|
ສະພາຄວາມໝັ້ນຄົງຊຸກຍູ້ໃຫ້ປາເລັສຕີນແລະອິດສະລະແອນໃຊ້ການເຄື່ອນໄຫວຕື່ມອີກເພື່ອຊຸກຍູ້ຂະບວນວິວັດສັນຕິພາບຕາເວັນອອກກາງ
cri
Author: cai
ຕາມຂ່າວCRI:ວັນທີ 23 ກັນຍາ,ສະພາຄວາມໝັ້ນຄົງສະຫະປະຊາຊາດໄດ້ອອກຖະແຫຼງການຂອງປະທານ,ຊຸກຍູ້ໃຫ້ປາເລັສຕີນແລະອິດສະລະແອນເພີ່ມທະວີການຮ່ວມມືກັບບັນດາຝ່າຍທີ່ກ່ຽວຂ້ອງ,ໃຊ້ມາດຕະການຕື່ມອີກ,ຊຸກຍູ້ຂະບວນວິວັດສັນຕິພາບຕາເວັນອອກກາງໃຫ້ຂະຫຍາຍໄປໜ້າ.
ຖະແຫຼງການກ່າວລື້ມວ່າ,ມະຕິທີ່ກ່ຽວຂ້ອງທີ່ສະພາຄວາມໝັ້ນຄົງສະຫະປະຊາຊາດຜ່ານຮັບຮອງທຸກເທື່ອນັ້ນຕ້ອງເຄົາລົບແລະປະຕິບັດຢ່າງແທ້ຈິງ,ຈົນກວ່າປະເທດປາເລັສຕີນທີ່ເປັນເອກະລາດແລະມີປະຊາທິປະໄຕໄດ້ກຳເນີດຂຶ້ນແລະຢູ່ຮ່ວມກັນໂດຍສັນຕິກັບອິດສະລະແອນ.
ຖະແຫຼງການໄດ້ສະແດງຄວາມສະໜັບສະໜູນຖະແຫຼງການທີ່ສີ່ຝ່າຍທີ່ກ່ຽວຂ້ອງກັບບັນຫາຕາເວັນອອກກາງສະເໜີອອກມາຫວ່າງກ່ອນນີ້ບໍ່ດົນ,ແລະໄດ້ຈັດເອົາຖະແຫຼງການສະບັບດັ່ງກ່າວເຂົ້າເປັນເອກະສານຜະໜວກຂອງຖະແຫຼງການປະທານສະພາຄວາມໝັ້ນຄົງເທື່ອນີ້.
|
|
