|
ທີ່ທ່ານພວມຟັງຢູ່ນີ້ແມ່ນເພງຂອງງານເອັກສ໌ໂປຈີນອາຊຽນ ນັດພົບຈົນເທົ່າໃດໆທີ່ຂັບຮ້ອງໂດຍທ້າວຊຸ່ນນານ. ມື້ອື່ນກໍຄືວັນທີ 19 ຕຸລາ,ງານເອັກສ໌ໂປຈີນອາຊຽນທີ່ຂະແຫນງການຄຸ້ມຄອງເສດຖະ ກິດການຄ້າຈີນແລະອາຊຽນພ້ອມດ້ວຍກອງເລຂາອາຊຽນເປັນເຈົ້າພາບ ນັ້ນຈະຈັດຂຶ້ນຢູ່ນະຄອນນານນິງ ເທດສະບານເຂດກວາງຊີເຜົ່າຈວ້າງ ປົກຄອງຕົນເອງຂອງຈີນ,ພ້ອມກັນນັ້ນຍັງຈະຈັດກອງປະຊຸມສຸດຍອດການຄ້າແລະການລົງທຶນຈີນອາຊຽນຄັ້ງທີສອງ.ວັນທີ 17 ຕຸລາ,8 ພະແນກພາສາຂອງວິທະຍຸCRI ເຊັ່ນ ພະແນກພາສາຫວຽດນາມ ພາສາລາວ ພາສາໄທ ພາສາອິນໂດເນເຊຍ ພາສາມາເລເຊຍ ພາສາຟິລິບປິນແລະມຽນມາຕ່າງໄດ້ສົ່ງນັກຂ່າວເດີນທາງໄປເຖິງນານນິງ,ເລີ່ມລາຍງານງານເອັກສ໌ໂປແລະກອງປະຊຸມສຸດຍອດໃນທັນທີແລະຮອບດ້ານຢູ່ທີ່ນະຄອນນານນິງ
ທ່ານຜູ່ຟັງທີ່ໂຄລົບ,ຂ້າພະເຈົ້າແມ່ນນັກຂ່າວCRIຊື່ນາງຈັນສຸກ, ຂ້າພະເຈົ້າພວມຢືນຢູ່ຫນ້າປະຕູສູນປະຊຸມແລະວາງສະແດງສາກົນນານນິງ ເຊິ່ງເປັນບ່ອນປະຊຸມສູນກາງຂອງງານເອັກສ໌ໂປນານນິງ,ພວມລາຍງານຂ່າວຢູ່ແຫ່ງນີ້,ມື້ນີ້ແມ່ນວັນທີ 18ຕຸລາ,ຢູ່ອ້ອມແອ້ມສູນປະຊຸມແລະວາງສະແດງສາກົນນານນິງປະດັບປະດາສວຍງາມທີ່ສຸດ,ບ່ອນໃດກໍເຕັມໄປດ້ວຍ ຕົ້ນໄມ້ສີຂຽວແລະດອກໄມ້ສົດນາໆສີ ຫມາກໂປ່ງສີແລະເຄື່ອງຈຳລອງສີລິມຸງຄຸນທີ່ເປັນຫນ້າຮັກ,ປ່ຽມລົ້ນໄປດ້ວຍບັນ ຍາ ກາດມ່ວນຊື່ນອັນເຂັ້ມຂຸ້ນ.ຢູ່ເທິງປະຕູໃຫຍ່ຂອງສູນປະຊຸມແລະວາງສະແດງ,ໄດ້ຊັກທຸງຊາດຈີນແລະທຸງຊາດບັນດາປະເທດອາຊຽນ.ໃຕ້ແສງແດດອັນ ເຮືອງ ຮຸ່ງ,,ທຸງຊາດຂອງ 11 ຜືນປະຈັກຕາຄົນ,ເຫມືອນດັ່ງບອກໃຫ້ຄົນທັງຫຼາຍວ່າ:ຈີນກັບ 10 ປະເທດອາຊຽນເປັນເພື່ອນບ້ານມີໄມຕິຈິດຕໍ່ກັນ,ສາມັກຄີແລະປະສານງານກັນ,ຮ່ວມກັນສ້າງອະນາຄົດອັນດີງາມ.ຢູ່ໃນ 15 ຫ້ອງ ວາງສະແດງຂອງ ສູນປະຊຸມແລະວາງສະແດງ,ໄດ້ວາງສິນຄ້າຊະນິດຕ່າງໆທີ່ມາຈາກຈີນແລະບັນດາປະເທດອາຊຽນ,ຫມູ່ຄົນໄປມາຈໍແຈກັນ,ນັກທຸລະກິດທີ່ເຂົ້າຮ່ວມການວາງສະແດງພວມຈັດວາງຮ້ານວາງສະແດງໃນຂັ້ນສຸດທ້າຍ.
