|
|
 |
| (GMT+08:00)
2005-10-18 14:46:28
|
 |
|
ຍີ່ຫໍ້"ສີຂຽວ"ມີໂອກາດການທຸລະກິດອັນບົ່ມຊ້ອນຢ່າງຫຼວງຫຼາຍ——ສຳພາດທ່ານລິນກົວຊຽງ ເຈົ້າຄອງນະຄອນນານນີງ
cri
|
ງານເອັກສໂປຈີນ-ອາຊຽນຄັ້ງທີ2ຈະຈັດຂຶ້ນຢູ່ນະ ຄອນ ນານນີງ ເທດສະບານເຂດກວງຊີເຜົ່າຈ້ວງປົກຄອງຕົນເອງແຕ່ວັນທີ19ຫາວັນທີ22ຕຸລາປີ2005. ຫວ່າງກ່ອນນີ້ບໍ່ດົນ, ນັກຂ່າວວິທະຍຸພວກເຮົາໄດ້ສຳພາດທ່ານລີນກົວຊຽງເຈົ້າຄອງນະຄອນນານນີງ, ໃນລາຍການມອງຕ່າງມຸມເທື່ອນີ້, ເຊີນຟັງບົດສຳພາດທີ່ພາດຫົວເລື່ອງວ່າ: ຍີ່ຫໍ້"ສີຂຽວ"ມີໂອກາດການທຸລະກິດອັນບົ່ມຊ້ອນຢ່າງຫຼວງຫຼາຍ- ສຳພາດທ່ານລິນກົວຊຽງ ເຈົ້າຄອງນະຄອນນານນີງ
ໃນກອງປະຊຸມຜູ້ນຳຈີນອາຊຽນຄັ້ງທີ7ທີ່ຈັດຂຶ້ນໃນເດືອນຕຸລາປີ2003, ທ່ານເວີນເຈຍປາວ ນາຍົກລັດຖະມົນຕີຈີນໄດ້ລິເລີ່ມຈັດງານເອັກສໂປຈີນ-ອາຊຽນ. ງານເອັກສໂປແມ່ນຈີນກັບ10ປະເທດອາຊຽນເປັນເຈົ້າ ພາບຮ່ວມຈັດຂຶ້ນ, ແມ່ນງານມະຫາກຳເສດຖະກິດການຄ້າສຳຄັນກວ່າໝູ່ໃນເຂດການຄ້າເສລີທີ່ມີປະຊາກອນຫຼາຍກວ່າໝູ່ໃນໂລກ. ປີ2004, ງານເອັກສໂປຈີນ-ອາຊຽນຄັ້ງປະຖົມມະເລີກໄດ້ຈັດຂຶ້ນຢູ່ນະຄອນນານນີງຢ່າງສຳເລັດຜົນ, ຍອດມູນຄ່າການຄ້າໄດ້ບັນລຸ1ຕື້30ລ້ານໂດລາ.ນັບແຕ່ນີ້ໄປ,ງານເອັກສໂປຈີນ-ອາຊຽນຈຶ່ງກາຍເປັນແທ່ນສຳຄັນແຫ່ງການຮ່ວມມືດ້ານເສດຖະກິດການຄ້າລະຫວ່າງຈີນອາຊຽນ.
ຫວ່າງກ່ອນນີ້, ໃນເວລາໃຫ້ສຳພາດຕໍ່ນັກຂ່າວວິທະຍຸພວກເຮົາ, ທ່ານລີນກົວຊຽນເຈົ້າຄອງນະຄອນນານນີງເຂດກວາງຊີກ່າວວ່າ,
ງານເອັກສໂປຈີນອາຊຽນໄດ້ນຳເອົາໂອກາດແລະຄຸນຄ່າໃຫ້ນະຄອນນານນີງ, ປັດຈຸບັນ, ຍັງບໍ່ສາມາດຄາດຄະເນຢ່າງແມ່ນຢ່ຳດ້ວຍຕົວເລກລະອຽດໄດ້, ຖ້າເວົ້າໂດຍສັງເຂບແລ້ວກໍ່ແມ່ນ , ມີຄວາມໝາຍຢ່າງບໍ່ມີຂອບເຂດຈຳກັດ, ມີໂອກາດການທຸລະກິດຢ່າງບໍ່ມີບ່ອນສ້ຽງສຸດ, ນັບບໍ່ຖ້ວນ.
