|
ຝ່າຍຈີນຍິນດີພະຍາຍາມເຮັດໃຫ້ການພົວພັນຄູ່ຂາປະສານງານທາງຍຸດທະສາດຈີນຣັດເຊຍໄດ້ຮັບໝາກຜົນຫຼາຍກວ່າເກົ່າ
cri
Author: q
ຕາມຂ່າວCRI,ວັນທີ26ກັນຍາ,ຢູ່ທີ່ປັກກິ່ງ,ທ່ານຫູຈິນທາວ ປະທານປະເທດຈີນໄດ້ພົບປະທ່ານມີໂລນົຟ ປະທານຄະນະກຳມະການສະຫະພັນຣັດເຊຍ,ທ່ານຫູຈິນທາວກ່າວວ່າ,ຝ່າຍຈີນຍິນດີພ້ອມກັນກັບຝ່າຍຣັດເຊຍເພີ່ມທະວີການປະສານງານກັນຕື່ມອີກ,ສົມທົບກັນຢ່າງແໜ້ນແຟ້ນ,ຜັນຂະຫຍາຍໂຄງການຮ່ວມມືທີ່ສຳຄັນ,ເຮັດໃຫ້ການພົວພັນຄູ່ຂາປະສານງານທາງຍຸດທະສາດຈີນຣັດເຊຍໄດ້ຮັບໝາກຜົນຫຼາຍກວ່າເກົ່າ.
ສະພາປະຊາຊົນແຫ່ງຊາດຈີນແລະສະພາສູງ,ສະພາຕ່ຳຂອງຣັດເຊຍຄືຄະນະກຳມະການສະຫະພັນແລະສະພາດູມາ ແຫ່ງຊາດ ໄດ້ເລີ່ມປະຕິບັດກົນໄກແລກປ່ຽນເປັນປະຈຳຢ່າງຮອບດ້ານໃນວັນທີ25ກັນຍາ.ກ່ຽວກັບເລື່ອງນີ້,ທ່ານຫູຈິນທາວກ່າວວ່າ,ຫວັງໃຫ້ສະພາປະຊາຊົນແຫ່ງຊາດຈີນກັບຄະນະກຳມະການສະຫະພັນຣັດເຊຍນຳໃຊ້ກົນໄກແລກປ່ຽນທີ່ສ້າງຂຶ້ນໃໝ່ຢ່າງເຕັມສ່ວນ,ປະກອບສ່ວນໃໝ່ເຂົ້າໃນການຊຸກຍູ້ການພົວພັນຄູ່ຂາປະສານງານທາງຍຸດທະສາດລະຫວ່າງສອງປະເທດໃຫ້ພັດທະນາລົງສູ່ລວງເລິກ.
ທ່ານມີໂລນົຟກ່າວວ່າ,ຄະນະກຳມະການສະຫະພັນຣັດເຊຍຍິນດີພ້ອມກັນກັບສະພາປະຊາຊົນແຫ່ງຊາດຈີນ, ຕັ້ງໜ້າ ພະຍາຍາມຊຸກຍູ້ການພົວພັນຄູ່ຂາປະສານງານທາງຍຸດທະສາດຣັດເຊຍຈີນໃຫ້ຂະຫຍາຍຕົວຕື່ມອີກ.
|
|
