|
ການຮ່ວມມືດ້ານເສດຖະກິດການຄ້າສອງຕໍ່ສອງລະຫວ່າງຈີນກັບອາຊຽນໄດ້ກ້າວເຂົ້າສູ່ໄລຍະທອງຄຳຂອງການພັດທະນາ
cri
ຕາມຂ່າວສານຊິນຮວາ: ວັນທີ 18 ຕຸລາ, ໃນງານຜິ່ວຂ່າວຂອງງານເອັສໂປຈີນອາຊຽນຄັ້ງທີ 2 ທີ່ຈັດຂຶ້ນຢູ່ນະຄອນນານນິງເທດສະບານເຂດກວາງຊີ, ທ່ານຊົງຊວນ ໂຄສົກກະຊວງການຄ້າຈີນເວົ້າວ່າ, ການຮ່ວມມືດ້ານເສດຖະກິດການຄ້າສອງຕໍ່ສອງລະຫວ່າງຈີນກັບອາຊຽນໄດ້ກ້າວເຂົ້າສູ່ໄລຍະທອງຄຳຂອງການພັດທະນາ.
ຕົວເລກສະແດງໃຫ້ເຫັນວ່າ, ການຮ່ວມມືດ້ານເສດຖະກິດລະຫວ່າງຈີນກັບອາຊຽນໄດ້ນັບມື້ນັບຫຼາຍຂຶ້ນ, ໂຄງການແລະມູນຄ່າໄດ້ເພີ່ມຂຶ້ນຢ່າງສືບເນື່ອງ, ໂດຍສະເພາະແມ່ນໄດ້ດຳເນີນການຮ່ວມມືທີ່ບັງເກີດຜົນໃນການລົງທຶນເຊິ່ງກັນແລະກັນ, ການຮັບເໝົາໂຄງການ, ການຮ່ວມມືດ້ານແຮງງານແລະອື່ນໆ. ນັບມາຮອດທ້າຍປີທີ່ແລ້ວ, ໂຄງການລົງທຶນຂອງອາຊຽນຢູ່ຈີນມີ 2 ໝື່ນ 4 ພັນ ກວ່າໂຄງການ, ທຶນຕ່າງປະເທດໃນຂໍ້ຜູກພັນມີ 72 ຕື້ 600 ລ້ານກວ່າໂດລາສະຫະລັດ. ໃນ 9 ເດືອນທີ່ຜ່ານມາຂອງປີນີ້, ຍອດມູນຄ່າການຄ້າລະຫວ່າງຈີນກັບອາຊຽນໄດ້ບັນລຸ 94 ຕື້ 500 ລ້ານກວ່າໂດລາສະຫະລັດ, ເມື່ອທຽບໃສ່ໄລຍະດຽວກັນຂອງປີກາຍນີ້ໄດ້ເພີ່ມຂຶ້ນຫຼາຍກວ່າ 25%.
|
|
