|
|
 |
| (GMT+08:00)
2005-10-10 21:43:00
|
 |
|
ປະເທດຊາດຂ້າຂໍອວຍພອນເຈົ້າຊົ່ວກາລະນານ(ສຽງ)
cri
Author: zhangshuo
|
ທີ່ນີ້ວິທະຍຸສາກົນແຫ່ງປະເທດຈີນ,ສະບາຍດີທ່ານຜູ້ຟັງທີ່ເຄົາລົບ,ມື້ນີ້ແມ່ນວັນທີ2ຕຸລາ, ຍິນດີຕ້ອນຮັບທ່ານຮັບຟັງລາຍການສະຫຼອງວັນຊາດຈີນ"ຂ້າຂໍອວຍພອນປະເທດຊາດຊົ່ວກາລະນານ"ພາກປາຍເຊິ່ງຕໍ່ຈາກລາຍການຢ່ອນອາລົມໃນວັນເສົາ,ຂ້າພະເຈົ້າແມ່ນສົມ ບູນ.ມື້ວານນີ້ແມ່ນວັນເກີດ ຄົບຮອບ56ປີຂອງສາທາລະນະລັດປະຊາຊົນຈີນ,ມື້ນີ້, ພວກເຮົາໄດ້ຈັດເອົາເພງອີກປະມວນໜຶ່ງທີ່ສັນລະເສີນປະເທດຊາດມາສູ່ທ່ານຟັງ,ປະຊາຊົນຈີນໄດ້ໃຊ້ສຽງເພງມາສະແດງຄວາມຮັກຄວາມອວຍພອນແລະຄວາມສັນລະເສີນຕໍ່ປະເທດຊາດຂອງຕົນ.
ເພງ "ຮັກປະຊາຊາດຈີນພວກເຮົາ" ແມ່ນເພງທີ່ແຕ່ງໂດຍທ່ານຊຽວຢູແລະທ່ານຊູເພີ້ຍຕົ່ງ ນັກແຕ່ງເນື້ອຮ້ອງແລະທຳນອງເພງທີ່ມີຊື່ສຽງຂອງຈີນ.ເນື້ອເພງອັນເຕັມໄປດ້ວຍຄວາມ ກະຕືລືລົ້ນຂອງທ່ານຊຽວຢູແລະພາສາດົນຕີທຳນອງຊົນຊາດທີ່ປ່ຽມລົ້ນໄປດ້ວຍຄວາມຮູ້ ສຶກແຫ່ງຍຸກສະໄໝຂອງທ່ານຊູເພີ້ຍຕົ່ງ,ໄດ້ສ່ອງແສງອາລົມອັນມ່ວນຊື່ນຟົດຟື້ນຂອງປະຊາ ຊົນຈີນບັນດາຊົນເຜົ່າຢ່າງມີຊີວິດຊີວາ,ແລະສະແດງໃຫ້ເຫັນນ້ຳໃຈອັນແຮງກ້າຂອງ56ຊົນເຜົ່າຂອງຈີນ.ເຊີນຟັງເພງ"ຮັກປະຊາຊາດຈີນຂອງພວກເຮົາ"ທີ່ຂັບຮ້ອງໂດຍນາງຊົ້ງຈູອີ່ງ.ໃນເພງມີເນື້ອຮ້ອງວ່າ: "ດວງດາວ56ດວງ, ດອກໄມ້56ດອກ,ອ້າຍເອື້ອຍນ້ອງ56ຊົນເຜົ່າແມ່ນຄອບຄົວດຽວກັນ.56ພາສາຂອງ56ຊົນເຜົ່າໂຮມເປັນຄວາມດຽວກັນ,ນັ້ນກໍຄືຮັກປະ ຊາຊາດຈີນຂອງພວກເຮົາ."ທີ່ທ່ານຟັງມານັ້ນແມ່ນເພງ"ຮັກປະຊາຊາດຈີນຂອງພວກເຮົາ"ທີ່ຂັບຮ້ອງໂດຍນາງຊົ້ງຈູອີ່ງ.
