|
ພະແນກການຄ້າແລະການພັດທະນາຮົງກົງກ່າວວ່າຮົງກົງແມ່ນຄູ່ຂາຮ່ວມມືທີ່ດີຂອງວິສາຫະກິດອາຊຽນໃນການພັດທະນາຕະຫຼາດຈີນ
cri
ຕາມຂ່າວສານຊິນຮວາ,ວັນທີ18ຕຸລາ,ໃນງານສົນທະນາຂອງນັກຂ່າວງານເອັກສໂປຈີນ-ອາຊຽນຄັ້ງທີສອງທີ່ຈັດຂຶ້ນຢູ່ນະຄອນນານນິງເຂດກວາງຊີຈີນ,ທ່ານຈູ່ອິງ ຫົວໜ້າຜູ້ແທນພະແນກການຄ້າແລະການພັດທະນາຮົງກົງປະຈຳເຂດໃນຈີນຊີ້ອອກວ່າ,ໃນຖານເປັນຜູ່ລົງທຶນຫຼາຍກວ່າໝູ່ຢູ່ເຂດໃຕ້ຈີນ,ວິສາຫະກິດຮົງກົງເປັນຄູ່ຂາຮ່ວມມືທີ່ດີແລະແທ່ນຄົນກາງສຳລັບວິສາຫະກິດອາຊຽນພັດທະນາຕະຫຼາດຈີນ.
ທ່ານຈູ່ອິງກ່າວວ່າ,ຮົງກົງກັບບັນດາປະເທດອາຊີຕາເວັນອອກສຽງໃຕ້ໄດ້ໄປມາຫາສູ່ກັນມາແຕ່ດົນແລ້ວ,ການຄ້າສົ່ງຕໍ່ໄດ້ກວມອັດຕາສ່ວນຫຼາຍສົມຄວນຂອງການຄ້າຮົງກົງໂດຍຕະຫຼອດ.ຮົງກົງຍັງຄົງເປັນບ່ອນສົ່ງຕໍ່ສຳຄັນສຳລັບການຄ້າລະຫວ່າງເຂດໃນຈີນກັບພາຍນອກ.
|
|
