|
|
 |
| (GMT+08:00)
2005-09-25 18:51:14
|
 |
|
ອົງມົງກຸດລາຊະກຸມານແລະລັດຖະມົນຕີການຕ່າງປະເທດ ແລະການຄ້າຂອງບຼຸໄນຕ່າງພົບປະທ່ານນາງອູອີ
cri
Author: cai
ຕາມຂ່າວສານຊິນຮວາ:ວັນທີ 24 ກັນຍາ,ສົມເດັດບິນລາ ອົງມົງກຸດລາຊະກຸມານແລະສົມເດັດໂມຮາເມັດ ໂບນເກຍ ລັດຖະມົນຕີກະຊວງການຕ່າງປະເທດແລະການຄ້າຂອງບຼຸໄນຕ່າງໄດ້ພົບປະທ່ານນາງອູອີ ຮອງນາຍົກລັດຖະມົນຕີຈີນທີ່ໄປຢ້ຽມຢາມ.ສອງຝ່າຍກ່າວວ່າ,ຍິນດີພ້ອມກັນທຳຄວາມພະຍາຍາມ,ຊຸກຍູ້ໃຫ້ການພົວພັນຮ່ວມມືຖານບ້ານໃກ້ເຮືອນຄຽງທີ່ດີຕໍ່ກັນລະຫວ່າງສອງປະເທດຂະຫຍາຍລົງສູ່ລວງເລິກຢ່າງບໍ່ຢຸດຢັ້ງ.
ທ່ານນາງອູອີເວົ້າວ່າ,ຈີນກັບບຼຸໄນຄວນພະຍາຍາມເປີດກວ້າງເສດຖະກິດການຄ້າສອງຝ່າຍແລະການລົງທຶນຕໍ່ກັນ,ຂະຫຍາຍການຮ່ວມມືໃນຂົງເຂດຈຸດໜັກຄືການຂຸດຄົ້ນຊັບພະຍາກອນນ້ຳມັນເຊື້ອໄຟແລະອາຍແກັສທຳມະຊາດເປັນຕົ້ນ,ລົງເລິກການແລກປ່ຽນລະຫວ່າງສອງປະເທດໃນຫຼາຍຂົງເຂດ,ຊຸກຍູ້ການພົວພັນລະຫວ່າງສອງປະເທດໃຫ້ຂະຫຍາຍຕົວຢ່າງຮອບດ້ານ.
ໃນການພົບປະ,ສົມເດັດບິນລາຊົງກ່າວວ່າ,ຝ່າຍບຼຸໄນຍິນດີສືບຕໍ່ຊຸກຍູ້ການພົວພັນລະຫວ່າງສອງປະເທດໃຫ້ຂະຫຍາຍໄປໜ້າ.
ສົມເດັດໂມຮາເມັດ ໂບນເກຍກ່າວວ່າ,ເຫັນດີນຳການຕີລາຄາຂອງທ່ານນາງອູອີທີ່ມີຕໍ່ການພົວພັນລະຫວ່າງສອງປະເທດແລະຂໍ້ສະເໜີທີ່ກ່ຽວຂ້ອງກັບການເພີ່ມທະວີການຮ່ວມມືດ້ານເສດຖະກິດການຄ້າລະຫວ່າງສອງປະເທດ.ສົມເດັດກ່າວລື້ມວ່າ,ຝ່າຍບຼຸໄນຈະສືບຕໍ່ຍຶດໝັ້ນນະໂຍບາຍປະເທດຈີນດຽວ,ສະໜັບສະໜູນພາລະກິດອັນຍິ່ງໃຫຍ່ທີ່ໂຮມຈີນເຂົ້າເປັນເອກະພາບກັນ.
|
|
|
