|
 ງານເອັກສ໌ໂປຈີນອາຊຽນຄັ້ງທຳອິດໄດ້ຈັດຂຶ້ນຢ່າງສຳເລັດຜົນ,ໄດ້ສ້າງພື້ນຖານອັນດີງາມໃຫ້ງານເອັກສ໌ໂປຄັ້ງທີ2.ທ່ານເຈິງຈຸ່ນຈ້ຽນ ຮອງເລຂາທິການຂອງກອງເລຂາງານເອັກສ໌ໂປຈີນອາຊຽນກ່າວວ່າ:
ພາຍໃຕ້ຄວາມພະຍາຍາມຮ່ວມກັນຂອງຈີນແລະ10ປະເທດອາຊຽນພ້ອມດ້ວຍກອງເລຂາອາຊຽນ,ວຽກງານກະກຽມງານເອັກສ໌ໂປຈີນອາຊຽນແລະກອງປະຊຸມສຸດຍອດກ່ຽວກັບການຄ້າການລົງທຶນຈີນອາຊຽນຄັ້ງທີ2ໄດ້ມີຄວາມຄືບຫນ້າຢ່າງສະດວກ.
ໃນສະເພາະຫນ້ານີ້,ວຽກງານຈັດຕັ້ງການສະແດງຂອງງານເອັກສ໌ໂປໄດ້ສຳເລັດໂດຍພື້ນຖານແລ້ວ.ງານເອັກສ໌ໂປເທື່ອນີ້ໄດ້ຕັ້ງບ່ອນວາງສະແດງ3300ບ່ອນ,ເພີ່ມຂຶ້ນຫລາຍກວ່າງານເອັກສ໌ໂປຄັ້ງປະຖົມມະເລີກ32%,ວິສາຫະກິດຈີນແລະຕ່າງປະເທດທີ່ຈະເຂົ້າຮ່ວມການວາງສະແດງມີ2250ແຫ່ງ,ຈຳນວນບ່ອນວາງສະແດງທີ່ຕ້ອງການໄດ້ລື່ນກາຍ4000ບ່ອນ,ໃນນັ້ນມີບ່ອນວາງສະແດງຂອງປະເທດອາຊຽນ760ບ່ອນ,ເພີ່ມຂຶ້ນຫລາຍກວ່າຄັ້ງປະຖົມມະເລີກ76%.ວຽກງານກະກຽມການໂຄສະນາເຜີຍແຜ່"ເມືອງທີ່ມີສະເຫນ່"ເປັນຕົ້ນກໍສຳເລັດໂດຍພື້ນຖານແລ້ວ.
ງານເອັກສ໌ໂປຈີນອາຊຽນແມ່ນງານວາງສະແດງທີ່ຖືເຂດການຄ້າເສລີຈີນອາຊຽນເປັນຫົວຂໍຫລັກ.ຈຸດພິເສດສຳຄັນອັນດັບຫນຶ່ງຂອງງານເອັກສ໌ໂປຄັ້ງນີ້ແມ່ນເອົາໃຈໃສ່ນຳຜົນຕົວຈິງດ້ານການຄ້າໃຫ້ຫລາຍກວ່າເກົ່າເພື່ອສົມທົບກັບຂະບວນການສ້າງເຂດການຄ້າເສລີຢ່າງໃກ້ຊິດ.ທ່ານເຈິ້ງຈຸ່ນຈ້ຽນກ່າວວ່າ:
"ງານເອັກສ໌ໂປຄັ້ງນີ້ຈະຮ່ວມມືກັນຕາມສິນຄ້າທີມີກຳລັງບົ່ມຊ້ອນໃນການຮ່ວມມືດ້ານເສດຖະກິດການແລະມູນຄ່າການຄ້າສູງກວ່າໃນໄລຍະຍາວນານລະຫວ່າງຈີນກັບອາຊຽນ,ເພື່ອຊຸກຍູ້ການສ້າງເຂດການຄ້າເສລີຈີນອາຊຽນ."
