|
ຕາມຂ່າວCRI,ວັນທີ1ຕຸລາ,ຢູ່ເກາະບາຫຼີ ສະຖານທີ່ທ່ອງທ່ຽວທີ່ຊື່ດັງຂອງອິນໂດເນເຊຍໄດ້ເກີດເຫດການລະເບີດຫຼາຍລາຍ.ວັນທີ2ຕຸລາ,ຝ່າຍທາງການອິນໂດເນເຊຍຢືນຢັນວ່າ,ເຫດການລະເບີດຢ່າງໜ້ອຍໄດ້ພາໃຫ້25ຄົນເສຍຊີວິດ,127ຄົນບາດເຈັບ.
ວັນທີ1ຕຸລາ,ຢູ່ນະຄອນຫຼວງຢາກາກຕາ ທ່ານຊູຊີໂລ (ກາງ)ປະທານາທິບໍດີອິນໂດເນເຊຍໄດ້ກ່າວປະນາມເຫດການລະເບີດ.
ພາຍຫຼັງເຫດການລະເບີດເກີດຂຶ້ນແລ້ວ,ທ່ານຊູຊີໂລ ປະທານາທິບໍດີອິນໂດເນເຊຍເວົ້າເຫດການນີ້ເປັນການເຄື່ອນໄຫວລັດທິກໍ່ການຮ້າຍ.ວັນທີ2ຕຸລາ,ຜູ້ຮັບຜິດຊອບຂອງອົງການຕ້ານການກໍ່ການຮ້າຍກະຊວງຮັກສາຄວາມໝັ້ນຄົງແຫ່ງຊາດອິນໂດເນເຊຍກ່າວວ່າ,ເຫດການແມ່ນຜູ້ຫຼອນໂຈມຕີແບບສະຫຼະຊີບ3ຄົນເປັນຜູ້ກໍ່ຂຶ້ນ.ແຕ່ປັດຈຸບັນ,ຍັງບໍ່ທັນມີອົງການຫຼືບຸກຄົນໃດໆປະກາດວ່າຮັບຜິດຊອບຕໍ່ເຫດການເທື່ອນີ້.
ຊາວອິນໂດເນເຊຍສອງຄົນໄຕ້ທຽນເພື່ອໄວ້ອາໄລເຖິງດວງວິນຍານຂອງຜູ້ປະສົບເຄາະຮ້າຍໃນເຫດການລະເບີດ
ທ່ານອານນານ ເລຂາທິການໃຫຍ່ອົງການສະຫະປະຊາຊາດໄດ້ສະແດງຄວາມຕື່ນຕົກໃຈຕໍ່ເກາະບາຫຼີກາຍເປັນເປົ້າໝາຍຫຼອນໂຈມຕີດ້ວຍກຳລັງຮຸນແຮງອີກເທື່ອໜຶ່ງ,ແລະຮຽກຮ້ອງໃຫ້ລັດຖະບານອິນໂດເນເຊຍຈັບຜູ້ກໍ່ເຫດໃຫ້ໄດ້ໂດຍໄວ. ທ່ານນາງໄລສ ລັດຖະມົນຕີການຕ່າງປະເທດອາເມລິກາ,ທ່ານຊີຣັກ ປະທານາທິບໍດີຝະຣັ່ງແລະ ເຈົ້າໜ້າທີ່ຊັ້ນສູງຂອງປະເທດຕ່າງໆເຊັ່ນເຢຍລະມັນແລະການາດາເປັນຕົ້ນກໍຕ່າງໄດ້ອອກຖະແຫຼງການ,ກ່າວປະນາມຢ່າງຮຸນແຮງຕໍ່ເຫດການລະເບີດ.
ວັນທີ1ຕຸລາ,ຕຳຫຼວດອິນໂດເນເຊຍສຳຫຼວດຢູ່ທີ່ເກີດເຫດການລະເບີດ
ວັນທີ2ຕຸລາ,ທ່ານຂົງສວນ ໂຄສົກກະຊວງການຕ່າງປະເທດຈີນກ່າວວ່າ,ຈີນກ່າວປະນາມຢ່າງຮຸນແຮງຕໍ່ການກະທຳກໍ່ການຮ້າຍເທື່ອນີ້,ແລະຈະສືບຕໍ່ສະໜັບສະໜູນລັດຖະບານອິນໂດເນເຊຍທຳຄວາມພະຍາຍາມໂຈມຕີອິດທິກຳລັງລັດທິກໍ່ການຮ້າຍ,ປົກປັກຮັກສາສະຖຽນລະພາບພາຍໃນປະເທດ.
1 2 3 4 5
|
