|
|
 |
| (GMT+08:00)
2005-10-13 18:04:03
|
 |
|
ຝ່າຍຈີນເດັດດ່ຽວຄັດຄ້ານປະທານສະພານິຕິບັນຍັດຂອງໄຕ້ຫວັນເຂົ້າຮ່ວມກອງປະຊຸມອາເປັກ
cri
Author: zhangshuo
ຕາມຂ່າວສານຊິນຮວາ:ວັນທີ13ຕຸລາ,ໃນເວລາຕອບຄຳຖາມຂອງນັກຂ່າວໃນງານຊຸມນຸມນັກຂ່າວ,ທ່ານຂົງຊວນ ໂຄສົກກະຊວງການຕ່າງປະເທດຈີນກ່າວວ່າ,ຝ່າຍຈີນເດັດດ່ຽວຄັດຄ້ານທ່ານເຊິນສຸຍປຽນ ຜູ້ນຳເຈົ້າໜ້າທີ່ໄຕ້ຫວັນຕົກລົງໃຫ້ປະທານສະພານິຕິບັນຍັດໄຕ້ຫວັນຕາງໜ້າເພິ່ນໄປເຂົ້າຮ່ວມກອງປະຊຸມບໍ່ເປັນທາງການຜູ້ນຳອົງການອາເປັກ.
ທ່ານຂົງຊວນເວົ້າວ່າ,ບົດບັນທຶກຊ່ອຍຈຳຄວາມເຫັນໃຈກັນທີ່ກ່ຽວຂ້ອງຂອງອົງ ການອາເປັກມີການກຳນົດຢ່າງຈະແຈ້ງຕໍ່ລະດັບຂອງຜູ້ແທນໄຕ້ເປຂອງຈີນທີ່ເຂົ້າຮ່ວມກອງປະຊຸມອົງການອາເປັກ,ນີ້ກໍແມ່ນໄຕ້ເປຂອງຈີນພຽງແຕ່ສົ່ງລັດຖະມົນຕີທີ່ຄຸ້ມຄອງວຽກງານເສດຖະກິດທີ່ພົວພັນກັບອົງການອາເປັກມາເຂົ້າຮ່ວມກອງປະຊຸມໄດ້,ບົນພື້ນຖານດັ່ງກ່າວອົງການອາເປັກໄດ້ຈໍ່ຕົວຂຶ້ນເປັນຮີດກ່ຽວກັບບັນຫາຜູ້ເຂົ້າຮ່ວມກອງປະຊຸມຂອງໄຕ້ຫວັນ.ການຊຳລະບັນຫາທີ່ກ່ຽວຂ້ອງໂດຍອີງຕາມການກຳນົດແລະຮີດເຫຼົ່ານີ້ຢ່າງເຄັ່ງຂັດ,ແມ່ນພື້ນຖານການເມືອງທີ່ໄຕ້ຫວັນເຂົ້າຮ່ວມການເຄື່ອນໄຫວຂອງອົງການອາເປັກ, ທັງແມ່ນປະຖົມປັດໄຈອັນຈຳເປັນທີ່ເຮັດໃຫ້ການເຄື່ອນໄຫວອົງການອາເປັກສາມາດດຳເນີນໄປຢ່າງສະດວກ.
|
|
|
