|
ກອງປະຊຸມລັດຖະມົນຕີເສດຖະກິດອາຊຽນກັບຈີນ ຍີ່ປຸ່ນແລະສ.ເກົາຫຼີຕົກລົງເພີ່ມທະວີການຮ່ວມມື້ຄວາມປອດໄພດ້ານພະລັງງານ
cri
ຕາມຂ່າວcri, ຕອນເຊົ້າວັນທີ29ກັນຍາ, ກອງປະຊຸມລັດຖະມົນຕີເສດຖະກິດຄັ້ງທີ8ຂອງອາຊຽນກັບຈີນ ຍີ່ປຸ່ນແລະສ.ເກົາຫຼີຄື10+3ໄດ້ຈັດຂຶ້ນຢູ່ວຽງຈັນ. ກອງປະຊຸມໄດ້ຕົກລົງກັນຈະເພີ່ມທະວີການຮ່ວມມືລະຫວ່າງຝ່າຍຕ່າງໆໃນຂົງເຂດຄວາມປອດໄພດ້ານພະລັງງານ.
ລັດຖະມົນຕີເສດຖະກິດບັນດາປະເທດທີ່ຮ່ວມປະຊຸມເປັນເອກະສັນກັນກ່າວວ່າ, ໂດຍປະເຊີນກັບສະພາບທີ່ລາຄານ້ຳມັນເຊື້ອໄຟຂອງໂລກຖີບສູງຂຶ້ນແລະການຂາດເຂີນນ້ຳມັນດິບພາໃຫ້ເກີດຜົນສະທ້ອນທາງລົບຕໍ່ເສດຖະກິດພາກພື້ນນັ້ນ, ບັນດາປະເທດຈຳເປັນຕ້ອງຍົກຄວາມສາມາດຮັບມືຂອງພາກພື້ນຕົນໃຫ້ສູງຂຶ້ນ, ເພີ່ມທະວີຄວາມປອດໄພດ້ານພະລັງງານ, ຕັ້ງໜ້າຊຸກຍູ້ການຮ່ວມມືຂອງບັນດາຝ່າຍໃນດ້ານຕ່າງໆ ຄື ຍົກສູງປະສິດທິພາບນຳໃຊ້ພະລັງງານ, ພັດທະນາແລະນຳໃຊ້ພະລັງງານທີ່ເກີດໃໝ່ໄດ້, ແລະບູລະນະການສະສົມພະລັງງານເປັນຕົ້ນ.
|
|
