|
|
 |
| (GMT+08:00)
2005-10-13 22:35:59
|
 |
|
ກອງປະຊຸມສຸດຍອດການຄ້າແລະການລົງທຶນຈີນອາຊຽນສ້າງຂົວລະຫວ່າງລັດຖະບານກັບວິສາຫະກິດ(ສຽງ)
cri
Author: da
 ກອງປະຊຸມສຸດຍອດການຄ້າແລະການລົງທຶນຈີນອາຊຽນແມ່ນງານມະໂຫລານສຸດຍອດຂອງວົງການອຸດສາຫະກຳການຄ້າຈີນກັບບັນດາປະເທດອາຊຽນ,ແມ່ນທ່ານເວີນເຈຍປາວ ນາຍົກລັດຖະມົນຕີຈີນສະເໜີອອກໃນກອງປະຊຸມຜູ້ນຳຈີນອາຊຽນຄື 10 ບວກ 1 ຄັ້ງທີ 7 ທີ່ຈັດຂຶ້ນໃນປີ 2003.ທ່ານນາຍົກເວີນເຈຍປາວສະເໜີວ່າ,ແຕ່ປີ 2004 ເປັນຕົ້ນໄປ ຈະຈັດງານເອັກສ໌ໂປຈີນອາຊຽນຢູ່ເມືອງນານນິງເຂດກວາງຊີປີລະເທື່ອ,ແລະຈັດກອງປະຊຸມສຸດຍອດການຄ້າແລະການລົງທຶນຈີນອາຊຽນພ້ອມກັນ,ຂໍ້ສະເໜີດັ່ງກ່າວໄດ້ຮັບຄວາມຊົມເຊີຍໂດຍທົ່ວໄປຂອງຜູ້ນຳບັນດາປະເທດອາຊຽນ.ກອງປະຊຸມສຸດຍອດຖືການຮ່ວມມືເສດຖະກິດຮອບດ້ານລະຫວ່າງຈີນກັບປະເທດອາຊຽນແລະການສ້າງເຂດການຄ້າເສລີຈີນອາຊຽນເປັນຄາດໝາຍ,ຜ່ານຈາກເວທິປາໄສທາງເສດຖະກິດການຄ້າ ສ້າງຂົວແລກປ່ຽນຂໍ້ມູນຂ່າວສານລະຫວ່າງເຈົ້າໜ້າທີ່ລັດຖະບານ ວົງການວິສາຫະກິດແລະບຸກຄົນວົງການວິຊາການຂອງຈີນກັບ 10 ປະເທດອາຊຽນ.
ປີ 2004,ກອງປະຊຸມສຸດຍອດຄັ້ງປະຖົມມະເລີກໄດ້ຈັດຂຶ້ນຢູ່ເມືອງນານນິງເຂດກວາງຊີ,ຜູ້ນຳຈີນແລະບັນດາປະເທດອາຊຽນ ເຈົ້າໜ້າທີ່ລັດຖະບານ ນັກທຸລະກິດແລະບຸກຄົນວົງການອຸດສາຫະກຳການຄ້າໄດ້ເຂົ້າຮ່ວມກອງປະຊຸມສຸດຍອດ,ໂດຍໝູນອ້ອມຂໍ້ປະເດັນ"ຊຸກຍູ້ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ,ສະແຫວງຫາການພ້ອມກັນພັດທະນາ",ທ່ານນາງອູອີ ຮອງນາຍົກລັດຖະມົນຕີຈີນແລະຜູ້ນຳປະເທດອາຊຽນຄືທ່ານບຸນຍັງ ວໍລະຈິດ ນາຍົກລັດຖະມົນຕີລາວ,ທ່ານຮຸນເຊນ ນາຍົກລັດຖະມົນຕີກຳປູເຈຍແລະທ່ານໂຊວິນ ນາຍົກລັດຖະມົນຕີມຽນມາເປັນຕົ້ນໄດ້ກ່າວປາຖະກະຖາ,ກອງປະຊຸມສຸດຍອດໄດ້ຣັບໝາກຜົນອັນອຸດົມສົມບູນ.
