ຕາມ​ໜັງສືພິມ​ເຢັນ​ໝິນຢື້​ປ້າວ​ຂອງ​ຈີນ: ​ໃນ 8 ​ເດືອນ​ປີ​ນີ້ທີ່​ຜ່ານ​ມາ​, ນັບ​ລວມ​ແລ້ວ "​ໂຄງການ​ແສງ​ຕາ​ເວັນ" ຂອງ​ຈີນ​ໄດ້ອົບຮົມ​ແຮງ​ງານ​ຊົນນະບົດ 1 ລ້ານ 5 ​ແສນ​ຄົນ​, ປ່ຽນ​ການ​ປະ​ກອບ​ອາຊີບ​​ອື່ນ 1 ລ້ານ 2 ​ແສນ 7 ໝື່ນ​ຄົນ, ອັດຕາ​ປະກອບ​ອາ​ຊີບ​ຫຼັງຮັບ​ການ​ອົບຮົມ​ໄດ້​ບັນ​ລຸ​ເກືອບ 85%.

"​ໂຄງການ​ແສງຕາ​ເວັນ" ທີ່​ເລີ່​ມ​ແຕ່ປີ 2004 ມີ​ຈຸດປະສົງຍົກ​ສູງ​ຄຸນ​ທາດ​ແລະ​ວິຊາ​ອາ​ຊີບ​ຂອງແຮງ​ງານ​ຊົນນະບົດ, ຊຸກ​ຍູ້​​ແຮງ​ງານ​ຊົນນະບົດປ່ຽນ​ອາຊີບ​ກະສິກຳໄປ​​ເປັນ​ອາ​ຊີບ​ບໍ່​ແມ່ນ​ກະ​ສິ​ກຳ​ແລະ​ເຂົ້າ​ເຮັດ​ວຽກ​ໃນ​ຕົວ​ເມືອງ, ​ເພື່ອ​ໃຫ້​ແຮງ​ງານ​ຊົນນະບົດ​ມີ​ອາຊີບ​ອັນ​ໝັ້ນ​ທ່ຽງ​ແລະ​ມີ​ລາຍ​ໄດ້​ເພີ່ມ​ຂຶ້ນ. ​ໂຄງການ​ດັ່ງກ່າວ​ສະໜັບສະໜູນ​ໂດຍ​ການ​ເງິນ​ສາທາລະນະ​ແຫ່ງ​ລັດ, ຕົ້ນ​ຕໍ​ປະ​ຕິບັດ​ຢູ່​ເຂດ​ຜະລິດ​ສະບຽງ​ອາຫານ​ຕົ້ນຕໍ ​ເຂດ​ສົ່ງ​ອອກ​ແຮງ​ງານ​ຕົ້ນ​ຕໍ​ແລະ​ເຂດ​ທຸກ​ຍາກ.