|
ເດືອນກໍລະກົດແລະເດືອນສິງຫາປີນີ້,ແຜ່ນດິນໃຫຍ່ຈີນໄດ້ນຳເຂົ້າໝາກໄມ້400ໂຕນຈາກໄຕ້ຫວັນ
cri
ຕາມຂ່າວສານຊິນຮວາ,ວັນທີ17ຕຸລາ,ຢູ່ທີ່ປັກກິ່ງ,ທ່ານເຮີຈືຢາງ ຮອງຫົວໜ້າຫ້ອງການກະຊວງກະສິກຳຈີນເຜີຍໃຫ້ຮູ້ວ່າ,ຕາມສະຖິຕິທີ່ບໍ່ຄົບຖ້ວນຂອງຝ່າຍທີ່ກ່ຽວຂ້ອງ,ໃນເດືອນກໍລະກົດແລະເດືອນສິງຫາປີນີ້,ແຜ່ນດິນໃຫຍ່ຈີນໄດ້ນຳເຂົ້າໝາກໄມ້400ໂຕນຈາກໄຕ້ຫວັນ, ຕະຫຼາດແຫ່ງຕ່າງໆສ່ອງແສງວ່າຂາຍດິບຂາຍດີ,ຊາວນາໄຕ້ຫວັນກໍມີປະຕິກິລິຍາຢ່າງຟົດຟື້ນຕໍ່ເລື່ອງນີ້.
ທ່ານເຮີຈືຢາງກ່າວວ່າ,ເພື່ອຊຸກຍູ້ການຈຳໜ່າຍຜະລິດຕະພັນກະສິກຳໄຕ້ຫວັນຢູ່ແຜ່ນດິນໃຫຍ່,ຝ່າຍແຜ່ນດິນໃຫຍ່ໄດ້ໃຊ້ຫຼາຍມາດຕະການ,ໜຶ່ງແມ່ນເພີ່ມການອະນຸມັດໝາກໄມ້ໄຕ້ຫວັນເຂົ້າຕະຫຼາດແຜ່ນດິນໃຫຍ່ຈາກ12ຊະນິດຂຶ້ນເປັນ18ຊະນິດ,ໃນນັ້ນ,ມີ15ຊະນິດບໍ່ເສຍພາສີ.ສອງ, ອຳນວຍຄວາມສຳດວກໃຫ້ແກ່ການນຳເຂົ້າຜະລິດຕະພັນກະສິກຳໄຕ້ຫວັນໃນການຜ່ານດ່ານພາສີແລະກວດກາພະຍາດ.ສາມ,ຜ່ານຈາກການຈັດການເຄື່ອນໄຫວຫຼາຍຮູບການເຊັ່ນງານວາງສະແດງແລະຈຳໜ່າຍ,ງານສັງສັນ,ງານຊິມຜະລິດຕະພັນກະສິກຳເປັນຕົ້ນ,ຊຸກຍູ້ການຈຳໜ່າຍຜະລິດຕະພັນກະສິກຳໝາກໄມ້ຂອງໄຕ້ຫວັນຢູ່ແຜ່ນດິນໃຫຍ່.
|
|