"ເລືອດຄືກັນ ເຊື້ອດຽວກັນ,ຄວາມທຸກຍາກທີ່ເຄີຍຜ່ານມາຝັງໃນໃຈພວກເຮົາ,ໃນອະນາ ຄົດພວກເຮົາຍັງມີຄວາມຟັດໄຝ່,ພວກເຮົາພ້ອມກັນບຸກເບີກ.ເກາະແຂນກັນ,ບໍ່ຈຳແນກເຈົ້າ ຫຼືຂ້ອຍ,ເງີຍໜ້າກ້າວເດີນ, ໃຫ້ທົ່ວໂລກຮູ້ວ່າພວກເຮົາລ້ວນແຕ່ແມ່ນຄົນຈີນ."ເພງ "ຄົນຈີນ"ແຕ່ງເນື້ອຮ້ອງໂດຍທ່ານຫຼີອ່ານຊິ່ວແລະແຕ່ງທຳນອງໂດຍທ່ານເຊິນຢ້າວຊ່ວນເມື່ອ ໃນປີ1997,ເພງນີ້ແມ່ນນັກດົນຕີຮົງກົງແຕ່ງພິເສດເພື່ອສະແດງຄວາມຕື່ນເຕັ້ນແລະຄວາມພາກພູມໃຈຂອງຄົນທັງຫຼາຍໃນເວລາຮົງກົງກັບຄືນສູ່ປະເທດຊາດ.ເນື້ອເພງໄດ້ສະແດງຈິດໃຈອັນອົງອາດສະຫງ່າຂອງຊາວຈີນໃນທົ່ວໂລກທີ່ເປັນຈິດໜຶ່ງໃຈດຽວກັນ ເກາະແຂນກັນບຸກເບີກອະນາຄົດ.ຕໍ່ໄປເຊີນຟັງເພງ"ຄົນຈີນ"ທີ່ຂັບຮ້ອງໂດຍທ່ານລິວເຕີຮວາ ນັກຮ້ອງທັງເປັນນັກສະແດງຮູບເງົາແລະເລື່ອງໂທລະພາບທີ່ມີຊື່ສຽງຂອງຮົງກົງ.
ເພື່ອນຜູ້ຟັງ,ທີ່ທ່ານພວມຟັງຢູ່ນີ້ແມ່ນເພງ "ມາຕຸພູມ,ມານດາຜູ້ເມດຕາ".ເພງນີ້ແຕ່ງເມື່ອປີ 1981,ແຕ່ງເນື້ອຮ້ອງໂດຍທ່ານຈ່າງຮົງຊີ່ ແຕ່ງທຳນອງໂດຍທ່ານລູ້ໄຈ້ອີ້.ເພງນີ້ສະແດງ ຄວາມຮັກອັນແທ້ຈິງຂອງລູກຫຼານປະຊາຊາດຈີນທີ່ມີຕໍ່ປະເທດຊາດ ດ້ວຍທຳນອງທີ່ເຕັມໄປດ້ວຍອາລົມຈິດຈິງໃຈເລິກເຊິ່ງແລະລະອຽດແລະຈິງໃຈ.ໃນເພງນີ້ໄດ້ຮອງວ່າ:"ໃຜບໍ່ຮັກແມ່ຂອງຕົນດ້ວຍດວງໃຈຂອງຜູ້ເປັນລູກຫຼານ,ໃຜບໍ່ຮັກແມ່ຂອງຕົນດ້ວຍໄວຄະນອງທີ່ສວຍງາມ.ປະເທດຊາດທີ່ແສນຮັກ,ແມ່ຜູ້ເມດຕາ,ຄວາມຮັກຂອງລູກຟົດຟື້ນເໝືອນດັ່ງແມ່ ນ້ຳຢາງເຊແມ່ນ້ຳເຫຼືອງທີ່ໄຫຼຜາດໆ,ຄວາມກະຕັນຍູຂອງລູກລ້ຳເລິກເໝືອນດັ່ງທ້ອງຟ້າສີຄາມແລະນ້ຳທະເລທີ່ກວ້າງໃຫຍ່." ຕໍ່ໄປ,ເຊີນຟັງເພງ "ມາດຕຸພູມ,ມານຕາຜູ້ເມດຕາ".ທີ່ທ່ານຟັງມານັ້ນແມ່ນເພງ "ມາຕຸພູມ ມານດາຜູ້ເມດຕາ" ຂັບຮ້ອງໂດຍທ່ານລິວເວີຍເວີຍ.
