|
|
 |
| (GMT+08:00)
2005-09-23 14:33:56
|
 |
|
ການປະດິດສ້າງໄດ້ເຂົ້າສູ່ຍຸກມະຫາຊົນ
cri
 ການປະດິດສ້າງໄດ້ກາຍເປັນກະແສໜຶ່ງຂອງຍຸກປັດຈຸບັນ. ຄົນເຮົາສາມາດຜ່ານຈາກການຮຽນຕະຫຼອດຊີວິດເຮັດໃຫ້ຕົນເອງກາຍເປັນບຸກຄົນສະໝັກຫຼິ້ນທີ່ມີວິຊາສະເພາະທີ່ສຸດໃນຫຼາຍຂົງເຂດ,ຈົນກະທັ້ງລື່ນກາຍບຸກຄົນວິຊາສະເພາະ. ມີຜູ້ຊ່ຽວຊານສະເໜີອອກມາວ່າ,ສັງຄົມມະນຸດພວມຈາກຍຸກການຜະລິດຢ່າງຂະໜາດໃຫຍ່ເຂົ້າສູ່ຍຸກແຫ່ງການປະດິດສ້າງຢ່າງຂະໜາດໃຫຍ່. ເພາະວ່າ,ຄວາມສາມາດປະດິດສ້າງພວມຈາກບຸກຄົນວິຊາສະເພາະສົ່ງຕໍ່ໄປຮອດແຟນສະໝັກຫຼິ້ນທີ່ບໍ່ແມ່ນວິຊາສະເພາະ,ຜູ້ບໍລິໂພກທຳມະດາສາມັນໄດ້ກາຍເປັນຜູ້ປະດິດສ້າງທີ່ສຳຄັນ.
ເມື່ອ 30 ກວ່າປີກ່ອນ,ຢູ່ລັດກາລີໂຟເນຍແຫ່ງອາເມລິກາ,ມີແຟນລົດຖີບໜຸ່ມທີ່ມີກຳລັງວັງຊາຝູງໜຶ່ງຮູ້ສຶກເສຍໃຈຍ້ອນບໍ່ມີລົດແຂ່ງທີ່ເໝາະແກ່ການປີນພູ. ສະນັ້ນ,ພວກເຂົາເຈົ້າຈຶ່ງລອງເອົາອຸປະກອນສົ່ງແຮງຈູງໝູນ,ຢາງຄວາມດັນຕ່ຳຂອງລົດແຂ່ງທຳມະດາພ້ອມດ້ວຍລະບົບຫ້າມລໍ້ຂອງລົດຈັກມາປະກອບໃສ່ລົດຖີບ,ໃນທີ່ສຸດ,ຮູບຫຍໍ້ຂອງລົດຖີບປີນພູກໍໄດ້ກຳເນີດເກີດຂຶ້ນ.
ການປະດິດສ້າງຂອງຜູ້ບໍລິໂພກທຳມະດາສາມັນບໍ່ໄດ້ຈຳກັດແຕ່ລົດຖີບ ປີນພູເທົ່ານັ້ນ. ໃນ 5 ປີທີ່ຜ່ານມາ,ກິລາໂຕ້ຄື້ນດ້ວຍວ່າວ ເຊິ່ງເປັນກິລາທ້າທາຍຄວາມສາມາດສຸດຂີດໄດ້ກາຍເປັນກິລາຮອບໂລກທີ່ມີມູນຄ່າການຜະລິດ 100 ກວ່າລ້ານໂດລາສະຫະລັດ,ຜູ້ໂຕ້ຄື້ນຢືນຢູ່ເທິງກະດານໂຕ້ຄື້ນ,ທາງໜ້າຊັກດ້ວຍວ່າວທີ່ໃຫຍ່ພິລຶກ,ວ່າວບິນຢູ່ທ້ອງຟ້າ,ຖ້າມີລົມແຮງພັດມາ,ຜູ້ຫຼິ້ນຈະຖືກດຶງຂຶ້ນຟ້າ,ສຳຜັດກັບຄວາມມ່ວນຊື່ນໃນການບິນຊົ່ວຄາວ. ສ່ວນຜູ້ປະດິດສ້າງກໍແມ່ນຜູ້ມັກໂຕ້ຄື້ນ.
