|
ຈີນກ່າວວ່າຍິນດີປະກອບສ່ວນໃໝ່ເຂົ້າໃນການພັດທະນາເສດຖະກິດພາກພື້ນແລະຄວາມຈະເລີນຮຸ່ງເຮືອງພ້ອມກັນຂອງບັນດາປະເທດອາຊີຕາເວັນອອກ
cri
ຕາມຂ່າວCRI,ວັນທີ29ກັນຍາ,ຢູ່ນະຄອນຫຼວງວຽງຈັນ,ທ່ານອີກວາງໂຈ່ວ ຮອງລັດຖະມົນຕີກະຊວງການຄ້າຈີນກ່າວວ່າ, ຍິນດີປະກອບສ່ວນໃໝ່ເຂົ້າໃນການພັດທະນາເສດຖະກິດພາກພື້ນແລະຄວາມຈະເລີນຮຸ່ງເຮືອງພ້ອມກັນຂອງບັນດາປະເທດອາຊີຕາເວັນອອກ.
ໃນມື້ດຽວກັນ,ທ່ານອີກວາງໂຈ່ວ ໄດ້ນຳພາຄະນະຜູ້ແທນເຂົ້າຮ່ວມກອງປະຊຸມລັດຖະມົນຕີເສດຖະກິດອາຊຽນກັບຈີນ,ຍີ່ປຸ່ນ,ສ.ເກົາຫຼີຄື10+3.ໃນງານຊຸມນຸມນັກຂ່າວທີ່ຮ່ວມກັນຈັດຂຶ້ນຫຼັງກອງປະຊຸມ,ທ່ານກ່າວວ່າ,ອາຊຽນ,ຍີ່ປຸ່ນ,ສ.ເກົາຫຼີລ້ວນແຕ່ແມ່ນຄູຮ່ວມມືດ້ານການຄ້າທີ່ສຳຄັນຂອງຈີນ,ຈີນຍິນດີຕັ້ງໜ້າຊຸກຍູ້ການຮ່ວມມືດ້ານເສດຖະກິດກັບອາຊຽນບົນພື້ນຖານຫຼັກການທີ່ປຶກສາຫາລືກັນຢ່າງສະເໝີພາບ,ຕ່າງຝ່າຍຕ່າງມີຜົນປະໂຫຍດ,ຄ່ອຍເປັນຄ່ອຍໄປ,ໄຂປະຕູແລະໂຮມເອົາຫຼາຍສິ່ງຫຼາຍຢ່າງໃຫ້ເຊື່ອມໂຍງເຂົ້າກັນ, ປະກອບສ່ວນໃໝ່ເຂົ້າໃນການພັດທະນາເສດຖະກິດພາກພື້ນແລະຄວາມຈະເລີນຮຸ່ງເຮືອງພ້ອມກັນຂອງບັນດາປະເທດອາຊີຕາເວັນອອກ
|
|
