|
|
 |
| (GMT+08:00)
2005-09-24 18:54:37
|
 |
|
ພາຍຫຼັງຖອນອອກຈາກແຖບກາຊາແລ້ວ ອິດສະລະແອນຖິ້ມລະເບີດໃສ່ເປົ້າໝາຍອົງການຮາມາສຄັ້ງທຳອິດ
cri
Author: cai
ຕາມຂ່າວສານຊິນຮວາ:ຕອນຮຸ່ງເຊົ້າວັນທີ 24 ກັນຍາ,ຍົນເຮລິກົບປະກອບອາວຸດຂອງອິດສະລະແອນໄດ້ຫຼອນໂຈມຕີເປົ້າໝາຍຕ່າງກັນ 3 ແຫ່ງຂອງອົງການຮາມາສຢູ່ແຖບກາຊາ,ພາໃຫ້ 3 ຄົນບາດເຈັບ.ນີ້ແມ່ນອິດສະລະແອນຫຼອນໂຈມຕີເປົ້າໝາຍອົງການຫົວຮຸນແຮງປາເລັສຕີນໃນແຖບກາຊາເປັນຄັ້ງທຳອິດພາຍຫຼັງອິດສະລະແອນປະກາດສິ້ນສຸດການປົກຄອງທາງການທະຫານຢູ່ແຖບກາຊາເປັນເວລາ 38 ປີໃນວັນທີ 12 ກັນຍາ.
ຕາມບຸກຄົນຮັກສາຄວາມປອດໄພຂອງປາເລັສຕີນເວົ້າວ່າ,ເປົ້າໝາຍ 3 ແຫ່ງທີ່ຖືກຫຼອນໂຈມຕີດັ່ງກ່າວມີເຮືອນຢູ່ຂອງປະຊາຊົນ 2 ຫຼັງ,ສິ່ງກໍ່ສ້າງອີກແຫ່ງໜຶ່ງແມ່ນໂຮງງານສ້ອມແປງເຄື່ອງຈັກ.ແຕ່ໂຄສົກກອງທັບປ້ອງກັນປະເທດອິດສະລະແອນພັດອອກຖະແຫຼງການກ່າວວ່າ,ເປົ້າໝາຍ 3 ແຫ່ງດັ່ງກ່າວລ້ວນແຕ່ແມ່ນສິ່ງກໍ່ສ້າງທີ່ຜະລິດແລະເກັບຮັກສາອາວຸດຂອງຜູ້ປະກອບອາວຸດອົງການຮາມາສ.
ຕາມໄດ້ຊາບ,ກ່ອນຫຼາຍຊົ່ວໂມງຫຼອນໂຈມຕີທາງອາກາດ,ຜູ້ປະກອບອາວຸດຂອງອົງການຮາມາສໄດ້ຍິງລູກສອນໄຟນຳວິຖີທີ່ເຮັດເອງ 20 ກວ່າໜ່ວຍໃສ່ເມືອງໜຶ່ງຂອງອິດສະລະແອນທີ່ແປະກັບພາກເໜືອແຖບກາຊາ.
|
|
|