ບໍ່ມີຄົນຄິດເລີຍວ່າ,ແຟນດາລາສາດທີ່ສະໝັກຫຼິ້ນໄດ້ປະດິດສ້າງກ້ອງສ່ອງດີຈີຕອນທີ່ຕົ້ນທຶນຍ່ອມເຍົາ,ອາໃສກ້ອງສ່ອງດັ່ງກ່າວ,ພວກເຂົາເຈົ້າສາມາດເບິ່ງເຫັນດາວທີ່ 30 ປີກ່ອນມີແຕ່ກ້ອງສ່ອງເອເລັກໂຕຼນິກຂອງຫໍດາລາສາດໂຈເດີເລບານທີ່ມີຊື່ສຽງຂອງອັງກິດຈຶ່ງສັງເກດເຫັນໄດ້.
ບໍ່ມີຄົນຄາດຄະເນໄດ້ວ່າ,ລະບົບຊິສທິມລີນູກສ໌(Linux)ທີ່ບໍ່ເສຍຄ່າຄູ່ແຂ່ງທີ່ໃຫຍ່ກວ່າໝູ່ຂອງບໍລິສັດໄມໂຄຼຊອຟໃນຂົງເຂດລະບົບຄອມພິວເຕີແມ່ນຜູ້ໃຊ້ຄອມພິວເຕີປະມານ 1 ແສນ 4 ໝື່ນຄົນຮ່ວມກັນພັດທະນາ,ໃນນັ້ນ ກຳລັງຫຼັກແຫຼ່ງແມ່ນຜູ້ຂຽນໂປຼແກມຄອມພິວເຕີປະມານ 2000 ຄົນ,ພວກເຂົາເຈົ້າໄດ້ໃຊ້ເວລາແລະເຕັກນິກມາຊ່ອຍສ້າງລະບົບດັ່ງກ່າວໂດຍບໍ່ເກັບຄ່າ.
ເມື່ອ 20 ກວ່າປີກ່ອນ,ຊາວໜຸ່ມຄົນຜິວດຳຝູງໜຶ່ງຂອງອາເມລິກາ ໄດ້ແລກປ່ຽນກະແສັດດົນຕີທີ່ພວກເຂົາເຈົ້າອັດຢູ່ບ້ານ,ເຮັດໃຫ້ເພງແຣບ ຮູບການດົນຕີແບບໃໝ່ໄດ້ປະກົດອອກມາ. ປັດຈຸບັນ ດາລາເພງແຣບໄດ້ກາຍເປັນກຳລັງຫຼັກແຫຼ່ງບົນເວທີດົນຕີຍຸກປັດຈຸບັນຂອງອັງກິດແລະອາເມລິກາ.
ສາລານຸກົມເວກີແມ່ນສາລານຸກົນຕາມອິນເຕີເນັດທີ່ບໍ່ເສຍຄ່າແບບວົງເປີດໝົດ,ຜູ້ທີ່ບໍ່ມີເຈດຕະນາຮ້າຍໃດໆລ້ວນແຕ່ສາມາດດັດແປງສັບໃດສັບໜຶ່ງຢູ່ໃນນັ້ນແລະກໍສາມາດໃຊ້ເນື້ອໃນຂອງສາລານຸກົມຟຼີ. ປັດຈຸບັນ,ມັນໄດ້ມີສະບັບ 105 ພາສາແລ້ວ,ມີສັບລວມ 1 ລ້ານ 3 ແສນຄຳ.