ແມ່ນແທ້, ຫຼັງຈາກໄດ້ຈັດງານເອັກສໂປຈີນອາຊຽນຢູ່ນະຄອນນານນີງໃນປີ2004ຢ່າງສຳເລັດຜົນແລ້ວ, ນັກສຶກສາຂອງບັນດາປະເທດອາຊີອາຄະເນທີ່ມາຮຽນຢູ່ນະຄອນູນານນີງໄດ້ເພີ່ມຫຼາຍຂຶ້ນ, ພໍ່ຄ້າຊາວຂາຍກໍ່ມາທຸລະກິດຫຼາຍຂຶ້ນ, ຜູ້ມາທ່ອງທ່ຽວ ຜູ້ມາລົງທຶນກໍ່ຫຼາຍຂຶ້ນເຊັ່ນດຽວກັນ. ຄົນຈຳນວນໜຶ່ງທີ່ມາຈາກໄທ ຫວຽດນາມ ລາວ ກຳປູເຈຍ ມາເລເຊຍເປັນຕົ້ນສົນໃຈນຳນະຄອນນານນີງນັ້ນກໍ່ແມ່ນທ່າແຮງດ້ານພູມສາດຂອງນະຄອນນານນິງທີ່ບໍ່ມີອັນເຂົ້າແທນໄດ້. ຕາມ ຄວາມເວົ້າຂອງທ່ານລີນກົວຊຽນ, ນະຄອນນານນີງແມ່ນນະຄອນຂຽວ, ຊຶ່ງເປັນເມືອງອື່ນຈະປຽບທຽບບໍ່ໄດ້.
ທ່ານລີນກົວຊຽງກ່າວວ່າ, ຖ້າວ່າເມືອງໜຶ່ງvຖືຝູງຕຶກສູງເປັນລັກສະນະ ທີ່ຕ່າງກັນກັບຊົນນະບົດ, ຈັ່ງຊັ້ນມັນຈະຈຳແນກຈາກເມືອງອື່ນໄດ້ແນວໃດ? ຖ້າຍັງມີແຕ່ຕຶກສູງຈຸຟ້າທີ່ຄືກັນໝົດເທົ່ານັ້ນ, ຍ່ອມຈະເສຍເອກະລັກຂອງຕົນ.
ສະພາບແວດລ້ອມສຳລັບຄົນຢູ່ຈະດີຫຼືບໍ່ແມ່ນມາດຖານສຳຄັນອັນໜຶ່ງໃນການຊັ່ງຊານະຄອນໜຶ່ງ,ພວກຂ້າພະເຈົ້າບໍ່ຢາກພັດທະນາເສດຖະກິດໂດຍເອົາການສະຫຼະສິ່ງແວດ ລ້ອມເປັນຄ່າທົດແທນ.ສະນັ້ນ, ຊຸມປີມານີ້, ພວກຂ້າພະເຈົ້າໄດ້ອອກແຮງປັບປຸງສິ່ງແວດລ້ອມ.