ທ່ານຊູ່ນຈ້ຽນສິ່ວ ຮອງເລຂາທິການປະຈຳກອງເລຂາກອງປະຊຸມສຸດຍອດການຄ້າແລະການລົງທຶນຈີນອາຊຽນເວົ້າວ່າ:
"ການຈັດກອງປະຊຸມສຸດຍອດຄັ້ງປະຖົມມະເລີກຢ່າງສຳເລັດຜົນ,ໄດ້ສະໜອງແທ່ນທີ່ມີຜົນສັກສິດແກ່ການແລກປ່ຽນແລະຮ່ວມມືກັນລະຫວ່າງລັດຖະບານກັບນັກທຸລະກິດຂອງຈີນແລະປະເທດອາຊຽນ,ຮັດແໜ້ນການພົວພັນທາງການເມືອງລະຫວ່າງຈີນກັບບັນດາປະເທດອາຊຽນ,ຊຸກຍູ້ການພົວພັນໝູ່ຄູ່ຮ່ວມມືຍຸດທະສາດທີ່ອວ່າຍໜ້າໄປສູ່ສັນຕິພາບແລະຈະເລີນຮຸ່ງເຮືອງລະຫວ່າງຈີນກັບອາຊຽນຂະຫຍາຍຕົວອອກ."
ວຽກງານກະກຽມຂອງກອງປະຊຸມສຸດຍອດຄັ້ງທີ 2 ໄດ້ຮັບຄວາມເອົາໃຈໃສ່ໃນລະດັບສູງຂອງລັດຖະບານບັນດາປະເທດອາຊຽນແລະຈີນ,ຂະແໜງການຄຸ້ມຄອງເສດຖະກິດການຄ້າ ແລະສະພາການຄ້າຂອງ 10 ປະເທດອາຊຽນກໍພາກັນສະແດງວ່າ ອອກແຮງສຸດຂີດສະໜັບສະໜູນກອງປະຊຸມສຸດຍອດ,ຈະຈັດຕັ້ງຄະນະຜູ້ແທນຊັ້ນສູງມາຮ່ວມປະຊຸມ.ກອງປະຊຸມສຸດຍອດປີນີ້ມີຂໍ້ປະເດັນອັນແຈ່ມແຈ້ງແລະຕິດແທກຕົວຈິງ.
ທ່ານຊຸ່ນຈ້ຽນສິ່ວແນະນຳວ່າ:
"ຂໍ້ປະເດັນຂອງກອງປະຊຸມສຸດຍອດຄັ້ງນີ້ແມ່ນ:"ການໄຂປະຕູແລະພັດທະນາຕະຫຼາດ"ຈີນແລະປະເທດອາຊຽນ,ມັນກວມສອງຫົວຂໍ້ດັ່ງລຸ່ມນີ້ຄື:"ລັດຖະບານ:ສ້າງໂອກາດຮ່ວມມືທີ່ຕ່າງຝ່າຍຕ່າງມີຜົນປະໂຫຍດແລະໄດ້ຮັບຜົນທັງສອງຝ່າຍ"ແລະ"ວິສາຫະກິດກັບສະພາການຄ້າ:ພ້ອມກັນໄຂປະຕູ,ຮ່ວມມືກັນພັດທະນາ"."
