|
ທ່ານໂລກ້ານເວົ້າວ່າ ຕ້ອງສືບຕໍ່ຍຶດໝັ້ນແລະບູລະນະລະບອບເຂດຊົນເຜົ່າປົກຄອງຕົນເອງໃຫ້ສົມບູນຂຶ້ນ ເຮັດໃຫ້ເຂດຊີນຈຽງມີການພັດທະນາຮອບດ້ານແລະມີສະຖຽນລະພາບຍາວນານ
cri
Author: cai
ຕາມຂ່າວCRI:ວັນທີ 1 ຕຸລາ,ເຂດຊີນຈຽງເຜົ່າອຸຍເກີປົກຄອງຕົນເອງຂອງຈີນໄດ້ຈັດງານຊຸມນຸມສະຫຼອງວັນສະຖາປະນາສ.ປ.ຈີນຄົບຮອບ 56 ປີແລະວັນສ້າງຕັ້ງເຂດຊີນຈຽງເຜົ່າອຸຍເກີປົກຄອງຕົນເອງຄົບຮອບ 50 ປີຢູ່ເມືອງອູຣູມກີ ເທສະບານເຂດດັ່ງກ່າວ.ໃນງານຊຸມນຸມ,ທ່ານໂລກ້ານ ກຳມະການປະຈຳກົມການເມືອງສູນກາງພັກກອມມູນິດຈີນໄດ້ກ່າວຄຳປາໄສໂດຍຊີ້ອອກວ່າ, ຕ້ອງສືບຕໍ່ຍຶດໝັ້ນແລະບູລະນະລະບອບເຂດຊົນເຜົ່າປົກຄອງຕົນເອງໃຫ້ສົມບູນຂຶ້ນ ເຮັດໃຫ້ເຂດຊີນຈຽງມີການພັດທະນາຮອບດ້ານແລະມີສະຖຽນລະພາບຍາວນານ.
ທ່ານໂລກ້ານເວົ້າວ່າ,ເຂດຊີນຈຽງໃນປະຈຸບັນ,ການເມືອງມີສະຖຽນລະພາບ ເສດຖະກິດພັດທະນາ ບັນດາຊົນເຜົ່າສາມັກຄີກັນ ເຂດຊາຍແດນໝັ້ນຄົງ,ໄດ້ກ້າວເຂົ້າສູ່ໄລຍະດີທີ່ສຸດດ້ານການພັດທະນາແລະສະຖຽນລະພາບ.ຜົນສຳເລັດເຫຼົ່ານີ້ໄດ້ຢັ້ງຢືນຢ່າງເຕັມທີ່ວ່າ,ມີແຕ່ຍຶດໝັ້ນແລະບູລະນະລະບອບເຂດຊົນເຜົ່າປົກຄອງຕົນເອງໃຫ້ສົມບູນຂຶ້ນເທົ່ານັ້ນ,ຈຶ່ງສາມາດປັບປຸງແລະຂະຫຍາຍການພົວພັນລະຫວ່າງຊົນເຜົ່າສັງຄົມນິຍົມທີ່ສະເໝີພາບກັນ ສາມັກຄີ ຊ່ວຍເຫຼືອກັນແລະກົມກຽວກັນ,ຊຸກຍູ້ບັນດາຊົນເຜົ່າໃຫ້ຈະເລີນຮຸ່ງເຮືອງແລະກ້າວໜ້າພ້ອມກັນ.ຕໍ່ໄປພາຍໜ້າ,ຕ້ອງເສີມຂະຫຍາຍລັກສະນະດີເລີດຂອງລະບອບເຂດຊົນເຜົ່າປົກຄອງຕົນເອງຕື່ມອີກ,ເພີ່ມທະວີຄວາມສາມັກຄີລະຫວ່າງຊົນເຜົ່າ ປົກປັກຮັກສາເອກະລາດຂອງປະເທດຊາດຢ່າງໝັ້ນໜຽວບໍ່ປ່ຽນແປງ,ປັບປຸງແລະຂະຫຍາຍສະຖານະພາບດີທີ່ສຸດທີ່ມີຄວາມສະຫງົບແລະສາມັກຄີຂອງເຂດຊີນຈຽງຢ່າງບໍ່ຢຸດຢັ້ງ.
|
|