ນັບແຕ່ຕົ້ນຊຸມປີ90ມານນີ້ ສະຕະວັດທີ20ເປັນຕົ້ນມາ, ເມືອງນານນິງກໍ່ ໄດ້ກຳນົດເສັ້ນທາງພັດທະນາສີຂຽວທີ່ເສີມຂະຫຍາຍທ່າແຮງດ້ານຊັບພະຍາ ກອນຂອງຕົນຢ່າງເຕັມສ່ວນ. ປັດຈຸບັນ, ເມື່ອຍ່າງຕາມຖະໜົນຂອງນະຄອນນານນີງທີ່ຕັ້ງຢູ່ໃກ້ເຂດຮ້ອນ, ຈະໄດ້ເຫັນທິວທັດສວຍງາມ, ເຕັມແຕ່ຕົ້ນໄມ້ຂຽວອຸ່ມທຸ່ມ, ຄຳວ່າ "ນະຄອນນານນີງມີເຄິ່ງໜຶ່ງແມ່ນຕົ້ນໄມ້ຂຽວງາມ ອີກເຄິ່ງໜຶ່ງເປັນຕຶກ"ໄດ້ວາດພາບນະຄອນນານນີງເປັນບ່ອນເໝາະດຳລົງຊີວິດຂອງຄົນ
ຕາມໄດ້ຊາບ, ຮອດເດືອນກັນຍາປີ2005, ເນື້ອທີ່ຕົ້ນໄມ້ກວມເທດສະບານໄດ້ບັນລຸປະມານ40%,ຊຶ່ງຫຼາຍກວ່າສິບປີກ່ອນ4,5%. ເນື້ອທີ່ເດີ່ນຫຍ້າສາທາລະນະສະເລ່ຍ8,5ແມັດຕາຕໍ່ຄົນ, ຊຶ່ງເພີ່ມຂຶ້ນຫຼາຍກວ່າສິບປີກ່ອນ3,8%. ໃນນະຄອນມີສວນອຸທິຍານ30ກວ່າແຫ່ງ, ເນື້ອທີ່ໄມ້ແລະຫຍ້າສາທາລະນະໄດ້ເພີ່ມຂຶ້ນ1,5ເທົ່າເມື່ອທຽບໃສ່ສິບປີກ່ອນ. ຄຸນທາດດິນຟ້າອາກາດໝັ້ນຄົງ,ຢູ່ໃນຊັ້ນສອງລະດັບຊາດຂຶ້ນໄປ. ໃນບັນດາແມ່ນ້ຳໃຫຍ່ທີ່ໄຫຼຜ່ານເທດສະບານແຂວງຂອງທົ່ວປະເທດ, ແມ່ນ້ຳຢົ່ງກຽງແມ່ນໃສສະອາດກວ່າໝູ່.
ຖະໜົນຊົນເຜົ່າໃນນະຄອນນານນີງຍາວ10,5ກິໂລແມັດ,ສອງຟາກທາງກວ້າງອອກກວ່າແມັດໄດ້ປູກຕົ້ນໄມ້ດອກໄມ້ທຸກຊະນິດຕັ້ງຫຼາຍລ້ານຕົ້ນ, ປັດຈຸບັນ, ເສັ້ນທາງໃຫຍ່ທີ່ຕັ້ງຢູ່ກາງເມືອງສາຍນີ້ສວຍງາມທີ່ສຸດ, ເຕັມໄປດ້ວຍດອກໄມ້ແລະຕົ້ນໄມ້, ຊຶ່ງໄດ້ກາຍເປັນຖະໜົນປ່າໄມ້ຂອງນະຄອນທີ່ມີສີສັນພິເສດໃນນະຄອນຕ່າງໆຂອງຈີນ.
ທ່ານລີນກົວຊຽງບອກນັກຂ່າວວ່າ, ຮອດປີ2020, ອັດຕາເຜີຍແຜ່ການປູກຕົ້ນໄມ້ຂອງຖະໜົນນະຄອນນານນີງຈະບັນລຸ 95%ຂຶ້ນໄປ,ອັນຕາບັນລຸມາດ ຖານຈະບັນລຸ80%ຂຶ້ນໄປ,ພະຍາຍາມຊີງເອົາລາງວັນສິ່ງແວດລ້ອມທີ່ຢູ່ອາໄສຂອງສະຫະປະຊາຊາຊາດ.