ໃນເດືອນກໍລະກົດປີ 2005,ແຜນການຫຼຸດພາສີເຂດການຄ້າເສລີຈີນອາຊຽນເລີ່ມປະຕິບັດ,ຈີນແລະອາຊຽນໄຂຕະຫຼາດໃຫ້ຝ່າຍກົງກັນຂ້າມ,ໃນປີນີ້ ຈົນຮອດຫຼາຍປີຂ້າງໜ້າ,ຈີນກັບປະເທດອາຊຽນເອົາໃຈໃສ່ທີ່ສຸດນຳໂອກາດໃໝ່ແລະການທ້າທາຍໃໝ່ຫຼັງຈາກໄຂຕະຫຼາດແກ່ກັນແລ້ວ. ນັກທຸລະກິດເກັ່ງໃນວົງການການຄ້າຂອງຈີນແລະບັນດາປະເທດອາຊຽນເກືອບພັນຄົນຈະເຂົ້າຮ່ວມກອງປະຂຸມສຸດຍອດຄັ້ງນີ້,ຫາລືກັນຢ່າງເລິກເຊິ່ງກ່ຽວກັບການໄຂແລະພັດທະນາຕະຫຼາດ ການຮ່ວມມືແລະການພັດທະນາລະຫວ່າງສະພາການຄ້າກັບວິສາຫະກິດຢູ່ເຂດການຄ້າເສລີ ແລະບັນຫາອື່ນໆທີ່ສົນໃຈນຳກັນ.ຜູ້ນຳຈີນແລະປະເທດອາຊຽນ ພ້ອມກັບລັດຖະມົນຕີກະຊວງເສດຖະກິດການຄ້າກໍຈະກ່າວປາຖະກະຖາໃນກອງປະຊຸມ,ບັນລະຍາຍທັດສະນະສຳຄັນຂອງພວກເຂົາເຈົ້າໃນການພັດທະນາເສດຖະກິດພາກພື້ນໃນອະນາຄົດ.
ທ່ານຊຸ່ນຈ້ຽນສິ່ວເວົ້າວ່າ:
"ກອງປະຊຸມຈະເຊີນຜູ້ແທນຂອງຈີນແລະຂອງຕ່າງປະເທດຝ່າຍລະ 450 ຄົນ,ຜູ້ເຂົ້າຮ່ວມກອງປະຊຸມສຸດຍອດຄັ້ງນີ້ມີຜູ້ນຳຈີນແລະປະເທດອາຊຽນ ລັດຖະມົນຕີກະຊວງເສດຖະກິດການຄ້າ,ປະທານສະພາການຄ້າ,ຜູ້ແທນວິສາຫະກິດທີ່ມີຊື່ສຽງ,ໝູ່ຄູ່ຮ່ວມມືຍຸດທະສາດຂອງກອງປະຊຸມສຸດຍອດແລະງານເອັກສ໌ໂປ,ຜູ້ຊ່ຽວຊານແລະນັກປາດທີ່ມີຊື່ສຽງ,ເຈົ້າໜ້າທີ່ກອງເລຂາອາຊຽນ,ຜູ້ແທນຂອງບັນດາປະເທດອາຊຽນທີ່ເຂົ້າຮ່ວມ"ເມືອງສະເໜ"ງານເອັກສ໌ໂປ, ນັກທຸລະກິດທີ່ມີຜົນສະທ້ອນແລະຜູ້ບໍລິຫານ 500 ບໍລິສັດໃຫຍ່ ວິສາຫະກິດທີ່ມີກາໝາຍຊື່ດັງພາຍໃນປະເທດຈີນ ຈະເຂົ້າຮ່ວມແລະກ່າວປາຖະກະຖາ."
ເພື່ອເສີມຂະຫຍາຍບົດບາດຄືຂົວສະພານຂອງກອງປະຊຸມສຸດຍອດ,ກອງປະຊຸມຄັ້ງນີ້ໄດ້ຈັດງານສົນທະນາ,ແລະເພີ່ມເວລາກອງປະຊຸມຫຼາຍກວ່າກອງປະຊຸມຄັ້ງປະຖົມມະເລີກເຄິ່ງວັນ,ເປັນວັນເຄິ່ງ.ການແກ່ຍາວເວລາກອງປະຊຸມຈະສະໜອງໂອກາດກ່າວຄຳປາໄສແລະແລກປ່ຽນກັນໃຫ້ຜູ້ແທນທີ່ເຂົ້າຮ່ວມກອງປະຊຸມຫຼາຍກວ່າເກົ່າ.ຜູ້ແທນທີ່ຮ່ວມປະຊຸມບໍ່ພຽງແຕ່ສາມາດຟັງການກ່າວປາຖະກະຖາຂອງຜູ້ນຳວົງການການເມືອງແລະວົງການການຄ້າທໍ່ນັ້ນ,ກໍສາມາດສົນທະນາກັບລັດຖະມົນຕີກະຊວງເສດຖະກິດການຄ້າໂດຍກົງ,ແລກປ່ຽນກັນກັບຜູ້ດີເລີດໃນວົງການອຸດສາຫະກຳການຄ້າ,ພ້ອມກັນຊອກຄົ້ນບັນຫາໄຂແລະພັດທະນາຕະຫຼາດເປັນຕົ້ນອີກດ້ວຍ,ຮູ້ຈັກສະພາບແລະຂະບວນການສ້າງສາເຂດການຄ້າເສລີຈີນອາຊຽນ,ພ້ອມກັນສະແຫວງຫາການພັດທະນາ,ສວຍໃຊ້ໂອກາດການທຸລະກິດນຳກັນ.
