|
ຕາມຂ່າວCRI: ວັນທີ 20 ກັນຍາ, ທ່ານລີຊຽນລົງ ນາຍົກລັດຖະມົນຕີສີງກະໂປໄດ້ພົບປະທ່ານນາງອູອີ ຮອງນາຍົກລັດຖະມົນຕີນນີນທີ່ມາຢ້ຽມຢາມ, ສອງຝ່າຍກ່າວເນັ້ນວ່າຈະເປີດກວ້າງການແລກປ່ຽນແລະການຮ່ວມມືໃນຂົງເຂດຕ່າງໆລະຫວ່າງສອງປະເທດຕື່ມອີກ, ລົງເລິກການພົວພັນຮ່ວມມືດ້ວຍໄມຕີຈິດລະຫວ່າງຈີນສີງກະໂປຢ່າງບໍ່ຢຸດຢັ້ງ.
ທ່ານລີຊຽນລົງເວົ້າວ່າ, ການພົວພັນລະຫວ່າງສີງກະໂປກັບຈີນໄດ້ຂະຫຍາຍຕົວຢ່າງດີງາມ,ເຊື່ອວ່າເປົ້າໝາຍເຮັດໃຫ້ການຄ້າສອງຕໍ່ສອງຂອງສອງປະເທດບັນລຸ 50 ຕື້ໂລລາສະຫະລັດໃນປີ2010ຈະບັນລຸຜົນເປັນຈິງລ່ວງໜ້າຢ່າງແນ່ນອນ.
ທ່ານນາງອູອີກ່າວວ່າ, ຈີນສີງກະໂປມີຜົນປະໂຫຍດຮ່ວມຢ່າງກວ້າງຂວາງໃນຫຼາຍຂົງເຂດ. ຝ່າຍຈີນເອົາໃຈໃສ່ນຳການພົວພັນກັບສີງກະໂປ.
ການຢ້ຽມຢາມສີງກະໂປຂອງທ່ານນາງອູອີໄດ້ເຮັດໃຫ້ສື່ມວນຊົນສີງກະໂປເອົາໃຈໃສ່ຢ່າງກວ້າງຂວາງ. ວັນທີ 21 ກັນຍາ, ບັນດາໜັງສືພິມຕົ້ນຕໍຂອງສີງກະໂປລ້ວນແຕ່ໄດ້ລາຍງານຂ່າວທີ່ທ່ານນາງອູອີຢ້ຽມຢາມສີງກະໂປໃນໜ້າໜັງສືພິມສຳຄັນ, ພ້ອມທັງເຫັນວ່າການຢ້ຽມຢາມເທື່ອນີ້ໄດ້ເພີ່ມທະວີການຮ່ວມມືໄມຕີຈິດແລະການພົວພັນສອງຕໍ່ສອງລະຫວ່າງສີງກະໂປກັບຈີນ.
|
