|
|
 |
| (GMT+08:00)
2005-10-16 18:38:45
|
|
ເອກອັກຄະລັດຖະທູດອີຣານປະຈຳອັງກິດປະຕິເສດອີຣານມີສ່ວນກ່ຽວຂ້ອງກັບເຫດການຫຼອນໂຈມຕີຢູ່ອີຣັກ
cri
Author: li
ຕາມຂ່າວ CRI: ວັນທີ 15 ຕຸລາ ຢູ່ລອນດອນ ທ່ານເຊເຢັດ ເອກອັກຄະລັດຖະທູດອີຣານປະຈຳອັງກິດໄດ້ປະຕິເສດຄຳຕິຕຽນຂອງລັດຖະບານອັງກິດທີ່ວ່າອີຣານສະໜອງອາວຸດໃຫ້ພວກປະກອບອາວຸດຂອງອີຣັກ.
ໃນກອງປະຊຸມປະຈຳປີທີ່"ຂະບວນການຍາດແຍ່ງຫຼຸດກຳລັງລົບນິວເຄຼຍ"ຈັດຂຶ້ນໃນວັນທີ 15 ຕຸລາ,ທ່ານເຊເຢັດເວົ້າວ່າ,ອີຣານບໍ່ມີການພົວພັນຫຍັງກັບການຫຼອນໂຈມຕີທີ່ແນໃສ່ທະຫານອັງກິດທີ່ເກີດຂຶ້ນຢູ່ພາກໃຕ້ອີຣັກໃນຫວ່າງມໍ່ໆນີ້. ພ້ອມກັນນັ້ນ ທ່ານກ່າວວ່າ,ຫວັງໃຫ້ອັງກິດຢ່າເອົາເຫດການຫຼອນໂຈມຕີມາໜີບເຕັງອີຣານໃນການເຈລະຈາບັນຫານິວເຄຼຍຂອງອີຣານ.
ກ່ອນໜ້ານີ້ ທ່ານແບຼ ນາຍົກລັດຖະມົນຕີພ້ອມດ້ວຍເຈົ້າໜ້າທີ່ຊັ້ນສູງອື່ນໆຂອງອັງກິດເຄີຍກ່າວຢ່າງເປີດເຜີຍວ່າ,ມີຫຼັກຖານສະແດງໃຫ້ເຫັນວ່າ,ການຫຼອນໂຈມຕີດ້ວຍລູກລະເບີດທີ່ແນໃສ່ກອງທະຫານອັງກິດຢູ່ພາກໃຕ້ອີຣັກນັ້ນແມ່ນໄດ້ຮັບການສະໜັບສະໜູນຈາກອີຣານ.
|
|
|