ເພື່ອເຮັດໃຫ້ເສດຖະກິດ ການຄ້າຂອງງານເອັກສ໌ໂປຄັ້ງນີ້ມີປະສິດທິຜົນເດັ່ນຊັດກວ່າເກົ່າ,ເຮັດໃຫ້ງານເອັກສ໌ໂປຍິ່ງມີກຳລັງດູດດຶງຕໍ່ພໍ່ຄ້າອາຊຽນ,ຍິ່ງສາມາດສະແດງໃຫ້ເຫັນຈຸດພິເສດທີ່11ປະເທດຮ່ວມກັນຈັດຂຶ້ນ,ໃນເວລາກອງເລຂາຂອງງານເອັກສ໌ໂປຈີນອາຊຽນສົ່ງບັດເຊີນໃຫ້ພໍ່ຄ້າຈີນເຂົ້າຮ່ວມນັ້ນ,ໄດ້ອອກແຮງແນະນຳວິສາຫະກິດແລະໂຄງການຂອງອາຊຽນທີ່ເຂົ້າຮ່ວມການວາງສະແດງ,ເພື່ອດູດດຶງພໍ່ຄ້າຈີນຊື້ສິນຄ້າຂອງປະເທດອາຊຽນໃຫ້ຫລາຍ,ເຈລະຈາໂຄງການລົງທຶນກັບປະເທດອາຊຽນໃຫ້ຫລາຍ, ໃຫ້ພໍ່ຄ້າອາຊຽນປະກົດເຫັນໂອກາດການຄ້າຫລາຍກວ່າເກົ່າໃນງານເອັກສ໌ໂປ,ໄດ້ຮັບຜົນປະໂຫຍດຕົວຈິງຫລາຍກວ່າເກົ່າຍ້ອນການສ້າງເຂດການຄ້າເສລີ,ເຮັດໃຫ້ການຜົວພັນເສດຖະກິດການຄ້າລະຫວ່າງຈີນກັບອາຊຽນຍິ່ງແຫນ້ນແຟ້ນກວ່າເກົ່າ,ເຮັດໃຫ້ງານເອັກສ໌ໂປຈີນອາຊຽນຍິ່ງມີບົດບາດຊຸກຍູ້ຢ່າງເດັ່ນຊັດກວ່າເກົ່າຕໍ່ການສ້າງເຂດການຄ້າເສລີ.
ໃນເວລາແນະນຳຈຸດພິເສດຂໍ້ທີສອງຂອງງານເອັກສ໌ໂປຄັ້ງນີ້,ທ່ານເຈິ້ງຈຸ່ນຈ້ຽນເວົ້າວ່າ:
"ຈຸດພິເສດດ້ານຂະແຫນງການຂອງສິນຄ້າທີ່ເຂົ້າຮ່ວມງານເອັກສ໌ໂປຄັ້ງທີສອງໄດ້ເຕົ້າໂຮມແລະຊັດແຈ້ງຕື່ມອີກ,ເພື່ອຕອບສະຫນອງກັບຄວາມຕ້ອງການຕົວຈິງໃນການໄປມາຫາສູ່ກັນດ້ານການຄ້າລະຫວ່າງຈີນກັບປະເທດອາຊຽນ."ງານເອັກສ໌ໂປໄດ້ຫລຸດສິນຄ້າທີ່ເຂົ້າຮ່ວມການວາງສະແດງຈາກ11ປະເພດໃຫຍ່ລົງເປັນ5ປະເພດໃຫຍ່.ຄື:ອຸປະກອນກົນຈັກ, ນິກເຄື່ອງໄຟຟ້າເອເລັກໂຕຼ,ອາຫານແລະສິນຄ້າກະສິກຳ,ເຄື່ອງໂລຫະວັດສະດຸກໍ່ສ້າງແລະລົດຍົນລົດຈັກ.ນີ້ສະແດງໃຫ້ເຫັນວ່າ,ງານເອັກສ໌ໂປປີນີ້ຍິ່ງເອົາໃຈໃສ່ນຳມູນຄ່າການຄ້າລະຫວ່າງຈີນກັບອາຊຽນແລະສິນຄ້າທີ່ມີຕະຫລາດເຊິ່ງກັນແລະກັນ,ຍິ່ງສອດຄ່ອງກັບຕົວຈິງຂອງການຄ້າຈີນອາຊຽນ,ຊຸກຍູ້ຂະບວນການສ້າງເຂດການຄ້າເສລີຈີນອາຊຽນ.
