|
|
 |
| (GMT+08:00)
2005-10-19 20:18:10
|
 |
|
ທ່ານເຈີ່ງຊີ້ງຮົງພົບປະທ່ານຮຸນແຊນ ນາຍົກລັດຖະມົນຕີກຳປູເຈຍແລະທ່ານສົມຄິດ ຈະຕຸສີພິທັກ ຮອງນາຍົກລັດຖະມົນຕີໄທ
cri
Author: cai
ຕາມຂ່າວສານຊິນຮວາ:ວັນທີ 19 ຕຸລາ,ຢູ່ນະຄອນນານນີງ ເຂດກວາງຊີຈີນ,ທ່ານເຈີ່ງຊີ້ງຮົງ ຮອງປະທານປະເທດຈີນຍັງໄດ້ແຍກອອກພົບປະທ່ານຮຸນແຊນ ນາຍົກລັດຖະມົນຕີກຳປູເຈຍແລະທ່ານສົມຄິດ ຈະຕຸສີພິທັກ ຮອງນາຍົກລັດຖະມົນຕີໄທທີ່ມາເຂົ້າຮ່ວມງານເອັກສ໌ໂປຈີນ-ອາຊຽນຄັ້ງທີ 2.
ໃນເວລາພົບປະທ່ານຮຸນແຊນ,ທ່ານເຈີ່ງຊີ້ງຮົງເວົ້າວ່າ,ພັກກອມມູນິດຈີນແລະລັດຖະບານຈີນຈະປະຕິບັດຕາມນະໂຍບາຍ"ປອງດອງກັນກັບປະເທດບ້ານໃກ້ເຮືອນຄຽງ ໃຫ້ປະເທດບ້ານໃກ້ເຮືອນຄຽງມີຄວາມສະຫງົບ ໃຫ້ປະເທດບ້ານໃກ້ເຮືອນຄຽງຮັ່ງມີຂຶ້ນ",ເພີ່ມທະວີການຮ່ວມມືດ້ວຍໄມຕີຈິດກັບກຳປູເຈຍໃນທຸກຂົງເຂດ.
ໃນເວລາພົບປະທ່ານສົມຄິດ ຈະຕຸສີພິທັກ,ທ່ານເຈີ່ງຊີ້ງຮົງກ່າວເນັ້ນວ່າ,ຝ່າຍຈີນປະຕິບັດຕາມຫຼັກການເຄົາລົບເຊິ່ງກັນແລະກັນ ປະຕິບັດຕໍ່ກັນຢ່າງສະເໝີພາບ ຕ່າງຝ່າຍຕ່າງມີຜົນປະໂຫຍດຂະຫຍາຍການພົວພັນຮ່ວມມືຖານບ້ານໃກ້ເຮືອນຄຽງທີ່ດີຕໍ່ກັນກັບອາຊຽນຢ່າງສະເໝີຕົ້ນສະເໝີປາຍ,ຊຸກຍູ້ການພົວພັນຄູ່ຂາຍຸດທະສາດຈີນ-ອາຊຽນໃຫ້ຂະຫຍາຍຕົວຢ່າງບໍ່ຢຸດຢັ້ງ.
|
|
|
