|
ໃນຂະນະທີ່ອົງການຮາມາສແຫ່ຂະບວນເກີດເຫດການລະເບີດ ພາໃຫ້100ກວ່າຄົນຕາຍແລະບາດເຈັບ
cri
Author: cai
ຕາມຂ່າວCRI:ວັນທີ 23 ກັນຍາ,ໃນເວລາອົງການຮາມາສດຳເນີນການແຫ່ຂະບວນປະກອບອາວຸດຢູ່ພາກເໜືອແຖບກາຊານັ້ນ,ໄດ້ເກີດເຫດການລະເບີດຢ່າງຮ້າຍແຮງກະທັນຫັນ,ເປັນເຫດເຮັດໃຫ້ 100 ກວ່າຄົນເຊິ່ງລວມທັງຜູ້ນຳຊັ້ນສູງຜູ້ໜຶ່ງຂອງອົງການຮາມາສຕາຍແລະບາດເຈັບ.
ຕາມສະຖິຕິເບື້ອງຕົ້ນສະແດງໃຫ້ເຫັນວ່າ,ປະຈຸບັນ,ໄດ້ມີ 19 ຄົນເສຍຊີວິດ,80 ກວ່າຄົນບາດເຈັບ,ມີຫຼາຍຄົນບາດເຈັບໜັກ,ໃນຜູ້ເສຍຊີວິດ,ມີທ່ານອາຮາມັດ ລານດູ ຜູ້ນຳຢູ່ພາກເໜືອແຖບກາຊາຂອງກອງພົນນ້ອຍຄັດຊຳ ຝ່າຍທະຫານທີ່ຂຶ້ນກັບອົງການຮາມາສ.
ປະຈຸບັນ,ສາຍເຫດທີ່ພາໃຫ້ມີການລະເບີດເທື່ອນີ້ຍັງບໍ່ທັນຮູ້ເທື່ອ.ອົງການຮາມາສປະກາດວ່າ,ຍົນເຮລິກົບປະກອບອາວຸດຂອງອິດສະລະແອນໄດ້ຍິງລູກສອນໄຟນຳວິຖີໄປໃສ່ຝຸງຄົນ,ແຕ່ບຸກຄົນກະຊວງພາຍໃນຂອງປາເລັສຕີນເຫັນວ່າ,ການລະເບີດແມ່ນຍ້ອນສາຍເຫດດ້ານເຕັກນິກ.ກອງທັບປ້ອງກັນປະເທດຂອງອິດສະລະແອນອອກຖະແຫຼງການກ່າວວ່າ,ກອງທະຫານອິດສະລະແອນບໍ່ມີສ່ວນກ່ຽວຂ້ອງກັບການລະເບີດເທື່ອນີ້.
|
|
