|
ປະເທດຕ່າງໆຄືຈີນ ມຽນມ້າເປັນຕົ້ນຮ່ວມກັນທັບມ້າງຄະດີການຄ້າຢາເສບຕິດຂ້າມຊາດຂະໜາດໃຫຍ່ພິລຶກ
cri
ຕາມຂ່າວcri, ວັນທີ18ຕຸລາ, ນັກຂ່າວຮັບຂ່າວຈາກກະຊວງປ້ອງກັນຄວາມສະຫງົບຈີນວ່າ, ໂດຍຜ່ານຈາກການຮ່ວມມືເກືອບປີໜຶ່ງ, ຕຳຫຼວດແຂວງຢູນນານຈີນກັບຕຳຫຼວດມຽນມ້າ ລາວ ໄທໄດ້ທັບມ້າງຄະດີການຄ້າຢາເສບຕິດຂ້າມຊາດຂະໜາດໃຫຍ່ພິລຶກຢ່າງສຳເລັດຜົນໃນຫວ່າງມໍ່ໆນີ້.
ຕາມໄດ້ຊາບ, ຕຳຫຼວດຂອງສີ່ປະເທດຮ່ວມມືກັນ, ໄດ້ທັບມ້າງກຸ່ມຂ້າມຊາດທີ່ດຳເນີນການຄ້າຢາເສບຕິດຢູ່ຕາມຊາຍແດນສີ່ປະເທດມາດົນແລ້ວນັ້ນຢ່າງສິ້ນເຊີງ, ໄດ້ລົບລ້າງເຄືອຂ່າຍການຄ້າຢາເສບຕິດທີ່ກ່ຽວພັນເຖິງຫຼາຍທ້ອງຖິ່ນຂອງສາມປະເທດຄືຈີນ ມຽນມ້າແລະລາວ,ໄດ້ຈັບຜູ້ຕ້ອງຫາ70ຄົນ, ຍຶດໄດ້ເຮໂລອີນ720ກວ່າກິໂລ.
ຜູ້ຮັບຜິດຊອບທີ່ກ່ຽວຂ້ອງຂອງກະຊວງປ້ອງກັນຄວາມສະຫງົບຈີນກ່າວວ່າ,ການທັບມ້າງຄະດີຢ່າງສຳເລັດຜົນເທື່ອນີ້, ໄດ້ສະແດງໃຫ້ເຫັນຄວາມສາມາດຂອງພາກສ່ວນປະຕິບັດກົດໝາຍປາບຢາເສບຕິດສີ່ປະເທດໃນການຮ່ວມໂຈມຕີການຄ້າຢາເສບຕິດຂ້າມຊາດໃຕ້ກົນໄກຮ່ວມມືປາບຢາເສບຕິດລະຫວ່າງຈີນກັບອາຊຽນ.
|
|