ທ່ານກ່າວວ່າ,ພວກຂ້າພະເຈົ້າຫວັງຢາກສ້າງເມືອງຂຽວນີ້ຍິ່ງມີຂຽວຫຼາຍກວ່າເກົ່າ. ພາຍໜ້າຖະໜົນໃນນະຄອນນານນີງບໍ່ພຽງແຕ່ປູກຕົ້ນໄມ້ໃຫ້ຫຼາຍເທົ່ານັ້ນ, ຍັງຈະປູກໃຫ້ງາມ. ຍັງຈະໃຫ້ມີສີຕ່າງໆ. ພາຍໜ້າການປູກຕົ້ນໄມ້ຢູ່ຕາມແຄມຖະໜົນນະຄອນນານນີງນະຄອນນານນີງຈະປູກແນວພັນຕົ້ນໄມ້ຂອງ ຊົນນະບົດເປັນຫຼັກ, ແລະອີງຕາມປັດໄຈດິນຟ້າອາກາດ ທາດດິນເປັນຕົ້ນ, ເລືອກເອົາແນວພັນຕົ້ນໄມ້ດີເດັ່ນທີ່ລຶ້ງກັບສິ່ງແວດລ້ອມໄດ້ໄວ ຕ້ານມົນລະພິດ ມີໃບດົກໜາຮົ່ມໃຫຍ່ ຮູບຊົງງາມ, ຈໍ່ຕົວເປັນທິວທັດຕາມຖະໜົນທີ່ມີຫຼາຍຊະນິດ ຫຼາຍສີສັນ ຫຼາຍລະດັບ.
ນະຄອນນານນີງໃນສາຍຕາຂອງທ່ານລີນກົວຊຽງ, ສິ່ງແວດລ້ອມທີ່ຢູ່ອາໄສອັນດີເດັ່ນກໍ່ຄ້າຍຄືນາມບັດພິເສດສະແດງຕໍ່ທົ່ວໂລກ. ຍີ່ຫໍ້ສີຂຽວທີ່ໝາຍເຖິງທຳມະຊາດນັ້ນມີໂອກາດການທຸລະກິດຢ່າງຫຼວງຫຼາຍ, ມັນບໍ່ພຽງແຕ່ເຮັດໃຫ້ນະຄອນນານນີງໄດ້ດູດດຶງນັກທ່ອງທ່ຽວ ສິນຄ້ານັບມື້ນັບຫຼາຍຂຶ້ນ, ກໍ່ໄດ້ກ້າວເຂົ້າໃນວົງໂຄຈອນໝູນວຽນດີທີ່ຕັ້ງໜ້າຊຸກຍູ້ຊຶ່ງກັນແລະກັນ. ໃນປັດຈຸບັນ, ຊຸບເປີມະເກັດໂວມາທີ່ມີສາຂາຂະໜາດໃຫຍ່ກວ່າໝູ່ໃນໂລກຊຶ່ງປຽບເປັນກຳປັ່ນບັນທຸກເຮືອ ບິນດ້ານການຄ້າຢູ່ອາເມລິກາ,ວິສາຫະກິດຂາຍຍ່ອຍຂະໜາດໃຫຍ່ ຄື ວາງຟູກິງປັກກິ່ງ ຮ້າຍຂາຍເຄື່ອງໄຟຟ້າໂກເມ ບໍລິສັດເຄື່ອງໄຟຟ້າຊູນີງເປັນຕົ້ນທະຍອຍກັນເລືອກເອົານະຄອນນານນີງເປັນບ່ອນຕັ້ງສາຂາ, ທູຕານຸທູດ ພະນັກງານເຈົ້າໜ້າທີ່ ພໍ່ຄ້າຊາວຂາຍແລະປະຊາຊົນສາມັນຈຳນວນໜຶ່ງຈາກບັນດາປະເທດອາຊຽນກໍ່ໄດ້ມາທັດສະນະຈອນຢ້ຽມຢາມນະຄອນນານນີງ.
ລະດູໃບໄມ້ຫຼົ່ນປີ2005, ງານເອັກໂປຈີນອາຊຽນຄັ້ງທີ2ຈະຈັດຂຶ້ນຢູ່ນະຄອນນານນີງ,ຊຶ່ງຈະເຮັດໃຫ້ນະຄອນນານນີງກ້າວໄປສູ່ໂລກ.
|
|
|
