ຕາມ​ຂ່າວCRI: ວັນ​ທີ 22 ກັນຍາ ຢູ່​ທີ່​ປັກ​ກິ່ງ, ທ່ານ​ເຈຍ​ຈື້ປ່າງ ຮອງ​ລັດຖະມົນຕີ​ກະ​ຊວງ​ການ​ປົກຄອງ​ແລະ​ປະຊາ​ສົງ​ເຄາະ​ຈີນ​ກ່າວ​ວ່າ, ລັດຖະບານ​ຈີນ​ໄດ້​ໃຊ້​ມາດ​ຕະການ​ຕ່າງໆ, ​ຫຼຸດ​ຄວາມ​ສ່ຽງ​ຈາກ​ໄພພິບັດ​ຢ່າງ​ບັງ​ເກີດ​ຜົນ, ​ແລ້ວ​ເຮັດ​ໃຫ້ຄວາມ​ເສຍ​ຫາຍ​ຍ້ອນ​ໄພ​ຫຼຸດ​ໜ້ອຍ​ລົງ.

ທ່ານ​ກ່າວ​ວ່າ, ຈີນ​ໄດ້​ປະກາດ​​ໃຊ້​ກົດໝາຍ​ກົດ​ບັນຍັດທີ່​ກ່ຽວຂ້ອງ​ກັບ​ການຫຼຸດ​ໄພ 30 ກວ່າ​ສະ​ບັບຕາມໆ​ກັນ; ​ໂດຍ​ແນ​ໃສ່​​​ເຂດ​ອັນຕະລາຍ​ຈາກ​ໄພພິບັດ​ຄື ໄພນ້ຳ​ຖ້ວມຂອງ​ແມ່​ນ້ຳ​ສາຍ​ໃຫຍ່ ​ແຫ້ງ​ແລ້ງ​ໃນ​ຂອບ​ເຂດ​ກວ້າງ​ແລະ​ແຜ່ນດິນ​ໄຫວ​ເປັນຕົ້ນ, ​ໄດ້​ດຳ​ເນີນ​ການ​ກໍ່ສ້າງ​ໂຄງ​ການ​ຫຼຸດ​ໄພ​ຢ່າງ​ຂະໜາດ​ໃຫຍ່. ນອກ​ນີ້, ລະບົບ​ຕິດຕາມຢັ່ງ​ແທກ​ແລະເຕືອນ​ໄພທຳ​ມະ​ຊາດ​ປະ​ເພດ​ຕ່າງໆ​ກໍ​ໄດ້​ຮັບ​ການ​ປົວ​ແປງ​ໃຫ້​ສົມບູນ​ຢ່າງ​ບໍ່​ຢຸດ​ຢັ້ງ, ​ໄດ້​ບັນລຸ​ເຖິງ​ລະດັບຜູ່​ກູ້​ໄພ ວັດ​ຖຸ​ສົງ​ເຄາະ​ແລະ​ທຶນຮອນ​ຈັດ​ສົ່ງ​ໄປ​​​ເຖິງ​ບ່ອນເກີດ​ໄພພາຍ​ໃນ 24 ຊົ່ວ​ໂມງ.