|
ໂຄງການປົວໂລກເອດສ໌ດ້ວຍແພດສາດແລະຢາຈີນໄດ້ຮັບຜົນໃນເບື້ອງຕົ້ນ
cri
Author: cai
ຕາມໜັງສືພິມ《ເຢີນມີນຢື້ປ້າວ》:ວັນທີ 13 ຕຸລາ,ນັກຂ່າວໄດ້ຊາບຈາກກົມຄຸ້ມຄອງແພດສາດແລະຢາຈີນແຫ່ງຊາດຈີນວ່າ,ແຕ່ຈີນປະຕິບັດໂຄງການປົວໂລກເອດສ໌ດ້ວຍແພດສາດແລະຢາຈີນເປັນເວລາ 2 ປີມານີ້,ໄດ້ຮັບຜົນໃນເບື້ອງຕົ້ນແລ້ວ,ປະຈຸບັນ,ມີຜູ້ເປັນໂລກເອດສ໌ 6 ພັນ 800 ກວ່າຄົນໄດ້ຮັບຜົນຈາກການປິ່ນປົວ.
ຕາມສະເໜີໃຫ້ຮູ້ວ່າ,ການປິ່ນປົວດ້ວຍແພດສາດແລະຢາຈີນໄດ້ເຮັດໃຫ້ຄຸນນະພາບຊີວິດຂອງຜູ້ຕິດເຊື້ອHIVແລະຜູ້ເປັນໂລກເອດສ໌ດີຂຶ້ນໃນລະດັບອັນແນ່ນອນ.ສະຖິຕິສະແດງໃຫ້ເຫັນວ່າ,ໃນ 6 ເດືອນທີ່ຜູ້ເປັນໂລກເອດສ໌ຮັບການປິ່ນປົວດ້ວຍແພດສາດແລະຢາຈີນ,ອາການຂອງຜູ້ປ່ວຍໄດ້ດີຂຶ້ນຢ່າງບໍ່ຢຸດຢັ້ງ,ບໍ່ໄດ້ມີການແພ້ຢາຢ່າງເດັ່ນຊັດ.
ຕາມສະເໜີໃຫ້ຮູ້ວ່າ,ຜູ້ເປັນໂລກເອດສ໌ທີ່ເຂົ້າຮ່ວມໂຄງການປົວດ້ວຍແພດສາດແລະຢາຈີນຈະໄດ້ຮັບການປິ່ນປົວຟີ.ປະຈຸບັນ,ລັດຖະບານກາງຂອງຈີນໄດ້ລົງທຶນສະເພາະ 36 ລ້ານກວ່າຢວນແລ້ວ,ມີ 11 ເຂດ ແຂວງ ນະຄອນປະຕິບັດໂຄງການດັ່ງກ່າວ.
|
|
