ຈີນໄດ້ຄົ້ນຄວ້າຜະລິດເຄື່ອງຢາມສິ່ງລະເບີດແບບໃໝ່ຢ່າງສຳເລັດຜົນ
cri
ຕາມຂ່າວສານຊິນຮວາ,ຫວ່າງມໍ່ໆນີ້,ສະຖາບັນຄົ້ນຄວ້າວິທະຍາສາດພະລັງງານປະລະມານູຂອງຈີນໄດ້ຄົ້ນຄວ້າຜະລິດເຄື່ອງກວດສິ່ງລະເບີດໃນເຄື່ອງເດີນທາງແລະກະເປົາຫິ້ວຢ່າງສຳເລັດຜົນ,ແລະໄດ້ຜ່ານການກວດສອບຂອງຜູ້ຊ່ຽວຊານພາກສ່ວນປ້ອງກັນຄວາມສະຫງົບ.
ເຄື່ອງຢາມສິ່ງລະເບີດນີ້ບໍ່ພຽງແຕ່ສາມາດກວດກາເຄື່ອງລະເບີດໄດ້ເທົ່ານັ້ນ,ພ້ອມກັນນັ້ນ,ຍັງສາມາດກວດກາວັດຖຸແຜ່ລັງສີນຳອີກ,ໃຊ້ກວດສິ່ງລະເບີດໃນເຄື່ອງເດີນທາງທີ່ເປັນກະເປົາຫິ້ວຢູ່ເດີ່ນຍົນ,ສະຖານີລົດໄຟ,ທ່າກ່ຳປັ່ນ,ດ່ານພາສີແລະສະຖານທີ່ສຳຄັນຕ່າງໆ.ຕາມໄດ້ຊາບ,ເຄື່ອງກວດຊະນິດນີ້ມີເຕັກນິກກ້າວໜ້າ,ປັດຈຸບັນ,ຢູ່ໃນໂລກມີແຕ່ປະເທດຈຳນວນໜ້ອຍເທົ່ານັ້ນສາມາດຜະລິດໄດ້.
|
|