|
|
 |
| (GMT+08:00)
2005-10-20 17:53:19
|
|
ສະພາບໄຂ້ຫວັດສັດປີກຢູ່ມົງໂກໄນໄດ້ຮັບການຄວບຄຸມ ບໍ່ໄດ້ປະກົດເຫັນຄົນຕິດເຊື້ອໄຂ້ຫວັດສັດປີກ
cri
Author: da
ຕາມຂ່າວCRI: ວັນທີ 20 ຕຸລາ ນັກຂ່າວໄດ້ຊາບຈາກຝ່າຍທີ່ກ່ຽວຂ້ອງວ່າ, ສະພາບໄຂ້ຫວັດສັດປີກ H5N1 ທີ່ປະກົດເຫັນຢູ່ຟາມລ້ຽງສັດແຫ່ງໜຶ່ງຂອງເຂດມົງໂກໄນປົກຄອງຕົນເອງ ທີ່ຕັ້ງຢູ່ພາກເໜືອຂອງຈີນນັ້ນ ໄດ້ຮັບການຄວບຄຸມຢ່າງບັງເກີດຜົນແລ້ວ,ປະຈຸບັນ ບໍ່ໄດ້ປະກົດເຫັນຄົນຕິດເຊື້ອໄຂ້ຫວັດສັດປີກ.
ຕາມແນະນຳວ່າ,ພາຍຫຼັງໄດ້ຮັບການລາຍງານສະພາບໄຂ້ຫວັດສັດປີກແລ້ວ,ກະຊວງກະສິກຳຈີນໄດ້ແຕ່ງໜ່ວຍງານໄປໃນທັນທີ,ຊີ້ນຳທ້ອງຖິ່ນດັ່ງກ່າວດຳເນີນວຽກງານປ້ອງກັນແລະຄວບຄຸມ.ອົງການປົກຄອງທ້ອງຖິ່ນໄດ້ປະຕິບັດຕາມຂໍ້ກຳນົດທີ່ກ່ຽວຂ້ອງຂອງລັດຈີນ,ຈັດຕັ້ງພາກສ່ວນກະສິກຳແລະພາກສ່ວນສາທາລະນະສຸກເປັນຕົ້ນ ໃຊ້ມາດຕະການປ້ອງກັນແລະຄວບຄຸມຢ່າງຫຼວງຫຼາຍ ເຊັ່ນສັກຢາປ້ອງກັນພະຍາດໂດຍດ່ວນ ປິດລ້ອມ ຂ້າສັດແລະດັບເຊື້ອເປັນຕົ້ນ.
|
|
|