ທ່ານຜູ່ຟັງທີ່ໂຄລົບ,ໃນຖານເປັນແທ່ນວາງສະແດງສິນຄ້າແລະຊື້ຂາຍລະຫວ່າງຊາດທີ່ພັດທະນາໃຫມ່. ງານເອັກສ໌ໂປຈີນອາຊຽນພວມນັບມື້ນັບຖືກບັນດາຝ່າຍທີ່ກ່ຽວຂ້ອງເອົາໃຈໃສ່ນຳ,ຕາມແນະນຳວ່າ,ເມື່ອທຽບກັບງານເອັກສ໌ໂປຈີນອາຊຽນຄັ້ງປະຖົມມະເລີກໃນປີກາຍ,ຫ້ອງວາງສະແດງໃນ ປີນີ້ໄດ້ເພີ່ມ 6 ຫ້ອງ,ຈຳນວນບ່ອນວາງສະແດງໄດ້ເພີ່ມຈາກ 2500 ຮ້ານຂື້ນເປັນ 3500 ຮ້ານ, ນັກທຸລະກິດບັນດາປະເທດອາຊຽນໄດ້ມາເຂົ້າຮ່ວມຢ່າງຟົດຟື້ນ.ລ້ວນແຕ່ເປີດກວ້າງຂະຫນາດທີ່ເຂົ້າຮ່ວມການວາງສະແດງລ້ວນແຕ່ໃຫຍ່ກວ່າຄັ້ງທີ່ແລ້ວ,ຕົວຢ່າງຄື:ໃນງານເອັກສ໌ໂປຈີນອາຊຽນຄັ້ງປະຖົມມະເລີກ,ໄທໄດ້ຈັດຕັ້ງຄະນະວາງສະແດງຂະຫນາດໃຫຍ່ທີ່ມີບ່ອນວາງສະແດງ 100 ກວ່າຮ້ານ,ປີນີ້,ທ່ານສົມຄິດ ຈະຕຸສີພິທັກ ຮອງນາຍົກລັດຖະມົນຕີຜູ່ທີຫນຶ່ງຂອງໄທໄດ້ເປັນຫົວຫນ້ານຳພາຄະນະຜູ່ແທນ,ມີ 400 ກວ່າຄົນມາເຂົ້າຮ່ວມການວາງສະແດງ,ຮ້ານວາງສະແດງໄດ້ມີ 120 ກວ່າຮ້ານ,ນອກນີ້,ໃນງານເອັກສ໌ໂປຍັງຈະຈັດງານໂຄສະນາ ງານສັງສັນ ງານເຊັນສັນຍາແລະກອງປະຊຸມເວທີປາໄສຕ່າງໆ 30 ກວ່າເທື່ອ,ຕົວຢ່າງຄື:
ຕາມແຜນການຫຼັງຈາກພິທີໄຂງານເອັກສ໌ໂປ,ລາວກໍຈະໂຄສະນາຈຸດພິເສດທ່ອງທ່ຽວຂອງເຂົາໂລດ.ເນື້ອໃນຕົ້ນຕໍທີ່ມຽນມາ ຟິລິບປິນແລະມາເລເຊຍໂຄສະນານັ້ນແມ່ນນະໂຍບາຍແລະສະພາບແວດລ້ອມການລົງທຶນ ຂອງປະເທດພວກເຂົາເຈົ້າ.ກຳປູເຈຍນອກຈາກໂຄສະນາສະພາບແວດລ້ອມການຄ້າ ການລົງທຶນ ການທ່ອງທ່ຽວແລະການເຕີບໂຕຂອງເສດຖະກິດຂອງເຂົາແລ້ວ,ຍັງຈະຮ່ວມກັນກັບຈີນຈັດງານສັງສັນການຮ່ວມມືເສດຖະກິດການຄ້າແຂວງຫູນານຈີນກັບລາຊະອານາຈັກກຳປູເຈຍ,ງານໂຄສະນາຂອງອິນໂດເນເຊຍແລະບຼໄນຈະຖືການລົງທຶນແລະການທ່ອງທ່ຽວເປັນເນື້ອໃນສຳຄັນ.ຫວຽດ ນາມຈະຈັດກອງປະຊຸມເວທີປາໄສເສດຖະກິດການຄ້າຫວຽດນາມຈີນ,ຜູ່ຕາງຫນ້າຂອງວິສາຫະກິດຝ່າຍຫວຽດນາມທີ່ເຂົ້າຮ່ວມກອງປະຊຸມເວທີປາໄສກໍໄດ້ຫຼາຍເຖິງ 120 ກວ່າຄົນ, ໄທຫຼັງຈາກແນະນຳນະໂຍບາຍແລະສະພາບແວດລ້ອມການລົງທຶນຂອງເມືອງຊຽງໃຫມ່ທີ່ມີສະເຫນ່ເປັນພິເສດແລ້ວ,ຈະຈັດກອງປະຊຸມເວທີປາໄສທີ່ມີຫົວຂໍ້ວ່າ ລົງທຶນຢູ່ໄທຈະເດີນທາງໄປເຖິງສຳເລັດຜົນ,ສິງກະໂປຈະຈັດງານສຳມະນາທີ່ວິສາຫະກິດຈີນເຂົ້າສູ່ຕະຫຼາດສິງກະໂປ.
