|
ທ່ານຜູ້ຝັງທີ່ໂຄລົບ,ທ່ານນາງມານເຄຮຸ້ຍແມ່ນຊ່າງອອກແບບເຄື່ອງເອ້ຜູ້ຫນຶ່ງ,ເຄື່ອງເອ້ທີ່ເພິ່ນອອກແບບນັ້ນມີວາດຊົງຫລາຍປະເພດ,ມີຮູບປະພັນແບບໂລດໂຜນ,ມີສີສັນອຸດົມສົມບູນ, ພໍ່ແມ່ປະຊາຊົນແລະນັກສະແດງໃນວົງການລື່ນເລີງມັກທີ່ສຸດ.ໃນລາຍການ"ວັດທະນະທຳຈີນ"ມື້ນີ້,ຂ້າພະເຈົ້າຈະແນະນຳທ່ານນາງມານເຄຮຸ້ຍສູ່ທ່ານຟັງ.
ທ່ານນາງມານເຄຮຸ້ຍປີນີ້ອາຍຸ40ກວ່າປີແລ້ວ, ນາງໄດ້ທຸລະກິດຮ້ານຂາຍເຄື່ອງເອ້ທີ່ຊື່ວ່າ"ອິນຊູ"ແຫ່ງຫນຶ່ງຢູ່ເຂດສິລະປະດ້າຊານຈືປັກກິ່ງ, ນາງບອກນັກຂ່າວວ່າ, ເຄື່ອງເອ້ທຸກອັນໃນຮ້ານຂອງນາງລ້ວນແຕ່ແມ່ນນາງອອກແບບໂດຍຕົນເອງ.ຕົວຢ່າງຄືລະບົບ"ຊຸຍອີ້"ແມ່ນເຄື່ອງເອ້ຊຸກຫນຶ່ງທີ່ນາງອອກແບບດ້ວຍແຜ່ນເຄື່ອງປັ້ນດິນເຜົາແລະແຜ່ນກະດູກສັດເປັນວັດຖຸດິບ,ຖືຈອກນ້ຳຊາແລະຖາດນ້ຳຊາເປັນເນື້ອຫາ.ສິ່ງເຫຼົ່ານີ້ທີ່ເຫັນເປັນທຳມະດາໃນຊີວິດປະຈຳວັນພັດໄດ້ຢູ່ກາຍເປັນເຄື່ອງເອ້ງາມປານີດໃນມືຂອງທ່ານນາງມານເຄຮຸ້ຍ.
ເຄື່ອງເອ້ໃນຮ້ານຂາຍເຄື່ອງເອ້"ອິນຊູ"ມີແບບວິທີສະແດງທີ່ມີຕ່າງຫມູ່,ຢູ່ເທີງຮູບປັ້ນເຄິ່ງຄີງທີ່ທ່ານນາງມານເຄຮຸ້ຍປັ້ນເອງໄດ້ແຂວນເຄື່ອງເອ້ທີ່ມີອິລິຍະບົດຕ່າງກັນແລະມີສິສັນອຸດົມສົມບູນ,ສ່ວນສີຂອງຜີວຫນັງທີ່ຂາວສະອາດແລະຄໍທີ່ສູງຍາວຂອງຮູບປັ້ນກໍ່ພໍດີໄດ້ສ່ອງແສງເຖິງເອກະລັກຕ່າງຫມູ່ຂອງເຄື່ອງເອ້.
