|
|
 |
| (GMT+08:00)
2005-09-24 19:03:37
|
 |
|
ຈີນແລະອັງກິດຈະວາງສະແດງວັດຖຸບູຮານອັນລ້ຳຄ່ານຳກັນຢ່າງຂະໜາດໃຫຍ່
cri
Author: cai
ຕາມໜັງສືພິມ《ຍືນມີນຢື້ປ້າວ》ສະບັບພົ້ນທະເລ:ວັນທີ 23 ກັນຍາ,ນັກຂ່າວໄດ້ຊາບຈາກຫໍພິພິທະພັນແຫ່ງຊາດຈີນວ່າ:ຫໍພິພິທະພັນອັງກິດແລະຫໍພິພິທະພັນວິກໂຕເລຍ ແອວເບີດແຫ່ງຊາດຂອງອັງກິດກັບວົງການຫໍພິພິທະພັນຂອງຈີນຈະຮ່ວມມືກັນວາງສະແດງຢ່າງຂະໜາດໃຫຍ່ທີ່ສຸດໃນປະຫວັດສາດ,ໃຫ້ຜູ້ຊົມຂອງສອງປະເທດໄດ້ຊົມເບິ່ງວັດຖຸບູຮານລ້ຳຄ່າຂອງປະເທດຝ່າຍກົງກັນຂ້າມໂດຍບໍ່ຕ້ອງອອກຈາກປະເທດຕົນ.
ຕາມໄດ້ຊາບ,ຫໍພິພິທະພັນອັງກິດຈະໃຫ້ຫໍພິພິທະພັນແຫ່ງຊາດຈີນຢືມວັດຖຸບູຮານລ້ຳຄ່າທີ່ເຂົາເຈົ້າເກັບຮັກສາໄວ້ເອົາມາວາງສະແດງຢູ່ຈີນ,ງານວາງສະແດງເທື່ອທຳອິດຈະຈັດຂຶ້ນຢ່າງໃຫຍ່ໂຕພາຍຫຼັງກິດຈະການສ້ອມແປງແລະຂະຫຍາຍຫໍພິພິທະພັນແຫ່ງຊາດຈີນສຳເລັດໃນປີ 2008,ໃນນັ້ນ,ລວມທັງວັດຖຸບູຮານຂອງເອຢິບບູຮານ.ຫໍພິພິທະພັນແຫ່ງຊາດຈີນກໍໄດ້ໃຫ້ຄຳໝັ້ນສັນຍາຈະໃຫ້ຫໍພິພິທະພັນອັງກິດຢືມວັດຖຸບູຮານຂອງຈີນເອົາໄປວາງສະແດງຢູ່ລອນດອນ.
ຫໍພິພິທະພັນວິກໂຕເລຍ ແອວເບີດແຫ່ງຊາດທີ່ຕັ້ງຢູ່ລອນດອນກໍຈະດຳເນີນໂຄງການຮ່ວມມືອັນສຳຄັນຢ່າງເປັນລະບົບກັບວົງການຫໍພິພິທະພັນຂອງຈີນແຕ່ປີນີ້ໄປຮອດປີ 2010.
|
|
|
