|
|
 |
| (GMT+08:00)
2005-10-14 16:25:52
|
 |
|
ງານກິລາທົ່ວປະເທດຈີນຄັ້ງທີ 10 ໄຂຂຶ້ນຢູ່ນານກິ່ງ
cri
Author: li
ງານກິລາທົ່ວປະເທດຈີນຄັ້ງທີ 10 ໄດ້ໄຂຂຶ້ນຢູ່ນານກິ່ງ ເທສະບານແຂວງຈຽງຊູ່ຂອງຈີນໃນຕອນຄ່ຳວັນທີ 12 ຕຸລາ. ທ່ານຫູຈິນທາວ ປະທານປະເທດຈີນແລະທ່ານລອກເກີປະທານຄະນະກຳມະການໂອລິມປິກສາກົນໄດ້ເຂົ້າຮ່ວມພິທີໄຂງານ.
ງານກິລາທົ່ວປະເທດຈີນ 4 ປີຈັດຂຶ້ນເທື່ອໜຶ່ງ,ແມ່ນງານກິລາສັງລວມ ທີ່ມີຂະໜາດໃຫຍ່ກວ່າໝູ່ຂອງຈີນ,ພ້ອມກັນນັ້ນ,ກໍແມ່ນປ່ອງຢ້ຽມທີ່ສະແດງໃຫ້ເຫັນກຳລັງສັງລວມແຫ່ງຊາດຂອງຈີນໄດ້ຍົກສູງຂຶ້ນ,ກິລາຫັດກາຍທົ່ວປວງຊົນໄດ້ຂະຫຍາຍຕົວອອກ. ຕອນຄ່ຳວັນທີ 12 ຕຸລາ ຢູ່ສູນກິລາໂອລິມປິກນານກິ່ງແຂວງຈ່ຽງຊູ່ ພາກຕາເວັນອອກຂອງຈີນທີ່ສາມາດບັນຈຸຜູ້ຊົມໄດ້ 6 ໝື່ນກວ່າຄົນ,ແສງໄຟຮຸ່ງເຮືອງ,ພິທີໄຂງານກິລາໂອລິມປິກຄັ້ງທີ 10 ໄດ້ຈັດຂຶ້ນຢູ່ແຫ່ງນີ້ຢ່າງຄຶກຄື້ນ. ໃນພິທີໄຂງານ,ທ່ານລິວເພີງ ຫົວໜ້າກົມໃຫຍ່ກິລາແຫ່ງຊາດຈີນໄດ້ກ່າວຄຳປາໄສວ່າ:
"ງານກິລາທົ່ວປະເທດຄັ້ງນີ້ແມ່ນໄຂຂຶ້ນຢູ່ໃຕ້ສະພາບທີ່ປະເທດພວກເຮົາສ້າງສາສັງຄົມເຫຼືອຢູ່ເຫຼືອກິນຢ່າງຮອບດ້ານແລະສ້າງສາສັງຄົມສັງຄົມນິຍົມທີ່ກົມກຽວກັນ. ອວຍພອນຢ່າງຈິງໃຈໃຫ້ນັກກິລາທຸກຖ້ວນໜ້າເສີມຂະຫຍາຍນ້ຳໃຈກິລາປະຊາຊາດຈີນ,ສະແດງລັກສະນະອັນດີເລີດແລະລະດັບອັນສູງເດັ່ນ,ອວຍພອນໃຫ້ງານກິລາຈົ່ງສຳເລັດຜົນຢ່າງເຕັມເມັດເຕັມໜ່ວຍ,ແລະກາຍເປັນງານກິລາອັນມະໂຫລານແລະວັນບຸນຂອງປະຊາຊົນ."
ພາລະກິດກິລາແຂ່ງຂັນແລະຫັດກາຍບໍລິຫານທົ່ວປວງຊົນໄດ້ຮັບຄວາມເອົາໃຈໃສ່ຈາກລັດຖະບານຈີນໂດຍຕະຫຼອດ. ໃນພິທີໄຂງານກິລາໂອລິມປິກທົ່ວປະເທດຄັ້ງທີ 10,ໃນເວລາທ່ານຫູຈິນທາວ ປະທານປະເທດຈີນປະກາດໄຂງານກິລາຂອງສາທາລະນະລັດປະຊາຊົນຈີນຄັ້ງທີ 10 ນັ້ນ,ທົ່ວສະໜາມໄດ້ເກີດມີສຽງຕົບມືແລະສຽງໄຊໂຍໂຮຮ້ອງດັງຂຶ້ນຢ່າງຟົດຟຶ້ນ.
"ຂ້າພະເຈົ້າຂໍປະກາດໄຂງານກິລາຂອງສາທາລະນະລັດປະຊາຊົນຈີນຄັ້ງທີ 10 ນະດຽວນີ້."
