|
|
 |
| (GMT+08:00)
2005-09-23 14:40:40
|
 |
|
ຜັກກັບສຸຂະພາບ
cri
 ຄິດວ່າທ່ານຄົງຈະຮູ້ວ່າຜັກມີທາດບຳລຸງທຸກຢ່າງທີ່ຮ່າງກາຍຄົນເຮົາຕ້ອງການ,ມີຜົນດີຕໍ່ສຸຂະພາບຂອງຄົນ. ສຸພາສິດຈີນເວົ້າວ່າ,ສາມມື້ບໍ່ກິນຜັກກໍຈະເຂັລເກົ້າເມົາຫົວ",ໝາຍຄວາມວ່າ,ຖ້າບໍ່ກິນຜັກຫຼາຍມື້,ຮ່າງກາຍກໍຈະບໍ່ສະບາຍ. ໃນເວລາທາດກົດກັບທາດດັ່ງໃນຮ່າງກາຍເສຍຄວາມດຸນດ່ຽງກັນ,ແລະໃນເວລາຮ່າງກາຍຕ້ອງການອາຫານທາດດັ່ງນັ້ນ,ກໍຈະມີຄວາມຮູ້ສຶກຢາກກິນຜັກ,ນີ້ກໍແມ່ນທາດແທ້ທີ່ຊີ້ບອກໃນຄຳສຸພາສິດຈີນ.
ຜູ້ຊ່ຽວຊານແພດສາດເຫັນວ່າ,ໃນນ້ຳຜັກ,ເຊື້ອໄວລັສແມ່ນແຜ່ພັນບໍ່ໄດ້,ໃນເລືອດທີ່ສະອາດ,ເຊື້ອໄວລັສແມ່ນຊົງຕົວຢູ່ບໍ່ໄດ້. ສະນັ້ນ,ກິນຜັກສົດຫຼາຍໆບໍ່ພຽງແຕ່ສາມາດເພີ່ມພູມຕ້ານທານຂອງຮ່າງກາຍທໍ່ນັ້ນ,ຍັງສາມາດທຳຄວາມອະນາໄມໃນເລືອດແລະປ້ອງກັນເປັນຫວັດໄດ້ຢ່າງບັງເກີດຜົນອີກ. ການຈະເລີນເຕີບໂຕຂອງກະດູກຮ່າງກາຍຕ້ອງການທາດປູນ,ໃນຜັກຂຽວບໍ່ພຽງແຕ່ມີທາດປູນຫຼາຍກວ່າໝູ່ທໍ່ນັ້ນ,ທາດໝັກໃນຜັກຍັງສາມາດປ່ຽນໂປຼຕິນໃຫ້ເປັນໂປຼຕິນຍ່ອຍອາຫານ,ປ່ຽນທາດແປ້ງໃຫ້ເປັນທາດນ້ຳຕານ. ທັງສາມາດຊ່ອຍຍ່ອຍອາຫານ,ເຮັດອະນາໄມສາຍເລືອດແລະເພີ່ມຄວາມທົນຂອງສາຍເລືອດ,ສະນັ້ນ,ຈຶ່ງສາມາດເຮັດໃຫ້ເລືອດໝູນວຽນເປັນຢ່າງດີ,ເຮັດໃຫ້ຫົວໃຈເຕັ້ນເປັນປົກກະຕິ. ຜັກຕີນເປັດກໍມີທາດປູນແລະທາດເຫຼັກອຸດົມສົມບູນ. ວິຕາມິນອາໃນຜັກຕີນເປັດສາມາດປ້ອງກັນພະຍາດຕິດແປດ. ໃບຂອງຜັກຕີນເປັດມີທາດອີອົດ,ມີປະໂຫຍດຫຼາຍຕໍ່ການປິ່ນປົວພະຍາດຄໍໜຽງ. ຫວ່າງມໍ່ໆນີ້ ຜັກຕີນເປັດຍັງຖືກໃຊ້ມາປົວພະຍາດລັງສີ. ຜັກເຊເລີລີຂົ້ວໃສ່ຊີ້ນງົວບໍ່ພຽງແຕ່ແຊບ,ກິນຜັກເຊເລີລີເລື້ອຍໆຍັງມີຜົນດີຕໍ່ສຸຂະພາບ,ເຮັດໃຫ້ມີແຮງ. ໃຍຜັກເຊເລີລີຊ່ອຍຊຸກຍູ້ໃຫ້ລຳໄສ້ຄັ້ນຮູດ,ແກ້ທ້ອງຜູກ. ໃຍຜັກຍັງມີບົດບາດພິເສດໃນດ້ານປ້ອງກັນແລະປົວພະຍາດສາຍເລືອດແດງແຂງ,ໂຣກຫົວໃຈຄາໂລນາ,ມະເຮັງກະເພາະລຳໄສ້,ພະຍາດອ້ວນ,ພະຍາດສະດວງທວານໜັກແລະໂຣກເບົາຫວານ. ສະນັ້ນ ຈຶ່ງເວົ້າວ່າຜັກມີຜົນປະໂຫຍດຫຼາຍຢ່າງ,ອາຫານອື່ນໆແມ່ນບໍ່ສາມາດເຂົ້າແທນໄດ້.
