|
ຕາມຂ່າວສານຊິນຮວາ:ວັນທີ18 ຕຸລາ,ທ່ານເຈິນຊິ້ນຮົງ ຮອງປະທານປະເທດຈີນໄດ້ແຍກອອກພົບປະທ່ານຈຸມມະລີ ໄຊຍະສອນ ຮອງປະທານປະເທດລາວ,ທ່ານໂຊວິນ ນາຍົກລັດຖະມົນຕີມຽນມາ,ທ່ານຫງວນກິງຢົງ ຮອງນາຍົກລັດຖະມົນຕີປະຈຳການຂອງຫວຽດນາມແລະລັດຖະມົນຕີກະຊວງເສດຖະກິດການຄ້າຂອງບັນດາປະເທດອາຊຽນຜູ້ທີ່ມາເຂົ້າຮ່ວມງານເອັກສ໌ໂປຈີນອາຊຽນຄັ້ງທີສອງ.
ໃນເວລາພົບປະທ່ານຈຸມມະລີ ໄຊຍະສອນ,ທ່ານໂຊວິນແລະທ່ານຫງວນກິງຢົງ ,ທ່ານເຈິນຊິ້ນຮົງກ່າວວ່າ,ຈີນຈະສືບຕໍ່ເພີ່ມທະວີການຮ່ວມມືກັບສາມປະເທດໃນຂົງເຂດຕ່າງໆ,ຊຸກຍູ້ການພົວພັນລະຫວ່າງຈີນກັບສາມປະເທດຂະຫຍາຍຕົວຕື່ມອີກ.
ໃນເວລາພົບປະລັດຖະມົນຕີກະຊວງເສດຖະກິດການຄ້າຂອງບັນດາປະເທດອາຊຽນ,ທ່ານເຈິນຊິ້ນຮົງກ່າວເນັ້ນວ່າ,ຈີນຫວັງເພີ່ມທະວີການໄວ້ເນື້ອເຊື່ອໃຈກັນ,ລົງເລິກການຮ່ວມມືທີ່ຕ່າງຝ່າຍຕ່າງມີຜົນໃນຂົງເຂດກວ້າງແລະຫລາຍລະດັບ,ຊຸກຍູ້ການສ້າງສາຂອງເຂດການຄ້າເສລີຈີນອາຊຽນ,ຊຸກຍູ້ການພົວພັນຫມູ່ຍຸດທະສາດລະຫວ່າງຈີນອາຊຽນພັດທະນາຢ່າງລົງເລິກແລະບໍ່ຢຸດຢັ້ງ.
|
