|
|
 |
| (GMT+08:00)
2005-09-22 21:52:49
|
 |
|
ຕະຫຼາດອົບຮົມຂອງສິງກະໂປ(ສຽງ)
cri
Author: da
|
ເມື່ອສອງປີກ່ອນ,ສິງກະໂປກໍເລີ່ມພັດທະນາຕະຫຼາດອົບຮົມແລ້ວ."ອົງການສົ່ງເສີມການບໍລິການທາງການສຶກສາ"ຂອງສິງກະໂປໄດ້ສ້າງຕັ້ງຂຶ້ນຢ່າງເປັນທາງການໃນ ປີ 2003,ແຕ່ນັ້ນມາ,ອົງການສົ່ງເສີມການສຶກສາດັ່ງກ່າວໄດ້ຈັດຕັ້ງແລະເຂົ້າຮ່ວມການເຄື່ອນໄຫວຕ່າງໆຢູ່ອິນເດຍ ຈີນ ອິນໂດເນເຊຍແລະຫວຽດນາມເປັນຕົ້ນ,ຈຸດປະສົງແມ່ນເຜີຍແຜ່ການບໍລິການທາງການສຶກສາ ລວມທັງການສຶກສາພື້ນຖານແລະການສຶກສາຊັ້ນສູງ ການອົບຮົມໃນບໍລິສັດ ແລະຄ້າຍພັກຜ່ອນພົ້ນທະເລເປັນຕົ້ນ.
ສິງກະໂປມີຍຸດທະສາດຍາວນານໃນດ້ານພັດທະນາຕະຫຼາດບໍລິການການສຶກສາ,ເນື້ອໃນແກນກາງແມ່ນເຜີຍແຜ່ແຜນການ"ໂຮງຮຽນຮອບໂລກ"ຢູ່ແຫ່ງຕ່າງໆຂອງໂລກ.ແຜນການນີ້ແມ່ນເພື່ອເຮັດໃຫ້ສິງກະໂປພັດທະນາເປັນສູນ ບໍລິການການສຶກສາທີ່ສຳຄັນໃນພາກພື້ນຈົນເຖິງທົ່ວໂລກ.ປະຈຸບັນ,ຂະແໜງການສຶກສາກວມ GDP ຂອງສິງກະໂປ 3,6%.ລັດຖະບານສິງກະໂປໄດ້ວາງແຜນເຮັດໃຫ້ມູນຄ່າຂະແໜງການສຶກສາທັງໝົດກວມເສດຖະກິດສິງກະໂປເພີ່ມຂຶ້ນເຖິງ 5% ພາຍໃນ 10 ປີ.ເພື່ອບັນລຸຄາດໝາຍດັ່ງກ່າວ,ມາດຕະການທີ່ສຳຄັນອັນໜຶ່ງກໍແມ່ນອອກແຮງອົບຮົມອົງການການສຶກສາເອກະຊົນ,ລວວມທັງການອົບຮົມວິສາຫະກິດ.ຕາມຕົວເລກສະຖິຕິຂອງກົມທ່ອງທ່ຽວສິງກະໂປ,ໃນປີ 2002,ສະເພາະແຕ່ການອົບຮົມວິສາຫະກິດລາຍດຽວ ເຊິ່ງບໍ່ລວມທັງການອົບຮົມພະນັກງານພາຍໃນປະເທດ,ມູນຄ່າໃນແຕ່ລະປີກໍສູງເຖິງ 53 ລ້ານໂດລາສິງກະໂປ,ກວມແຕ່ເຄິ່ງໜຶ່ງຂອງການສຶກສາໄລຍະສັ້ນ.ແຕ່ອັນນີ້ພຽງແຕ່ແມ່ນການເລີ່ມຕົ້ນທໍ່ນັ້ນ.ນອກຈາກໄດ້ປະກອບສ່ວນໃນຂົງເຂດການສຶກສາແລ້ວ,ຜູ້ຄຸ້ມຄອງຂອງວິສາຫະກິດເຫຼົ່ານີ້ກໍໄດ້ເຮັດໃຫ້ການບໍລິການການທ່ອງທ່ຽວຂອງທ້ອງຖິ່ນມີລາຍໄດ້ເພີ່ມຂຶ້ນ.
ຢູ່ສິງກະໂປ,ອົງການອົບຮົມມີຫຼາຍປະເພດ,ຈຸດໜັກຂອງການອົບຮົມກໍ່ຕ່າງກັນ,ໃນນັ້ນ ລວມທັງການອົບຮົມພະນັກງານທີ່ກ່ຽວຂ້ອງຂອງຈີນ.
