|
ຕອນບ່າຍມື້ນີ້,ກອງປະຊຸມປຶກສາຫາລືກັນລະຫວ່າງລັດຖະມົນຕີເສດຖະກິດອາຊຽນ-ຈີນຄື10+1ຄັ້ງທີສີ່ໄດ້ຈັດຂຶ້ນຢູ່ນະຄອນຫຼວງວຽງຈັນ.ຫຼັງກອງປະຊຸມ,ທ່ານສູລິວົງ ດາລາວົງ ລັດຖະມົນຕີວ່າການກະຊວງການຄ້າລາວໄດ້ໃຫ້ສຳພາດຕໍ່ນັກຂ່າວວິທະຍຸພວກເຮົາ,ທ່ານເຫັນວ່າ,ກອງປະຊຸມຫາລືກັນແບບນີ້ມີຜົນປະໂຫຍດຫຼາຍສຳລັບສອງຝ່າຍ.
ກ່ອນອື່ນ,ທ່ານສູລິວົງໄດ້ຕີລາຄາສູງຕໍ່ກອງປະຊຸມຫາລືກັນທີ່ຈັດຂຶ້ນໃນຕອນບ່າຍມື້ນີ້.ທ່ານກ່າວວ່າ:
ກອງປະຊຸມຫາລືກັນໃນຕອນບ່າຍມື້ນີ້ມີຜົນດີຫຼາຍຕໍ່ການສ້າງເຂດການຄ້າເສລີອາຊຽນ-ຈີນ.
ທ່ານກ່າວວ່າ,ຜ່ານຈາກກອງປະຊຸມຫາລືກັນໃນຕອນບ່າຍມື້ນີ້,ກໍມີຜົນດີຫຼາຍຕໍ່ການຮ່ວມມືເສດຖະກິດການຄ້າລະຫວ່າງລາວຈີນ.
ນອກນີ້,ທ່ານຍັງໄດ້ແນະນຳຫຼາຍຂົງເຂດທີ່ນັກທຸລະກິດລາວຈີນຮ່ວມມືກັນໄດ້ໃນພາຍໜ້າ.
ທ່ານສູລິວົງກ່າວວ່າ,ໃນຖານະເປັນປະເທດປະທານຂອງກອງປະຊຸມລັດຖະມົນຕີເສດຖະກິດອາຊຽນຄັ້ງນີ້,ລາວຈະສືບຕໍ່ພະຍາຍາມສຸດຂີດເພື່ອຜັນຂະຫຍາຍບັນດາໂຄງການທີ່ຕົກລົງກັນລະຫວ່າງອາຊຽນຈີນ.
ສຸດທ້າຍ,ທ່ານຍັງກ່າວວ່າທ່ານມີຄວາມໝັ້ນໃຈຢ່າງເຕັມປ່ຽມຕໍ່ການຄ້າລະຫວ່າງລາວຈີນໃນພາຍໜ້າ.
|