ຈຸດພິເສດທີສາມຂອງງານເອັກສ໌ໂປຄັ້ງນີ້ແມ່ນການແນະນຳ"ເມືອງທີ່ມີສະເຫນ"ເປັນພິເສດ,ສະແດງໃຫ້ເຫັນສະເຫນ່ຂອງຕົວເມືອງຈີນແລະປະເທດອາຊຽນ.ການແນະນຳ"ເມືອງທີ່ມີສະເຫນຂອງຈີນແລະອາຊຽນ"ທີ່ເລີ່ມຈັດຂຶ້ນແຕ່ງານເອັກສ໌ໂປຄັ້ງທີສອງຈະກາຍເປັນເນື້ອໃນຕົ້ນຕໍຂອງງານວາງສະແດງຫົວຂໍ້ສະເພາະຂອງປະເທດໃນງານເອັກສ໌ໂປໃນພາຍຫນ້າ.ແຕ່ລະຄັ້ງໃຫ້ທຸກປະເທດເລືອກເອົາເມືອງຫລືເຂດແຄວ້ນແຫ່ງຫນຶ່ງ,ຕາງຫນ້າປະເທດຫລືເຂດແຄວ້ນຂອງຕົນເຂົ້າຮ່ວມການວາງສະແດງ.ໂດຍຜ່ານຈາກການວາງສະແດງພາບພົດຂອງຕົວເມືອງ,ເຮັດໃຫ້ການແລກປ່ຽນລະຫວ່າງຈີນກັບອາຊຽນໄດ້ຂະຫຍາຍຈາກການແລກປ່ຽນລະຫວ່າງຊາດໄປສູ່ການແລກປ່ຽນລະຫວ່າງເມືອງກັບເມືອງ.
ຈີນແລະ10ປະເທດອາຊຽນລ້ວນແຕ່ໄດ້ກຳນົດຕົວເມືອງທີ່ມີສະເຫນ່ຂອງຕົນແລ້ວ.ທ່ານເຈີນຈຸ່ນຈ້ຽນກ່າວວ່າ:
"ຕົວເມືອງເຫລົ່ານີ້ແມ່ນປັກກິ່ງຂອງຈີນ,ບັນດາເສລີເບກາວັນຂອງບຼູໄນ,ຊຽນລຽບຂອງກຳປູເຈຍ,ຢາກາກຕາຂອງອິນໂດເນເຊຍ,ຫລວງພະບາງຂອງລາວ,ບູຕຼາຈາຢາຂອງມາເລເຊຍ,ມານດາເລຂອງມຽນມ້າ,ເຊບູຂອງຟີລິບປິນ,ເມືອງສິງກະໂປຂອງສິງກະໂປ,ຊຽງໃຫມ່ຂອງໄທແລະຫ່າໂນ່ຍຂອງຫວຽດນາມ"ເມືອງທີ່ມີສະເຫນ"ຈະເປີດກວ້າງຜົນສະທ້ອນຂອງງານເອັກສ໌ໂປຈີນອາຊຽນຢູ່ແຫ່ງຕ່າງໆຂອງປະເທດອາຊຽນຕື່ມອີກ"
ຈຸດພິເສດຂໍ້ທີສີ່ຂອງງານເອັກສ໌ໂປຄັ້ງນີ້ແມ່ນອອກແຮງປັບປຸງການບໍລິການຄົບຊຸດ,ສ້າງລະບົບບໍລິການແລະຮັບປະກັນທີ່ສົມບູນ.