ອົງການອົບຮົມຢື້ແມ່ນບໍລິສັດອົບຮົມການສຶກສາໜຶ່ງທີ່ສຳຄັນຢູ່ສິງກະໂປ,ທ່ານເຢີນຈື້ໝິນ ຜູ້ຊ່ວຍຜູ້ຈັດການໃຫຍ່ຂອງອົງການດັ່ງກ່າວແນະນຳວ່າ,ສິງກະໂປສາມາດດູດດຶງຄະນະຈີນງວດໃຫຍ່ມາອົບຮົມແລະທັດສະນະສຶກສາ,ແມ່ນມີທ່າແຮງພິເສດ.ເຊັ່ນ,ການສິດສອນອົບຮົມແລະການແລກປ່ຽນທັດສະນະສຶກສາຂອງຄະນະຈີນຢູ່ສິງກະໂປ,ເວົ້າພາສາຈີນກໍ່ໄດ້ແລ້ວ,ບໍ່ຕ້ອງການນາຍພາສາ.ສອງ,ບົດຮຽນໃນດ້ານການຄຸ້ມຄອງທີ່ສຳເລັດຜົນຂອງສິງກະໂປໃນດ້ານລະບອບກົດໝາຍ ເສດຖະກິດແລະສັງຄົມເປັນຕົ້ນ,ກໍແມ່ນສິ່ງທີ່ບັນດາຄະນະຂອງຈີນສົນໃຈ.ສາມ,ອົງການຈັດຕັ້ງຢື້ເຊີ່ງຮູ້ຈັກສະພາບແຫ່ງຊາດຂອງສິງກະໂປແລະຈີນ,ສາມາດແລກປ່ຽນຄວາມເຫັນກັນຢ່າງເຕັມສ່ວນກັບຄະນະຈີນໃນເວລາປຶກສາຫາລືລາຍການ,ພາຍຫຼັງເຂົ້າໃຈຄວາມຮຽກຮ້ອງຕ້ອງການຂອງຝ່າຍກົງກັນຂ້າມຢ່າງເລິກເຊິ່ງແລ້ວ,ກໍຈັດວາງແຜນອົບຮົມທີ່ເໝາະກັບສະພາບຕົວຈິງ,ແລະສະເໜີຫຼັກສູດການອົບຮົມໃໝ່ຈຳນວນໜຶ່ງ.ພາຍຫຼັງຫຼັກສູດອົບຮົມສິ້ນສຸດລົງແລ້ວ,ພວກເຂົາເຈົ້າຍັງສຳຫຼວດຄວາມເພິ່ງພໍໃຈຂອງນັກຮຽນຄະນະຕ່າງໆທີ່ມີຕໍ່ຄູ,ເພື່ອຍົກຄຸນນະພາບການອົບຮົມໃຫ້ສູງຂຶ້ນຢ່າງບໍ່ຢຸດຢັ້ງ.ນອກນີ້,ອົງການຈັດຕັ້ງຢື້ເຊິ່ງຍັງມີການຕິດຕໍ່ພົວພັນຢ່າງກວ້າງຂວາງແລະສະໜິດແໜ້ນກັບພາກສ່ວນລັດຖະບານແລະວົງການອຸດສາຫະກຳການຄ້າຂອງສິງກະໂປ,ສາມາດອຳນວຍຄວາມສະດວກໃຫ້ຄະນະອົບຮົມຕິດຕໍ່ພົວພັນກັບພໍ່ຄ້າສິງກະໂປ,ຜ່ານການຈັດການເຄື່ອນໄຫວຄືງານອວນເຂົາພໍ່ຄ້າມາລົງທຶນແລະງານປຶກສາກັນເປັນຕົ້ນ,ຊ່ອຍເຫຼືອສະມາຊິກຄະນະອົບຮົມກັບວິສາຫະກິດອຸດສາຫະກຳການຄ້າສິງກະໂປສ້າງລະບົບເຄືອຂ່າຍຕິດຕໍ່ພົວພັນກັນ,ບຸກເບີກແລະເປີດກວ້າງຊ່ອງທາງເສດຖະກິດການຄ້າ.
ໃນດ້ານອົບຮົມຜູ້ພະຍາບານ,ສະມາຄົມແລກປ່ຽນຊັບພະຍາກອນມະນຸດສາກົນຈີນກັບກະຊວງສາທາລະນະສຸກສິງກະໂປໄດ້ຮ່ວມມືກັນສິບກວ່າປີ,ແຕ່ລະປີໄດ້ສົ່ງຜູ້ພະຍາບານ 100 ກວ່າຄົນໄປຝຶກງານຢູ່ສິງກະໂປ,ນັບມາຮອດປະຈຸບັນ ໄດ້ສົ່ງຜູ້ພະຍາບານ 1200 ກວ່າຄົນໄປອົບຮົມຢູ່ສິງກະໂປແລ້ວ.ອີງຕາມຂໍ້ກຳນົດຂອງສັນຍາທີ່ກ່ຽວຂ້ອງກັບໂຄງການຜູ້ພະຍາບານຈີນໄປອົບຮົມຢູ່ສິງກະໂປທີ່ເຊັນກັນລະຫວ່າງສະມາຄົມແລກປ່ຽນຊັບພະຍາກອນມະນຸດສາກົນຈີນກັບສອງກຸ່ມປີ່ນປົວໃຫຍ່ ເຊິ່ງໄດ້ຮັບອະນຸຍາດຈາກກະຊວງສາທາລະນະສຸກສິງກະໂປນັ້ນ,ມີແຕ່ເຂົ້າຮ່ວມການສອບເສັງລະດັບພາສາອັງກິດຂອງຜູ້ຄຸ້ມຄອງອຸດສາຫະກຳການຄ້າຈີນ(ຄື BFT) ທີ່ຈັດໂດຍກົມຊ່ຽວຊານຕ່າງປະເທດແຫ່ງຊາດຈີນ,ແລະໄດ້ຮັບໃບຢັ້ງຢືນຊັ້ນກາງຫຼືຊັ້ນສູງຂອງພະຍາບານນັ້ນ ຈຶ່ງມີຄຸນວຸດທິເຂົ້າຮ່ວມການສອບເສັງໜ້າຕໍ່ໜ້າແລະການເສັງທາງລາຍລັກອັກສອນຂອງເຈົ້າໜ້າທີ່ສິງກະໂປໄດ້.ເມື່ອເບິ່ງຈາກສະພາບໃນປະຈຸບັນ,ພວກເຂົາເຈົ້າຮູ້ສຶກພໍໃຈຫຼາຍຕໍ່ຕະຫຼາດອົບຮົມຂອງສິງກະໂປ.
|
|
|