ກອງປະຊຸມສຸດຍອດການຄ້າແລະການລົງທຶນຈີນອາຊຽນໄດ້ປະກົດມີກຳລັງຜົນສະທ້ອນຂອງຕົນແລ້ວ.ທ່ານຊຸ່ນຈ້ຽນສິ່ວເວົ້າວ່າ:
"ປະຈຸບັນ,ຜູ້ສະເໜີເຂົ້າຮ່ວມກອງປະຊຸມສຸດຍອດຫ້າວຫັນຫຼາຍ.ນອກຈາກບັນດາປະເທດອາຊຽນ,ກອງເລຂາຂອງກອງປະຊຸມສຸດຍອດຍັງໄດ້ຮັບຄຳຮ້ອງຂໍເຂົ້າຮ່ວມກອງປະຊຸມທີ່ມາຈາກເຂດອື່ນຂອງອາຊີ ທະວີບອາຟຼີກາ ທະວີບເອີລົບ ທະວີບອາເມລິກາແລະທະວີບໂອຊຽນອານີລວມ 17 ປະເທດແລະຜູ້ແທນວິສາຫະກິດຂອງເຂດບໍລິຫານພິເສດຮົງກົງ."
ກອງປະຊຸມສຸດຍອດຄັ້ງນີ້ໄດ້ອອກແບບເຮັດເຄື່ອງໝາຍກອງປະຊຸມ,ຈະມີຜົນດີຫຼາຍກວ່າເກົ່າຕໍ່ຜົນສັກສິດກາໝາຍຂອງກອງປະຊຸມສຸດຍອດ.ເຄື່ອງາໝາຍກອງປະຊຸມປະກອບດ້ວຍສາຍກົງສີ 11 ເສັ້ນ,ເໝືອນກັບປີກທີ່ມີກຳລັງແຮງ,ເປັນສັນຍານລັກໃຫ້ແກ່ຈີນກັບ 10 ປະເທດອາຊຽນປະສານງານຢ່າງຈິງໃຈແລະພ້ອມກັນສະແຫວງຫາການພັດທະນາ;ມັນຍັງເໝືອນກັບເຮືອທີ່ເຕັມໄປດ້ວຍຄວາມຫວັງ,ເປັນສັນຍານລັກໃຫ້ແກ່ງານມະໂຫລານທີ່ມີລະດັບສູງສຸດລະຫວ່າງວົງການອຸດສາຫະກຳການຄ້າຂອງຈີນອາຊຽນໄດ້ສະໜອງແທ່ນຮ່ວມມືພັດທະນາແກ່ຈີນກັບປະເທດອາຊຽນ,ຕ້ອນຮັບໂອກາດໃໝ່ແລະການທ້າທາຍໃໝ່;ຍັງເໝືອນກັບສາຍຮຸ່ງທີ່ສວຍງາມຢູ່ເທິງທ້ອງຟ້າ,ເປັນໂອກາດທຸລະກິດແລະອະນາຄົດທີ່ສະຫວ່າງສະໄຫວ.
|
|
|
