|
|
 |
| (GMT+08:00)
2005-10-17 16:42:00
|
 |
|
ອ່ານຈົດໝາຍຜູ້ຟັງວັນທີ14ຕຸລາ(ສຽງ)
cri
|
ສະບາຍດີທ່ານຜູ້ຟັງທີ່ໂຄລົບ, ຕໍ່ໄປແມ່ນໂມງອ່ານຈົດໝາຍຜູ້ຟັງ.
ຫວ່າງແລ້ວນີ້, ທ່ານນາງບົວພາ ອຸດົມສຸກ ທີ່ສຳນັກຂ່າວສານປະເທດລາວໄດ້ຝາກໃບຕອບຄຳຖາມລາຍການເສັງຄວາມຮູ້ກ່ຽວກັບໄຕ້ຫວັນ-ເກາະປະເສີດຂອງຈີນມາໃຫ້ພວກເຮົາ, ແລະໄດ້ຝາກຄວາມຮູ້ສຶກຂອງຕົນກ່ຽວກັບເກາະໄຕ້ຫວັນມາໃຫ້ພວກເຮົາພ້ອມ. ໃນລາຍການມື້ນີ້, ຂໍໃຫ້ພວກເຮົາພ້ອມກັນມາສຳຜັດຄວາມຮູ້ສຶກຂອງນາງບົວພາກ່ຽວກັບເກາະໄຕ້ຫວັນ:
ຂ້າພະເຈົ້າເປັນໜຶ່ງໃນຫຼາຍລ້ານຄົນໃນທົ່ວໂລກທີ່ຮູ້ເຖິງຊື່ສຽງຮຽງນາມຂອງເກາະໄຕ້ຫວັນ ເຊິ່ງເປັນສ່ວນໜຶ່ງທີ່ແຍກອອກຈາກຈີນບໍ່ໄດ້ນັ້ນ, ແຕ່ເສຍດາຍທີ່ຂ້າພະເຈົ້າຍັງບໍ່ມີໂອກາດໄດ້ໄປເຫັນປະຈັກຕາເກາະແຫ່ງນີ້ເລີຍ. ແຕ່ເຖິງຢ່າງໃດກໍຕາມ, ຂ້າພະເຈົ້າຫວັງແລ້ວຫວັງອີກວ່າ ໃນອະນາຄົດອາດໂຊກດີໄດ້ມີໂອກາດໄປທີ່ນັ້ນ.
ຈີນແຜ່ນດິນໃຫຍ່ແລະເກາະໄຕ້ຫວັນຂັ້ນກັນດ້ວຍຊ່ອງແຄບໄຕ້ຫວັນ, ແຕ່ຊ່ອງແຄບນັ້ນກໍບໍ່ສາມາດກີດກັນການເປັນອັນໜຶ່ງອັນດຽວກັນຂອງຈີນກັບເກາະໄຕ້ຫວັນໄດ້, ນັ້ນກໍໝາຍຄວາມວ່າໄຕ້ຫວັນເປັນສ່ວນໜຶ່ງທີ່ບໍ່ສາມາດແຍກອອກຈາກຈີນໄດ້. ໃນໄລຍະເວລາອັນໃກ້ນີ້, ຊາວຈີນແຜ່ນດິນໃຫຍ່ແລະຊາວໄຕ້ຫວັນຍັງບໍ່ສາມາດທີ່ຈະໄປມາຫາສູ່ກັນໄດ້ຢ່າງເສລີກໍຕາມ, ແຕ່ມູນເຊື້ອວັດທະນະທຳແລະຄວາມຮັກແພງກັນທີ່ມີມາຕັ້ງແຕ່ດົນນານ, ການເຮັດທຸລະກິດແລະການທຳມາຄ້າຂາຍລະຫວ່າງສອງຟາກນັ້ນບໍ່ຫ່ອນທີ່ຈະຕັດຂາດອອກຈາກກັນໄດ້. ຂ້າພະເຈົ້າຄິດວ່າ, ໃນອະນາຄົດຂ້າງໜ້າ, ບັນຫາການໄປມາຫາສູ່ກັນຈະຕ້ອງໄດ້ດັ່ງສົມໃຈປອງຂອງທັງຊາວຈີນແຜ່ນດິນໃຫຍ່ແລະຊາວເກາະໄຕ້ຫວັນຢ່າງແນ່ນອນ.
ຂອບໃຈທ່ານນາງບົວພາອຸດົມສຸກທີ່ໄດ້ເລົ່າຄວາມຮູ້ສຶກຂອງຕົນກ່ຽວກັບເກາະໄຕ້ຫວັນສູ່ພວກເຮົາຟັງ, ຂ້າພະເຈົ້າກໍຫວັງວ່າ, ຜູ້ຟັງທັງຫຼາຍອາດຈະຂຽນຈົດໝາຍມາເລົ່າຄວາມຮູ້ສຶກຂອງຕົນກ່ຽວກັບເລື່ອງລາວຕ່າງໆກ່ຽວກັບການຮັບຟັງວິທະຍຸພວກເຮົາຫຼືກ່ຽວກັບດ້ານຕ່າງໆຂອງຈີນ, ພວກເຮົາຈະຈັດອອກອາກາດໃນເວລາອັນແນ່ນອນ, ຊົມເຊີຍທ່ານເຂົ້າຮ່ວມລາຍການຂອງພວກເຮົາ.
ທ່ານຜູ້ຟັງທີ່ໂຄລົບ, ໂມງອ່ານຈົດໝາຍຂອງພວກເຮົາພາກນີ້ຂໍຈົບລົງພຽງເທົ່ານີ້, ຂອບໃຈທ່ານທີ່ຮັບຟັງ, ສະບາຍດີ.
|
|
|
