|
ຜູ້ແທນຈີນບັນລະຍາຍຫຼັກໝັ້ນຂອງຝ່າຍຈີນໃນບັນຫາຫຼຸດກຳລັງລົບນີວເຄຼຍແລະການປ້ອງກັນບໍ່ໃຫ້ແຜ່ຜາຍນີວເຄຼຍຢູ່ສະມັດຊາໃຫຍ່ສະຫະປະຊາຊາດ
cri
ຕາມຂ່າວCRI,ວັນທີ10ຕຸລາ,ໃນເວລາປະກອບຄຳຄິດຄຳເຫັນກ່ຽວກັບບັນຫາຫຼຸດກຳລັງລົບນີວເຄຼຍແລະການປ້ອງກັນບໍ່ໃຫ້ແຜ່ຜາຍນີວເຄຼຍໃນຄະນະກຳມະການທີໜຶ່ງຂອງສະມັດຊາໃຫຍ່ສະຫະປະຊາຊາດສະໄໝທີ60,ທ່ານຈ່າງອຽນ ຫົວໜ້າກົມຄວບຄຸມກຳລັງລົບກະຊວງການຕ່າງປະເທດຈີນຊີ້ອອກວ່າ,ການປ້ອງກັນບໍ່ໃຫ້ແຜ່ຜາຍນີວເຄຼຍແມ່ນໜ້າທີ່ຕົວຈິງແລະຮີບດ່ວນລາຍໜຶ່ງທີ່ປະຊາຄົມໂລກປະເຊີນໃນສະເພາະໜ້ານີ້,ຕ້ອງພິຈາລະນາທັງກົກທັງຮາກ,ປົວແປງຢ່າງສັງລວມ.
ທ່ານຈ່າງອຽນກ່າວວ່າ,ບັນດາປະເທດຄວນເຄົາລົບຜົນປະໂຫຍດດ້ານຄວາມປອດໄພຂອງກັນ,ບັນລຸຄວາມປອດໄພຮ່ວມໂດຍຢູ່ບົນພື້ນຖານໄວ້ເນື້ອເຊື່ອໃຈກັນ,ຕ່າງຝ່າຍຕ່າງມີຜົນປະໂຫຍດ,ສະເໝີພາບແລະຮ່ວມມືກັນ,ກຳຈັດປັດໄຈທີ່ພາໃຫ້ມີການແຜ່ຜາຍນີວເຄຼຍ.ພ້ອມກັນນັ້ນ,ຄວນຢູ່ໃນຂອບກົດໝາຍລະຫວ່າງຊາດທີ່ມີຢູ່ໃນປັດຈຸບັນ,ໃຊ້ພາຫະນາການເມືອງແລະການຕ່າງປະເທດມາແກ້ໄຂບັນຫາແຜ່ຜາຍນີວເຄຼຍ.ການປ້ອງກັນບໍ່ໃຫ້ແຜ່ຜາຍນີວເຄຼຍບໍ່ຄວນກະທົບເຖິງການນຳໃຊ້ນີວເຄຼຍໂດຍສັນຕິຂອງວິທະຍາສາດເຕັກນິກ.
ທ່ານຈ່າງອຽນຍັງກ່າວເນັ້ນວ່າ,ມາດຕະການໃດໆກ່ຽວກັບການເພີ່ມທະວີກົນໄກປ້ອງກັນການແຜ່ຜາຍນີວເຄຼຍສາກົນ,ລ້ວນແຕ່ຕ້ອງເຄົາລົບຫຼັກການຫຼາຍຝ່າຍ.
|
|
