ຄະນະກຳມະການນິຕິບັນຍັດປາເລັສຕິນຜ່ານຮັບຮອງຍັດຕິບໍ່ໄວ້ວາງໃຈຕໍ່ລັດຖະບານ
cri
ຕາມຂ່າວສານຊີນຮວາ, ວັນທີ3ຕຸລາ, ຄະນະກຳມະການນິຕິບັນຍັດປາເລັສຕິນໄດ້ຈັດກອງປະຊຸມວິສາມັນຢູ່ລາມາລາແລະກາຊາພ້ອມກັນ, ປຶກສາຫາລືແລະຜ່ານຮັບຮອງຍັດຕິບໍ່ໄວ້ວາງໃຈຕໍ່ລັດຖະບານປາເລັສຕິນປົກຄອງຕົນເອງທີ່ທ່ານຄູໄລເປັນຫົວໜ້າ, ພ້ອມກັນນັ້ນກໍ່ຮຽກຮ້ອງໃຫ້ທ່ານອັບບາສ ປະທານອົງການອຳນາດແຫ່ງຊາດປາເລັສຕິນຈັດຕັ້ງລັດຖະບານຊຸດໃໝ່ໃນສອງອາທິດຂ້າງໜ້ານີ້.
ຕາມໄດ້ຊາບ, ວັນທີ3ຕຸລາ, ຄະນະກຳມທິການນິຕິບັນຍັດໄດ້ຜ່ານຮັບຮອງຍັດຕິບໍ່ໄວ້ວາງໃຈຕໍ່ລັດຖະບານຄູໄລດ້ວຍ43ບັດເຫັນດີ, 5ບັດຄັດຄ້ານ, ແລະ5ບັດສະຫຼະສິດ. ພ້ອມກັນນັ້ນ, ຄະນະກຳມະການນິຕິບັນຍັດຍັງຮຽກຮ້ອງໃຫ້ທ່ານອັບບາສຈັດຕັ້ງລັດຖະບານຂ້າມຜ່ານຊຸດໃໝ່ໃນສອງອາທິດຂ້າງໜ້ານີ້, ປັບປຸງສະຖານະການວຸ້ນວາຍຢູ່ແຖບກາຊາໃນສະເພາະໜ້ານີ້,ແລະເຮັດວຽກກະກຽມຈັດການເລືອກຕັ້ງຄະນະກຳມະການນິຕິບັນຍັດທີ່ຈະຈັດຂຶ້ນໃນວັນທີ25ມັງກອນປີ2006.
|
|