ຜູ້ຊ່ຽວຊານກ່າວວ່າ,ປັດຈຸບັນ ສັງຄົມມະນຸດພວມຈາກຍຸກການຜະລິດຢ່າງຂະໜາດໃຫຍ່ເຂົ້າສູ່ຍຸກແຫ່ງການປະດິດສ້າງຢ່າງຂະໜາດໃຫຍ່.
ສະຕະວັດທີ 20,ການຜະລິດຢ່າງຂະໜາດໃຫຍ່ໄດ້ອຸບັດຂຶ້ນແລະຈະເລີນຮຸ່ງເຮືອງ,ຢູ່ໃນໂຮງງານໄດ້ໃຊ້ແຮງຄົນ,ວັດຖຸດິບແລະເຄື່ອງຈັກຜະລິດຜະລິດຕະພັນຢ່າງຂະໜາດໃຫຍ່. ແຕ່ໃນຊູ່ມື້ນີ້ຂອງສະຕະວັດທີ 21 ຝູງຄົນປະດິດສ້າງໂດຍແມ່ນຜູ້ຊົມໃຊ້ເປັນຫຼັກແຫຼ່ງໄດ້ປະກົດຕົວອອກມາ,ອັນໄດ້ໄຂປະຕູແຫ່ງຍຸກການປະດິດສ້າງຢ່າງຂະໜາດໃຫຍ່,ການພັດທະນາຜະລິດຕະພັນໃໝ່,ອຳນວຍການບໍລິການໃໝ່ໄດ້ກາຍເປັນການເຄື່ອນໄຫວແບບສາມັນຊົນທີ່ມີຝູງຄົນເຂົ້າຮ່ວມ. ການປ່ຽນແປງດັ່ງກ່າວກໍໄດ້ປ່ຽນແປງຂະບວນການອອກແບບແລະຕົວສະແດງຂອງຜູ້ອອກແບບ. ໃນເມື່ອກ່ອນ,ທຳມະດາແລ້ວ ການອອກແບບລ້ວນແຕ່ແມ່ນຜູ້ຊ່ຽວຊານດ້ານການອອກແບບເປັນຜູ້ສຳເລັດ. ແຕ່ປັດຈຸບັນ ຢູ່ໃນຂົງເຂດນັບມື້ນັບຫຼາຍ,ການອອກແບບແມ່ນຜູ້ຊົມໃຊ້ທຳມະດາເປັນຜູ້ສຳເລັດຫຼືແມ່ນພວກເຂົາເຈົ້າຊ່ອຍຜູ້ຊ່ຽວຊານດ້ານການອອກແບບເຮັດສຳເລັດ.
ຜູ້ສັງເກດການສັງຄົມທີ່ຫຼັກແຫຼມຈຳນວນໜຶ່ງໄດ້ສັງເກດເຫັນປະກົດການດັ່ງກ່າວ. ໃນຫຼາຍປີມານີ້,ນັກປະພັນແລະນັກເສດຖະສາດຈຳນວນໜຶ່ງຂອງອັງກິດແລະອາເມລິກາລ້ວນແຕ່ໄດ້ຂຽນໜັງສືຫາລືຫົວຂໍ້ທີ່ວ່າ"ການປະດິດສ້າງຂອງຜູ້ສະໝັກຫຼິ້ນ"ຄື"ການປະຕິວັດປະດິດສ້າງຂອງຜູ້ຊົມໃຊ້. ມີຜູ້ຊ່ຽວຊານຄາດຄະເນວ່າ,ໃນຫຼາຍສິບປີຂ້າງໜ້າ,ການປະດິດສ້າງແລະໝາກຜົນຄົ້ນຄວ້າຍິ່ງຫຼາຍຈະແມ່ນບຸກຄົນສະໝັກຫຼິ້ນທີ່ມີວິຊາສະເພາະເປັນຜູ້ເຮັດສຳເລັດ,ສ່ວນການປະດິດສ້າງກໍຈະເຂົ້າສູ່ຍຸກມະຫາຊົນ.
|
|
|
