|
ຕາມຂ່າວCRI: ຕອນຂ້ອນແຈ້ງວັນທີ 17 ຕຸລາ, ຍານອະວະກາດ"ເສີນໂຈ່ວ"ເລກ6ບັນທຸກຄົນເຊິ່ງເປັນຍານອະວະກາດບັນທຸກຄົນລຳທີ2ທີ່ຈີນຍິງສົ່ງຂຶ້ນອະວະກາດໃນ 5 ມື້ກ່ອນໄດ້ລົງຈອດຢູ່ເຂດມົງໂກໃນປົກຄອງຕົນເອງພາກເໜືອຈີນຢ່າງສະດວກ, ນັກບິນອະວະກາດສອງຄົນໄດ້ລາຍງານວ່າສຸຂະພາບຂອງຕົນແຂງແຮງຢູ່.
 
ຖັດມາ, ທ່ານອູປ່າງໂກວ,ປະທານຄະນະປະຈຳສະພາປະຊາຊົນແຫ່ງຊາດຈີນໄດ້ຕາງໜ້າສູນກາງພັກກອມມູນິດຈີນ ລັດຖະບານຈີນແລະຄະນະກຳມະການການທະຫານສູນກາງຈີນອ່ານໂທລະເລກອວຍພອນ. ໂທລະເລກອວຍພອນຂຽນວ່າ, ການບິນອະວະກາດຂອງຍານອະວະກາດ"ເສີນໂຈ່ວ"ເລກ6ບັນທຸກຄົນໄດ້າເລັດຜົນເປັນສັນຍາລັກສະແດງໃຫ້ເຫັນວ່າຈີນທີ່ໄດ້ຮັບໄຊຊະນະຢ່າງໃຫຍ່ຫຼວງອັນມີຄວາມໝາຍຫຼັກໝາຍທາງອີກໃນດ້ານພັດທະນາເຕັກນິກການບິນອະວະກາດບັນທຸກຄົນແລະດຳເນີນການທົດລອງຢູ່ອະວະກາດທີ່ມີຄົນເຂົ້າຮ່ວມ. ຈີນຈະສືບຕໍ່ພັດທະນາເຕັກນິກການບິນອະວະກາດບັນທຸກຄົນ, ຕັ້ງໜ້າພັດທະນາຊັບພະຍາກອນອະວະກາດ, ສ້າງຄວາມສຸກໃຫ້ແກ່ມວນມະນຸດ.
ຈຸດປະສົງຂອງການບິນອະວະກາດເທື່ອນີ້ແມ່ນບູລະນະເຕັກນິກພື້ນຖານຂອງການບິນອະວະກາດບັນທຸກຄົນ, ບັນລຸການບິນອະວະກາດຫຼາຍຄົນ. ແລະຫຼາຍຄົນໃນໄລຍະບິນອະວະກາດ, ນັກບິນອະວະກາດໄດ້ດຳເນີນການທົດລອງເຕັກນິກເຊັ່ນ: ການປົ່ມເພາະແນວພືດ ການປະສົມອຸປະກອນຢູ່ອະວະກາດຢ່າງເປັນລະດັບ, ພ້ອມກັນນັ້ນຍັງໄດ້ຄົ້ນຄວ້າກົດເກນການກິລາຂອງຄົນ ການເຕີບໂຕຂອງຈຸລັງຊີ້ນໃນຫົວໃຈແລະຈຸລັງກະດູກຂອງຄົນໃຕ້ເງື່ອນໄຂເສຍນ້ຳໜັກ, ແລະໄດ້ຮັບໝາກຜົນເບື້ອງຕົ້ນ.
1 2
|