ງານກິລາທົ່ວປະເທດຄັ້ງທີ 10 ຈະໄຂ 12 ມື້,ລວມມີການແຂ່ງຂັນ 32 ລາຍການໃຫຍ່,ມີນັກກິລາເກືອບໝື່ນຄົນທີ່ມາຈາກ 31 ແຂວງ,ເຂດປົກຄອງຕົນເອງແລະກຳແພງນະຄອນຂອງແຜ່ນດິນໃຫຍ່ພ້ອມດ້ວຍຂອງເຂດບໍລິຫານພິເສດຮົງກົງ,ເຂດບໍລິຫານພິເສດມາກາວແລະສະມາຄົມກິລາຂະແໜງການຂອງຈີນເຂົ້າຮ່ວມການແຂ່ງຂັນ,ຈຳນວນຄົນທີ່ເຂົ້າຮ່ວມການແຂ່ງຂັນແລະລາຍການກິລາລ້ວນແຕ່ຫຼາຍກວ່າງານກິລາທົ່ວປະເທດທຸກຄັ້ງທີຜ່ານມາ. ຍ້ອນວ່າງານກິລາທົ່ວປະເທດມີຂະໜາດໃຫຍ່,ລະດັບສູງ,ສະນັ້ນ ຈຶ່ງໄດ້ດຶງດູດເອົາບຸກຄົນສຳຄັນບໍ່ໜ້ອຍໃນວົງການກິລາສາກົນມາຊົມ. ເຈົ້າໜ້າທີ່ສຳຄັນຂອງຄະນະກຳມະການໂອລິມປິກສາກົນເຊັ່ນທ່ານລັອກເກີ ປະທານຄະນະກຳມະການໂອລິມປິກສາກົນແລະທ່ານເວີບຼູແກນ ປະທານຄະນະກຳມະການປະສານງານໂອລິມປິກປັກກິ່ງແລະທ່ານອື່ນໆໄດ້ເຂົ້າຮ່ວມພິທີໄຂງານ,ແລະຈະເຂົ້າຮ່ວມການເຄື່ອນໄຫວຕ່າງໆໃນໄລຍະຈັດງານກິລາທົ່ວປະເທດຄັ້ງທີ 10 ຂອງຈີນ.
ໃນງານກິລາໂອລິມປິກອາແຕນປີ 2004,ຄະນະຜູ້ແທນກິລາຈີນຊິງໄດ້ຫຼຽນຄຳ 32 ຫຼຽນ,ເປັນທີສອງໃນການລຽງຈຳນວນຫຼຽນຄຳ. ຫຼັງຈາກນັ້ນ,ງານກິລາໂອລິມປິກໄດ້ເຂົ້າສູ່"ເວລາປັກກິ່ງ". ໃນຖານເປັນຜູ້ສະໜັບສະໜູນແລະຜູ້ເຂົ້າຮ່ວມກິລາໂອລິມປິກຢ່າງຕັ້ງໜ້າ,ຈີນໄດ້ເປັນຕົວສະແດງທີ່ນັບມື້ນັບສຳຄັນເທິງເວທີກິລາໂລກ. ໃນຖານເປັນງານກິລາສັງລວມທີ່ສຳຄັນກວ່າໝູ່ພາຍໃນປະເທດຈີນ,ງານກິລາທົ່ວປະເທດເປັນບ່ອນລອງລິດກິລາແຂ່ງແຂນພາຍໃນປະເທດທີ່ມີລະດັບສູງສຸດ,ທັງແມ່ນຮ່ວງສຳຄັນທີ່ຂາດເຂີນບໍ່ໄດ້ຂອງກິລາຈີນໃນການກຽມເພື່ອເຂົ້າຮ່ວມງານກິລາໂອລິມປິກ. ງານກິລາເທື່ອນີ້ແມ່ນງານກິລາທົ່ວປະເທດຄັ້ງສຸດທ້າຍກ່ອນງານກິລາໂອລິມປິກປັກກິ່ງປີ 2008,ດັ່ງນັ້ນ,ມັນກໍແມ່ນຈີນຈັດການເຝິກຊ້ອມເທື່ອໜຶ່ງຕໍ່ລາຍການແຂ່ງຂັນຕ່າງໆເພື່ອຕ້ອນຮັບງານກິລາໂອລິມປິກປັກກິ່ງປີ 2008.
ຫົວຂໍ້ຂອງງານກິລາທົ່ວປະເທດຄັ້ງທີ 10 ແມ່ນ"ງານກິລາມະໂຫາລານ,ວັນບຸນຂອງປະຊາຊົນ",ໃນໄລຍະຈັດງານກິລາ,ຜູ້ຊົມຊອບກິລາທັງຫຼາຍຂອງຈີນບໍ່ພຽງແຕ່ໄດ້ຊົມການແຂ່ງຂັນກິລາທີ່ມີລະດັບໂລກເຊັ່ນແບດມິນຕັນແລະປິ່ງປ່ອງເປັນຕົ້ນ; ຫາກຍັງສາມາດເຂົ້າຮ່ວມການຫັດກາຍຕ່າງໆຂອງມວນຊົນທີ່ຄະນະຈັດຕັ້ງງານກິລາທົ່ວປະເທດຈັດຂຶ້ນ,ສຳຜັດສະເໜຂອງກິລາ.
|
|
|
