາຍາວນານ,ລະຫວ່າງຜູ້ນຳສອງປະເທດກໍມີກົນໄກພົບປະເປັນປະຈຳ.ໃຕ້ສະຖານະການໃໝ່ທີ່ການພົວພັນສອງປະເທດຂະຫຍາຍຕົວຢ່າງວ່ອງໄວນັ້ນ,ຫວງໃຫ້ສະພາສອງປະເທດລາວຈີນເພີ່ມທະວີການຮ່ວມມືກັນ.
ທ່ານວາງອິ່ງຟານເວົ້າວ່າ,ຫຼາຍປີມານີ້,ການຮ່ວມມືລະຫວ່າງສອງຝ່າຍໄດ້ມີການຂະ ຫຍາຍຕົວໃໝ່.ໃນຕໍ່ໄປພາຍໜ້າ,ຝ່າຍຈີນຈະສະໜອງການຊ່ອຍເຫຼືອໃຫ້ແກ່ຝ່າຍລາວຕາມຄວາມສາມາດສຸດຂີດ,ໃຊ້ມາດຕະການຊຸກຍູ້ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ ລະຫວ່າງສອງຝ່າຍຢ່າງແທ້ຈິງ.
ທັງສອງຝ່າຍຍັງໄດ້ກ່າວເຖິງການຢ້ຽມຢາມຈີນຂອງປະທານສະພາແຫ່ງຊາດລາວໃນເດືອນທັນວາປີນີ້,ຫວັງໃຫ້ຖືການຢ້ຽມຢາມເທື່ອນີ້ເປັນໂອກາດ,ຊຸກຍູ້ການຮ່ວມມືໃນທຸກຂັ້ນລະຫວ່າງສອງສະພາຕື່ມອີກ.
|
