|
|
 |
| (GMT+08:00)
2005-09-29 21:22:24
|
 |
|
ກອງປະຊຸມລັດຖະມົນຕີເສດຖະກິດອາຊຽນ-ຈີນ ຍີ່ປຸ່ນ
ສ.ເກົາຫຼີຈັດຂຶ້ນຢູ່ວຽງຈັນ
cri
ຕາມຂ່າວcri, ຕອນເຊົ້າວັນທີ29ກັນຍາ,ກອງປະຊຸມລັດຖະມົນຕີເສດຖະກິດຄັ້ງທີ8ຂອງອາຊຽນ-ຈີນ ຍີ່ປຸ່ນ ສ.ເກົາຫຼີໄດ້ຈັດຂຶ້ນຢູ່ວຽງຈັນ. ກອງປະຊຸມໄດ້ຕົກລົງເພີ່ມທະວີການຮ່ວມມືຂອງບັນດາຝ່າຍໃນຂົງເຂດຄວາມປອດໄພດ້ານພະລັງງານ.
ລັດຖະມົນຕີເສດຖະກິດຂອງບັນດາປະເທດທີ່ຮ່ວມປະຊຸມເປັນເອກະ ສັນກັນກ່າວວ່າ,ບັນດາປະເທດມີຄວາມຈຳເປັນເພີ່ມທະວີຄວາມປອດໄພດ້ານພະລັງງານ,ຕັ້ງໜ້າຊຸກຍູ້ການຮ່ວມມືລະຫວ່າງບັນດາຝ່າຍໃນດ້ານຕ່າງໆ ຄື ຍົກສູງປະສິດທິພາບນຳໃຊ້ພະລັງງານ, ພັດທະນາແລະນຳໃຊ້ພະລັງງານທີ່ເກີດໃໝ່ໄດ້, ແລະປັບປຸງການສະສົມພະລັງງານໃຫ້ເໝາະສົມເປັນຕົ້ນ.
ທ່ານຢູກວາງໂຈວ ຮອງລັດຖະມົນຕີກະຊວງການຄ້າຈີນໄດ້ນຳພາຄະນະຜູ້ແທນຈີນເຂົ້າຮ່ວມກອງປະຊຸມຄັ້ງນີ້. ໃນງານຊຸມນຸມນັກຂ່າວທີ່ຮ່ວມກັນຈັດຂຶ້ນພາຍຫຼັງກອງປະຊຸມ, ທ່ານກ່າວວ່າ, ອາຊຽນກັບຍີ່ປຸ່ນແລະສ.ເກົາຫຼີລ້ວນແຕ່ແມ່ນຄູ່ຂາຮ່ວມມືດ້ານການຄ້າທີ່ສຳຄັນຂອງຈີນ, ຈີນຍິນດີຕັ້ງໜ້າຊຸກຍູ້ການຮ່ວມມືເສດຖະກິດກັບອາຊຽນບົນພື້ນຖານຫຼັກການປຶກສາຫາລືກັນຢ່າງສະເໝີພາບ, ຕ່າງຝ່າຍຕ່າງມີຜົນປະໂຫຍດ, ຄືບໜ້າເທື່ອລະກ້າວຢ່າງເປັນລະບຽບ,ໄຂປະຕູ,ແລະເຊື່ອມໂຍງເຂົ້າກັນ, ເພື່ອປະກອບສ່ວນໃໝ່ເຂົ້າໃນການພັດທະນາເສດຖະກິດພາກພື້ນແລະໃຫ້ບັນດາປະເທດອາຊີຕາເວັນອອກພ້ອມກັນຈະເລີນຮຸ່ງເຮືອງ.
|
|
|