ເພງ "ມາຕຸພູມ,ຂ້າຂໍອວຍພອນເຈົ້າຊົ່ວກາລະນານ",ແມ່ນເພງທີ່ແຕ່ງສະເພາະໃນໂອກາດສະຫຼອງວັນສະຖາປະນາປະເທດຈີນຄົບຮອບ50ປີ,ເນື້ອເພງນີ້ທຳມະຊາດງ່າຍດາຍ, ທຳນອງເພງຫຼ່ຽນໄຫຼລະບາຍອາລົມ,ເຕັມໄປດ້ວຍຄວາມອວຍພອນຢ່າງສຸດອົກສຸດໃຈຕໍ່ ປະເທດຊາດ. ຕໍ່ໄປເຊີນຟັງນາງເມີງເກີ ນັກຮ້ອງຊາວໜຸ່ມຂັບຮ້ອງເພງນີ້.ເນື້ອເພງຂຽນວ່າ,ເຈົ້າແມ່ນທໍລະນີ,ຂ້າແມ່ນດອກໄມ້ຂອງເຈົ້າ,ເບັ່ງບານຢ່າງຜາສຸກໃນອ້ອມແຂນຂອງເຈົ້າ,ອວຍພອນເຈົ້າ,ອວຍພອນແກ່ເຈົ້າຊົ່ວກາລະນານ,ມາຕຸພູມທີ່ແສນຮັກຂອງຂ້າ.ທີ່ທ່ານຟັງມານັ້ນແມ່ນເພງ "ອວຍພອນເຈົ້າຊົ່ວກາລະນານ".
ມ້ວນທ້າຍລາຍການມື້ນີ້, ເຊີນຟັງເພງ "ຂ້າໃຊ້ສຽງເພງກອດຊົມປະເທດຊາດ",ຂັບຮ້ອງໂດຍນາງວາງຈີ້ງ, ແຕ່ງໂດຍທ່ານຈາງຊ່ຽນອີ.ທີ່ທ່ານພວມຟັງຢູ່ນີ້ແມ່ນເພງ "ຂ້າໃຊ້ສຽງເພງກອດຊົມປະເທດຊາດ". ເນື້ອເພງຂຽນວ່າ, ຂ້າໃຊ້ສຽງເພງກອດຊົມເຈົ້າ ປະເທດຊາດ, ຂ້າຈະກອດຊົມຄວັນໄຟທຸກຫຼັງເຮືອນ, ເມກຂາວທຸກປອນ. ດອກໄມ້ນ້ອຍທຸກດອກ, ແສງໄຟເຮືອຫາປາທຸກຈຸດ.ຂ້າຈະຂໍມອບເພງໜຶ່ງແດ່ເຈົ້າ.ສຽງເພງຂອງຂ້າດັງກ້ອງທົ່ວທ້ອງຟ້າມະຫາສະໝຸດ, ຊາບຊຶ້ງເຂົ້າໃນດວງໃຈຂອງມວນຊົນ,ຄວາມຮັກທີ່ບໍ່ມີວັນຈາງຫາຍ, ສຽງເພງທີ່ບໍ່ມີບ່ອນສຸດສ້ຽງ,ຂ້າໃຊ້ສຽງເພງມາກອດຊົມປະເທດຊາດ.
ທ່ານຜູ້ຟັງທີ່ເຄົາລົບ,ໃນທ່າມກາງສຽງເພງທີ່ປ່ຽມລົ້ນໄປດ້ວຍນ້ຳໃຈອັນເລີກເຊິ່ງ,ລາຍ ການນັດພົບໃນວັນອາທິດເທື່ອນີ້ກໍຂໍຈົບລົງພຽງທໍ່ນີ້, ຂອບໃຈທ່ານທີ່ໄດ້ຮັບຟັງ,ສະບາຍດີ.
|
|
|
