|
|
 |
| (GMT+08:00)
2005-09-29 21:31:56
|
 |
|
ຈີນແມ່ນກຳລັງແງ່ໜຶ່ງທີ່ປະກອບສ່ວນຢ່າງຕັ້ງໜ້າໃນການຊຸກຍູ້ສັນຕິພາບແລະການພ້ອມກັນພັດທະນາຂອງໂລກຈົນເທົ່າໃດໆ
cri
ຕາມຂ່າວCRI,ໃນງານຖະແຫຼງຂ່າວທີ່ຈັດຂຶ້ນຢູ່ປັກກິ່ງໃນວັນທີ29ກັນຍາ,ທ່ານຊິນກ່າງ ໂຄສົກກະຊວງການຕ່າງປະເທດຈີນໄດ້ຕອບຄຳຖາມທີ່ກ່ຽວຂ້ອງຂອງນັກຂ່າວ.
ໃນເວລາຕອບຄຳຖາມຂອງນັກຂ່າວກ່ຽວກັບນະໂຍບາຍການຕ່າງປະເທດຂອງຈີນນັ້ນ,ທ່ານຊິນກ່າງກ່າວວ່າ,ຈີນປະຕິບັດນະໂຍບາຍການທູດສັນຕິພາບທີ່ຕັ້ງຕົວເປັນເອກະລາດ,ເປັນເຈົ້າຕົນເອງ,ຍຶດໝັ້ນເດີນຕາມເສັ້ນທາງພັດທະນາໂດຍສັນຕິ.ຍຶດໝັ້ນມີໄມຕີຈິດຕໍ່ປະເທດໃກ້ຄຽງ ,ຖືປະເທດໃກ້ຄຽງເປັນເພື່ອນ. ຈີນແມ່ນກຳລັງແງ່ໜຶ່ງທີ່ປະກອບສ່ວນຢ່າງຕັ້ງໜ້າໃນການຊຸກຍູ້ສັນຕິພາບແລະການພ້ອມກັນ ພັດທະນາ ຂອງມະນຸດຈົນເທົ່າໃດໆ.
ໃນເວລາຕອບຄຳຖາມກ່ຽວກັບບັນຫາສ.ປ.ປ.ເກົາຫຼີມີເຄື່ອງປະຕິກອນນ້ຳທາດເບົາ,ທ່ານຊິນກ່າງກ່າວວ່າ,ໃນຖະແຫຼງການຮ່ວມທີ່ປະກາດໃນການເຈລະຈາຫົກຝ່າຍຮອບສີ່,ບັນດາຝ່າຍທີ່ກ່ຽວຂ້ອງໄດ້ໃຫ້ຄຳໝັ້ນສັນຍາ,ທັງໄດ້ກຳນົດເປົ້າໝາຍລວມທີ່ເຮັດໃຫ້ແຫຼມເກົາຫຼີປອດນີວເຄຼຍດ້ວຍສັນຕິວິທີແລະກວດກາໄດ້.ຫວັງໃຫ້ບັນດາຝ່າຍທີ່ກ່ຽວຂ້ອງສືບຕໍ່ສະແດງໃຫ້ເຫັນທ່າທີຄ່ອງແຄ້ວແລະຕິດແທດຕົວຈິງ,ບັນລຸການແກ້ໄຂບັນຫານີວເຄຼຍແຫຼມເກົາຫຼີໂດຍສັນຕິໃນທີ່ສຸດ.
ເມື່ອກ່າວເຖິງບັນຫາບໍ່ນ້ຳມັນເຊື້ອໄຟແລະອາຍແກັສທຳມະຊາດຢູ່ທຽນວາຍທຽນທະເລຕົ່ງຫາຍຂອງຈີນ,ທ່ານຊິນກ່າງໄດ້ກ່າວລື້ມອີກເທື່ອໜຶ່ງວ່າ,ຈີນພັດທະນາບໍ່ອາຍແກັສທຳມະຊາດແມ່ນດຳເນີນຢູ່ທະເລມໍ່ຂອງຈີນທີ່ບໍ່ມີການວິວາດກັນດ້ານອະທິປະໄຕ,ຝ່າຍຈີນກໍຍິນດີຜ່ານຈາກການສົນທະນາກັບຝ່າຍຍີ່ປຸ່ນ,ແກ້ໄຂບັນຫາທີ່ກ່ຽວຂ້ອງຢ່າງເໝາະສົມ.
ໃນເວລາຕອບຄຳຖາມກ່ຽວກັບບາງປະເທດສະເໜີໃຫ້ເພີ່ມຄ່າບຳລຸງສະຫະປະຊາຊາດຂອງຈີນແລະຣັດເຊຍນັ້ນ,ທ່ານຊິນກ່າງກ່າວວ່າ,ຈີນຈະເຮັດຄືແຕ່ກ່ອນ, ປະຕິບັດພັນທະເສຍຄ່າບຳລຸງສະຫະປະຊາຊາດຢ່າງເອົາຈິງເອົາຈັງ.
|
|
|