ໃນເວລາອອກແບບ,ທ່ານນາງມານເຄຮຸ້ຍບໍ່ໄດ້ປະຕິບັດຕາມເບົ້າແບບຕາຍຕົວໃດຫນຶ່ງ,ກໍ່ບໍ່ມີບົດອອກແບບລ່ວງຫນ້າ,ພຽນແຕ່ວ່າເມື່ອມີແຮງດົນບັນດານແລ້ວກໍ່ລົງມືເຮັດເລີຍ,ເຮັດຕາມຄວາມຮູ້ສຶກຂອງຕົນເອງ.ທ່ານມານເຄຮຸ້ຍກ່າວວ່າ:
"ຂ້ອຍສະແຫວງຫາຂະບວນການ,ຂະບວນການທີ່ຂ້ອຍອອກແບບນັ້ນເຮັດໃຫ້ຂ້ອຍຮູ້ສຶກດີໃຈຫລາຍ,ເມື່ອເຮັດສຳເລັດເຄື່ອງເອ້ອັນຫນຶ່ງແລ້ວ,ຂ້ອຍຮູ້ສຶກດີໃຈທີ່ສຸດ, ແລະກໍ່ບໍ່ເອົາອອກໄປຂາຍ,ຂ້ອຍເອົາໄວ້ເບິ່ງກ່ອນ,ຈົນອິ່ມຕາແລ້ວຄ່ອຍວ່າກັນ"
ໃນການເລືອກເອົາວັດຖຸ,ທ່ານນາງມານເຄຮຸ້ຍບໍ່ມີການຈຳກັດ,ມີຄຳ,ເງິນ,ທອງ,ເຄື່ອງປັ້ນດິນເຜົາ,ເພັດນິນຈິນດາ,ປຼາສະຕິກເປັນຕົ້ນ,ທະແທມແຕ່ວັດຖຸເຫຼົ່ານີ້ໃຫ້ຄວາມບັນດານໃຈແກ່ນາງ,ມັນກໍຈະກາຍເປັນຂອງປະເສີດ ແລະສິລະປະໃນມືຂອງທ່ານນາງມານເຄຮຸ້ຍ.ທ່ານນາງກ່າວວ່າ,ເງິນແມ່ນວັດຖຸທີ່ມີຄວາມຮູ້ສຶກຫລາຍ,ເພາະວ່າເງິນສາມາດປ່ຽນສີຕາມເວລາ,ຍິ່ງສາມາດເຮັດໃຫ້ເຄືອງເອ້ຂອງນາງມີນິທານແລະມີປະຫວັດ.
ທ່ານນາງມານເຄຮຸ້ຍຍັງເອົາໃຈໃສ່ທີ່ສຸດນຳການອອກແບບຮູບຮ່າງຂອງເຄື່ອງເອ້,ນາງມັກເວົ້າວ່າ,ເຄື່ອງເອ້ແມ່ນຮູບປັ້ນເຄື່ອນໄຫວທີ່ຂັດໃສ່ຮ່າງກາຍ,ມັນມີເນື້ອໃນສິນລະປະອັນເລິກເຊິ່ງຄືກັນກັບຮູບປັ້ນ.ພ້ອມກັນນັ້ນ,ເຄື່ອງເອ້ທີ່ມີຮູບຕ່າງກັນຍັງສາມາດສະແດງໃຫ້ເຫັນບຸກຄະລິກກະພາບຕ່າງກັນຂອງຄົນຕ່າງກັນ.ໃນຮ້ານນ້ອຍໆຂອງທ່ານນາງ,ເຄື່ອງເອ້ທີ່ມີຮູບຊົງຕ່າງກັນລ້ວນແຕ່ມາຈາກການອອກແບບແລະສີມືອັນລະອຽດຂອງນາງ,ບາງຜ່ອງງ່າຍດາຍ,ບາງຜ່ອງໂລກໂຜນ,ບາງຜ່ອງສູງສົ່ງ,ເຮັດໃຫ້ຄົນມັກຈົນບໍ່ຢາກວາງມື.