ຜັກມີບົດບາດຕາບຈູນແລະບູລະນະສັບພະຄຸນສຸຂະພາບຂອງຮ່າງກາຍ. ໃນການຕໍ່ສູ້ກັບໂຣກມະເຮັງເປັນເວລາຍາວນານ,ຄົນເຮົາໄດ້ສະສົມບົດຮຽນຫຼາຍຢ່າງ,ນັກຄົ້ນຄວ້າວິທະຍາສາດອາຫານຂອງອາເມລິກາກໍໄດ້ຢັ້ງຢືນວ່າ,ຜັກສາມາດຕ້ານທານໂຣກມະເຮັງ. ຜັກທີ່ຕ້ອງສະເໜີເປັນພິເສດມີ,ຜັກປະເພດໃບແລະກ້ານເຊັ່ນຜັກກາດຂາວ,ຜັກກາດຂຽວ,ຜັກກະຫຼ່ຳປີ,ຜັກກະຫຼ່ຳດອກແລະອື່ນໆ,ຜັກເຫຼົ່ານີ້ມີວັດຖຸທີ່ສາມາດຕ້ານທານໂຣກມະເຮັງ; ເຫັດທີ່ກິນໄດ້ຊະນິດຕ່າງໆເຊັ່ນເຫັດຫອມ,ເຫັດຫົວລີງ,ເຫັດຫູໜູ,ເຫັດຫູໜູຂາວ,ເຫັດເຟືອງແລະເຫັດເຂັມເປັນຕົ້ນມີວັດຖຸທີ່ສາມາດແຍກທາດຊີ້ນປົ່ງມະເຮັງແລະເຮັດໃຫ້ມີພູມຕ້ານທານ; ສາຫຼ່າຍປະເພດຕ່າງໆມີວັດຖຸທີ່ສາມາດສະກັດກັ້ນການເປັນໂຣກມະເຮັງ. ຍັງມີຜັກປ່າຫຼາຍຢ່າງກໍມີຄຸນຄ່າຕ້ານພະຍາດ.
ທ່ານສາດສະດາຈານໂອລາຟີ ນັກຈິດຕະສາດນອກແວໄດ້ຄົ້ນຄວ້າຜົນສະທ້ອນຂອງຜັກທີ່ມີຕໍ່ຈິດໃຈຂອງມະນຸດ,ຜົນການຄົ້ນຄວ້າສະແດງໃຫ້ເຫັນວ່າ,ຜັກບາງຢ່າງສາມາດປ່ຽນແປງສະພາບຈິດໃຈຂອງຄົນເຮົາ. ໜໍ່ສະຫຼັດສາມາດຊ່ອຍຂະຫຍາຍພອນສະຫວັນດ້ານດົນຕີ; ຜັກບົ່ວໃຫຍ່ແລະຜັກແປ້ນສາມາດຊຸກຍູ້ຈິນຕະນາການຕັກກະສາດຂອງຄົນເຮົາ. ບັນດານັກວິທະຍາສາດຊີ້ອອກວ່າ,ນີ້ສຳຄັນແມ່ນຍ້ອນວ່າ,ຜັກບາງຢ່າງມີທາດບຳລຸງແລະຈຸນລະສານໂລຫະທີ່ຕ່າງກັນ.
|
|
|
