ການຮ່ວມມືລະຫວ່າງແຂວງກວງຕຸ້ງກັບຮົງກົງໄດ້ກ້າວເຂົ້າສູ່ໄລຍະໃໝ່
cri
ຕາມຂ່າວສານຊິນຮວາ,ໜັງສືພິມສຳຄັນຕ່າງໆຂອງຮົງກົງສະບັບວັນທີ29ກັນຍາໄດ້ລາຍງານຂ່າວກອງປະຊຸມປະສົມຄັ້ງທີ8ຂອງການຮ່ວມມືກວງຕຸ້ງຮົງກົງແລະໝາກຜົນຂອງກອງປະຊຸມຢ່າງພົ້ນເດັ່ນ,ພ້ອມກັນນັ້ນ,ຍັງໄດ້ທະຍອຍກັນພິມບົດວິຈານ,ຕີລາຄາສູງຕໍ່ກອງປະຊຸມເທື່ອນີ້,ເຫັນໂດຍທົ່ວໄປວ່າ,ການຮ່ວມມືລະຫວ່າງແຂວງກວງຕຸ້ງກັບຮົງກົງໄດ້ກ້າວເຂົ້າສູ່ໄລຍະໃໝ່ແລ້ວ.
ໜັງສືພິມຕ້າກົ່ງປ້າວໄດ້ພິມບົດວິຈານໂດຍຂຽນວ່າ,ກອງປະຊຸມເທື່ອນີ້ສາມາດເຮັດໃຫ້ການຮ່ວມມືກວງຕຸ້ງຮົງກົງກ້າວໄປໜ້າຢ່າງໜັກແໜ້ນ,ທັງສາມາດວາງໂຄງຄວາມຄິດແຫ່ງການພັດທະນາຍາວໄກຢ່າງເຫັນກວ້າງມອງໄກນຳອີກ.
ໜັງສືພິມເວິນຮຸຍປາວຂອງຮົງກົງໄດ້ພິມບົດວິຈານ,ຊີ້ອອກວ່າ,ກອງປະຊຸມເຮັດໃຫ້ສອງຝ່າຍໄດ້ຮັບໝາກຜົນທີ່ ໄດ້ຮັບຜົນປະໂຫຍດນຳກັນຫຼາຍກວ່າເກົ່າ.ຂົງເຂດແລະຊ່ອງຫວ່າງການຮ່ວມມືສອງຝ່າຍ,ໄດ້ຈາກຄວາມຄັບແຄບໃນເມື່ອກ່ອນກ້າວໄປສູ່ລະດັບກວ້າງຂວາງກວ່າເກົ່າ.
|
|