ໃນຖານະເປັນເຈົ້າພາບ ຖາວອນຂອງງານເອັກສະໂປຈີນອາຊຽນ,ອົງການປົກຄອງເມືອງນານນີງໄດ້ໃຊ້ມາດຕະການຕ່າງໆເລັ່ງລັດກໍ່ສ້າງພື້ນຖານໂຄງລ່າງຂອງຕົວເມືອງເຊັ່ນຄົມມະນາຄົມ,ໂທລະຄົມການບໍລິການ,ຄວາມສະອາດຂອງອາຫານເປັນຕົ້ນ, ສ້າງສິ່ງແວດລ້ອມອັນດີງາມໃຫ້ແກ່ງານເອັກສ໌ໂປ.ຕາມຊາບວ່າ,ກ່ອນງານເອັກສ໌ໂປຈັດຂຶ້ນຈະມີໂຮງແຮມສ້າງໃຫມ່15ແຫ່ງເລີ່ມທຸລະກິດ,ຂະແຫນງການຕ່າງໆຄືຄົມມະນາຄົມ,ຄວາມສະອາດຂອງອາຫານແລະການປ້ອງກັນຄວາມປອດໄພເປັນຕົ້ນໄດ້ວາງແຜນຮັບມືກັບເຫດການສຸກເສີນແລ້ວ,ເພື່ອຮັບປະກັນໃຫ້ງານເອັກສະໂປຈັດຂຶ້ນຢ່າງສະດວກ,ພ້ອມກັນນັ້ນ, ດ່ານພາສີ,ການກວດສອບແລະກວດກາພະຍາດເປັນຕົ້ນກໍຈະນຳໃຊ້ມາດຕະການພິເສດເຮັດໃຫ້ຄົນແລະສິນຄ້າທີ່ເຂົ້າຮ່ວມງານເອັກສະໂປຜ່ານດ່ານຢ່າງສະດວກແລະໄວກວ່າເກົ່າ.ໃນໄລຍະງານເອັກສ໌ໂປຍັງຈະໄຂສາຍການບິນເຫມົາຍົນຈາກສິງກະໂປ,ກົວລາລຳເປີ,ບາງກອກເປັນຕົ້ນບິນໄປຮອດນານນິງໂດຍກົງ.ເລັ່ງລັດສ້າງເຂດສວນເສດຖະກິດຈີນອາຊຽນ,ສ້າງເຂດການຄ້າຈີນອາຊຽນ,ພະຍາຍາມຕອບສະຫນອງກັບຄວາມຕ້ອງການຂອງນັກທຸບະກິດໃນການລົງທືນແລະເຄື່ອນໄຫວການຄ້າ.
ໃນໄລຍະງານເອັກສ໌ໂປຄັ້ງນີ້,ຍັງຈະຈັດການແລກປ່ຽນວັດທະນະທຳກິລາອັນອຸດົມສົມບູນ,ລວມທັງງານລາຕີພິທີຈັດງານເອັກສ໌ໂປຈີນອາຊຽນແລະບຸນສິລະປະເພງພື້ນເມືອງສາກົນນານນິງ,ງານລາຕີ"ຮີດຄອງປະເພນີຂອງອາຊີອາຄະເນ",ງານສັງສັນງານກອຟແລະເຕັນເນີສ໌ເປັນຕົ້ນ.ໃນງານລາຕີ"ຮີດຄອງປະເພນີຂອງອາຊີອາຄະເນ"ຈະສະແດງລະຄອນຮ້ອງແລະຟ້ອນ ອັງກໍໃນຄວາມຝັນ,ເຄື່ອງຈຳລອງຂອງລົດພະປະທຽບເຊິ່ງເປັນຂອງປະເສີດລະດັບຊາດຂອງບຼູໄນ,ເຄື່ອງຈຳລອງພະລາຊະວັງລາຊີນີກຳປູເຈຍກໍຈະວາງສະແດງໃນໄລຍະງານເອັກສ໌ໂປ.
|