ທ່ານນາງມານເຄຮຸ້ຍກ່າວວ່າ:
"ການອອກແບບຂອງຂ້ອຍຖືກເຮັດດ້ວຍດວງໃຈຂອງຂ້ອຍ,ມັນບໍ່ພຽງແຕ່ແມ່ນສິນຄ້າອັນຫນຶ່ງທີ່ຜະລິດເປັນງວດດ້ວຍມືຂອງກຳມະກອນ,ສະນັ້ນຂ້ອຍເຊື່ອວ່າເຄື່ອງເອ້ຂອງຂ້ອຍມັນອຽງໄປສູ່ດ້ານສິລະປະ, ລົດນິຍົມຂອງຂ້ອຍລື່ນກາຍຄຸນຄ່າຂອງເຄື່ອງຂອງຕັ້ງຫຼວງຫລາຍ."
ເຖິງແມ່ນວ່າທ່ານນາງມານເຄຮຸ້ຍມີພູມປັນຍາຫລາຍໃນດ້ານການອອກແບບເຄື່ອງເອ້ກໍ່ຕາມ,ແຕ່ນາງບໍ່ເຄີຍຮຽນການອອກແບບເຄື່ອງເອ້ໂດຍຈຳເພາະ, ນາງເຄີຍຮຽນການປັ້ນຮູບແລະຄວັດຮູບ.ພຽງແຕ່ພາຍຫລັງມາ,ເພື່ອເຮັດໃຫ້ຮູບປັ້ນບຸກຄົນຂອງຕົນງາມກວ່າ,ເລີຍລົງມືເຮັດເຄື່ອງເອ້ທີ່ງ່າຍໆຈຳນວນຫນຶ່ງຕິດໃສ່ຮູບປັ້ນ,ບໍ່ນຶກບໍ່ຝັນເລີຍວ່າຕົນເອງພັດມັກວິຊານີ້ຈົນເລີກບໍ່ໄດ້.
ຮ້ານຄ້າຂອງທ່ານນາງມານເຄຮຸ້ຍນັບມື້ນັບຂາຍດິບຂາຍດີ,ບໍ່ພຽງແຕ່ສາມັນຊົນມັກຊື້ເຄື່ອງເອ້ໃນຮ້ານຂອງນາງເທົ່ານັ້ນ,ຍັງມີຜູ້ມີຊື່ສຽງໃນວົງການລື່ນເລີງຂອງຈີນຫລາຍໆຄົນກໍມາຈອງຊື້ເຄື່ອງເອ້ຢູ່ແຫ່ງນີ້ຫລືໃຫ້ເຈົ້າຂອງຮ້ານອອກແບບເຄື່ອງເອ້ບາງຢ່າງທີ່ສອດຄ່ອງກັບບຸກຄະລິກລັກສະນະຂອງຕົນເອງ.ນາງເຫັນວ່າ,ໃນເວລາຈອງຊື້ເຄື່ອງເອ້ນັ້ນ,ການແລກປ່ຽນກັບລູກຄ້າແມ່ນສຳຄັນທີ່ສຸດ. ນາງກ່າວວ່າ:
"ຂ້ອຍຈະແລກປ່ຽນກັບລູກຄ້າ,ຍ້ອນວ່າຂ້ອຍໂຄລົບການເລືອກເອົາຂອງຜູ້ອື່ນ,ຖ້າເພິ່ນມັກແນວນັ້ນແທ້,ຂ້ອຍກໍຈະເຮັດຕາມຄວາມປະສົງຂອງເພິ່ນ,ແຕ່ຂ້ອຍຈະບອກຄວາມເຫັນຂອງຂ້ອຍໃຫ້ເພິ່ນຊາບ.ໃນເວລາແລກປ່ຽນກັນກໍ່ຈະສ້າງຄວາມບັນດານໃຈໃຫ້ແກ່ຂ້ອຍ."
ທ່ານຜູ້ຟັງທີ່ໂຄລົບ,ທີ່ຟັງມານັ້ນແມ່ນບົດສະເຫນີທ່ານນາງມານເຄຮຸ້ຍ ຊ່າງອອກແບບເຄື່ອງເອ້ເຈົ້າ. ຂອບໃຈທ່ານທີ່ຮັບຟັງ,ສະບາຍດີ.
|