ງານເອັກສ໌ໂປນອກຈາກດູດດຶງເຈົ້າຫນ້າທີ່ລັດຖະບານແລະນັກທຸລະກິດຂອງບັນດາປະເທດແລ້ວ,ງານເອັກສ໌ໂປຍັງດູດດຶງນັກຂ່າວສື່ມວນຊົນຫຼວງຫຼາຍຂອງຈີນແລະບັນດາປະເທດອາຊຽນ,ແລະລາຍງານງານເອັກສ໌ໂປເທື່ອນີ້.ວິທະຍຸສາກົນແຫ່ງປະເທດຈີນໃນຖານເປັນສື່ມວນຊົນຮ່ວມມືຂອງງານເອັກສ໌ໂປໄດ້ສົ່ງຖັນແຖວນັກຂ່າວທີ່ເກັ່ງໄປລາຍງານງານເອັກສ໌ໂປເທື່ອນີ້ຢ່າງຮອບດ້ານ.
ທ່ານອານຊຽວຢູ ຫົວຫນ້າສູນກະຈາຍສຽງຕໍ່ອາຊີຕາເວັນອອກສຽງໃຕ້ຂອງວິທະຍຸພວກເຮົາແນະນຳວ່າ
ເລີ່ມແຕ່ເດືອນກັນຍາເປັນຕົ້ນໄປ,ພວກຂ້າພະເຈົ້າມີ 8 ພາສາເຊິ່ງລວມ ທັງພາສາຫວຽດນາມ ລາວ ກຳປູເຈຍ ໄທ ອິນໂດເນເຊຍ ມາເລເຊຍ ຟິລິບປິນແລະມຽນມາທີ່ກະຈາຍສຽງຕໍ່ອາຊຽນນັ້ນ,ລ້ວນແຕ່ຈັດຫົວຂໍ້ສະເພາະຂອງງານເອັກສ໌ໂປອາຊຽນໃນວິທະຍຸກະຈາຍສຽງຂອງພວກເຮົາ.ປະຈຸບັນ,ໃນອິນເທີເນັດຂອງພາສາເຫຼົ່ານີ້ກໍໄດ້ຕັ້ງຫົວຂໍ້ສະເພາະກ່ຽວກັບງານເອັກສ໌ໂປ.ໃນໄລຍະຈັດງານເອັກສ໌ໂປ,ນັກຂ່າວຂອງພວກເຮົາແຕ່ລະມື້ຈະລາຍງານຄວາມຄືບຫນ້າຂອງງານເອັກສ໌ໂປສູ່ຟັງ,ວັນທີ 19 ຕຸລາ,ພວກເຮົາຈະຖ່າຍທອດສົດພິທີໄຂງານເອັກສ໌ໂປແລະພິທີໄຂຂອງກອງປະຊຸມສຸດຍອດການຄ້າແລະການລົງທຶນດ້ວຍພາສາລາວແລະພາສາຫວຽດນາມໃນອິນເທີເນັດກ່ຽວກັບ,ຊົມເຊີຍພວກທ່ານຈົ່ງຕິດຕາມ.
ທ່ານຜູ່ຟັງທີ່ໂຄລົບ,ງານເອັກສ໌ໂປຈີນອາຊຽນຄັ້ງທີສອງຈະເລີ່ມຈັດຂຶ້ນໃນວັນທີ 19 ຕຸລາ,ນະທີ່ນີ້,ພວກເຮົາອວຍພອນງານເອັກສ໌ໂປເທື່ອນີ້ຈະໄດ້ຜົນເຕັມເມັດເຕັມຫນ່ວຍ,ຖ້າພວກທ່ານຢາກຮູ້ສະພາບງານເອັກສ໌ໂປໂດຍຜ່ານວິທະຍາແລະອິນເທີເນັດຂອງພວກເຮົາ,ຂໍເຊີນໃຫ້ທ່ານຈົ່ງຕິດຕາມລາຍການຂອງວິທະຍຸພວກເຮົາ,ຮັບຟັງລາຍການຂອງພວກເຮົາຕາມເວລາອອກອາກາດ,ຫຼືເຂົ້າອິນເທີເນັດຂອງພະແນກພາສາລາວຂອງວິທະຍຸພວກເຮົາ
|
