|
 ປີ 2004, ທ່ານຈ່າງເສອິວໄດ້ອັດCDແຜ່ນໃໝ່ທີ່ໃຫ້ຊື່ວ່າ: ແບ໌ຼກແອນໄວທ໌ ແປວ່າສີດຳກັບສີຂາວ. CDແຜ່ນນີ້ແມ່ນການສະຫລຸບຊີວິດສິລະປະການສະແດງຂອງທ່ານຈ່າງເສອິວໃນ 20 ກວ່າປີມານີ້. ການໃສ່ຊື່ ແບຼັກແອນໄວທ໌, ແມ່ນຍ້ອນທ່ານຮູ້ສຶກວ່າ ໃນຫຼາຍປີມານີ້, ຕົນໄດ້ປ່ຽນຕົວສະແດງຢູ່ບໍ່ເຊົາ. ທ່ານເວົ້າວ່າ: ບໍ່ວ່າຮ້ອງເພງ ສະແດງຮູບເງົາ, ຫຼືວ່າໃນຊີວິດຕົວຈິງ, ຂ້າພະເຈົ້າກໍຮູ້ສຶກວ່າຕົນເອງແມ່ນຄົນສອງໜ້າ, ຊຶ່ງໝາຍຄວາມວ່າ, ຂ້າພະເຈົ້າຈະສະແດງເປັນຊາຍໜຸ່ມຜູ້ຊື່ສັດ ສະອາດແລະອ່ອນໂຍນກໍໄດ້, ຫຼືຈະສະແດງເປັນຜູ້ຫຼັກແຫຼມທຸ່ນທ່ຽງແລະມີພະລັງແຮງກໍໄດ້, ແຕ່ຂ້າພະເຈົ້າກໍບໍ່ຮູ້ສຶກວ່ານິດໃສສອງຢ່າງນີ້ຂັດກັນດອກ, ຄວາມອ່ອນໂຍນກັບຄວາມເຍືອກເຢັນເຊື່ອມໂຍງເຂົ້າກັນ, ກໍຄືກັນກັບສີດຳກັບສີຂາວແມ່ນກຳລັງທີ່ເທົ່າທຽມກັນສອງຊະນິດ, ແຮງເປັນໜ້າກຶກກອງ.
ທີ່ທ່ານພວມຟັງຢູ່ນີ້ແມ່ນເພງ"ສີດຳກັບສີຂາວ", ຂັບຮ້ອງໂດຍທ່ານຈ່າງເສອິວ. ເພງນີ້ເຊື່ອງອາລົມທັງອ່ອນໂຍນ, ໄດ້ສະແດງໃຫ້ເຫັນຄວາມສະແຫວງຫາຄວາມຮັກຢ່າງຈົນປັນຍາ. ເນື້ອ ເພງຂຽນວ່າ: ຈົ່ງລະງັບໃຈຕົນໃຫ້ສະຫງົບ, ເວົ້າສູ່ຕົນເອງຟັງ. ບາງທີຄິດເຖິງຂ້ອຍຮັກເຈົ້າ, ຢາກໄປຫາເຈົ້າພັດບໍ່ກ້າ. ຂໍໃຫ້ເຈົ້າເຊື່ອວ່າ, ມີຄົນຈ້າຜູ້ໜຶ່ງພວມຄຶດຮອດເຈົ້າ, ຄຶດຮອດຍາມເຈົ້າຂ້ອຍພົບກັນຢູ່ຂັ້ນໃດ, ນັ້ນແມ່ນຄວາມຂັດແຍ່ງປານສີດຳກັບສີຂາວໃນໃຈຂ້ອຍ.
ຕໍ່ໄປເຊີນຟັງເພງ"ruguobuaini" ຖ້າບໍ່ຮັກເຈົ້າ ຂັບຮ້ອງໂດຍທ່ານຈ່າງເສອິວ. ນີ້ແມ່ນເພງເສບຕົ້ນໃນໂທລະພາບເລື່ອງ"ການພະນັນຄວາມຮັກແທ້" ຂອງສ.ເກົາຫລີ. ທ່ານຈ່າງເສອິວໃຊ້ສຽງອັນກະຕຸ້ນໃຈຄົນທີ່ສຸດຂອງທ່ານ, ເລົ່າຄວາມເຈັບປວດແລະຄວາມສຸດວິໄສໃນໃຈສູ່ຟັງ, ເຮັດໃຫ້ຄົນຟັງແລ້ວຕື້ນຕັນໃຈຫລາຍ. ເນື້ອເພງມີຄວາມໝາຍວ່າ: ຖ້າບໍ່ຮັກນ້ອງ, ເລື່ອງຫຍັງອ້າຍຈະອິດສາ? ອ້າຍຢາກຂໍໂທດນຳນ້ອງ, ເພາະອ້າຍຮ້ແລ້ວູວ່າ ອ້າຍໄດ້ບາດໃຈນ້ອງ.
ຕໍ່ໄປເຊີນຟັງເພງ"ເຢ້ປ້ານວ່ານ" ຊີກວົງເດືອນ, ນີ້ແມ່ນເພງໃນ CD ແຜ່ນທຳອິດຂອງທ່ານຈ່າງເສອິວເມື່ອປີ 1985, ເພງນີ້ມີອາລົມອັນເລິກເຊິ່ງເກັບຊ້ອນຢູ່, ມາຟັງດຽວນີ້ ກໍຍັງຈັບໃຈຄົນຢູ່ຄືເກົ່າ.
1 2 3
|
