|
ທ່ານຜູ້ຝັງທີ່ໂຄລົບ,ປັກກິ່ງແມ່ນນະຄອນຫລວງຂອງຈີນ,ບໍ່ພຽນແຕ່ແມ່ນໃຈກາງການເມືອງວັດທະນະທຳຂອງຈີນ,ພ້ອມກັນນັ້ນຍັງເປັນເມືອງອາຫານແຊບ,ຮວບໂຮມອາຫານແຊບແຫ່ງຕ່າງໆໃນໂລກ,ຢູ່ຕາມສອງຝາກຖະຫນົນແລະເສັ້ນນ້ອຍເສັ້ນໃຫຍ່ໃນປັກກິ່ງມີຮ້ານອາຫານຕ່າງປະເທດທີ່ມີເອກະລັດເປັນຈຳນວນຫລາຍ.ໃນລາຍການ"ວັດທະນະທຳຈີນ"ເທື່ອນີ້,ພວກເຮົາຈະແນະນຳວັດທະນະທຳອາຫານຕ່າງປະເທດຫລາຍສີຫລາຍສັນຢູ່ນະຄອນຫລວງປັກກິ່ງສູ່ທ່ານຟັງ.
ຮ້ານອາຫານມົດສະກູຕັ້ງຢູ່ເຂດຕາເວັນຕົກຂອງຫໍວາງສະແດງປັກກິ່ງ,ເລີ່ມທຸລະກິດໃນປີ1954,ພັດທະຄານຮູບລັດເຊຍທີ່ທັງສູງທັງໃຫຍ່ແລະອາຫານພະລາຊະວັງລັດເຊຍມີສີສັນພິເສດຕ່າງຫມູ່ຕ່າງເພິ່ນໃນຂະແຫນງການອາຫານຂອງປັກກິ່ງ,ໃນເວລານັ້ນ,ຄົນຖືກິນອາຫານຢູ່ແຫ່ງນີ້ເປັນເລື້ອງນິຍົມ.ມີຄົນຂຽນບົດວ່າ:ຮ້ານອາຫານມົດສະກູແມ່ນແຫ່ງຫນຶ່ງທີ່ເຮັດໃຫ້ຄົນຝັກໃຝ່ໃນຊຸມປີ50ແລະ60ຂອງສະຕະວັດທີ່ແລ້ວ,ເຮັດໃຫ້ຄົນຫວນຄຶດຫາລົດແຊບໃນຊຸມປີ70ຂອງສະຕະວັດທີ່ແລ້ວ,ເຮັດໃຫ້ຄົນຫວນຄຶດໃນຊຸມປີ80ສະຕະວັດທີ່ແລ້ວ.ດຽວນີ້,ແຫ່ງນີ້ກໍ່ຄ້າຍຄືກັນກັບອະນຸສາວະລີຂອງຍຸກຫນຶ່ງ,ຄົນກິນອາຫານຢູ່ແຫ່ງນີ້ຄືຈັ່ງວ່າແມ່ນເພື່ອຫວນຄຶດເຖິງປະຫວັດສາດ.
ຮ້ານອາຫານກຽບປັກກິ່ງທີ່ຈະເລີນໃຫມ່ກໍມີຊື່ມີສຽງໂດຍຄິດເຖິງສະໄຫມເກົ່າຄືກັນ,ເຖິງວ່າຕັ້ງຢູ່ຮ່ອມທາງນ້ອຍ,ແຕ່ເມື່ອຮອດຕອນຄ່ຳມື້ໃດກໍແຕມໄປດ້ວຍຜູ່ບໍລິໂພກ,ຍ້ອນວ່າມີນັກສະແດງກຽດຕິຍົດອູແກຼມຮ້ອງເພງຢ່າງຈູບຈ້າວຢູ່ນີ້.
ຢູ່ຫ້ອງອາຫານທີ່ກວ້າງຂວາງຂອງຮ້ານອາຫານກຽບຈົນບໍ່ມີບ່ອນນັ່ງເປົ່າຫວ່າງ,ບັນຍາກາດຟົດຟື້ນທີ່ສຸດ.ທ່ານຍິງຜູ້ມີອາຍຸ50ກວ່າປີຫມູ່ຫນຶ່ງພວມຮ້ອງເພງກັບນັກສະແດງ,ກອດຊົມກັນແລະຖ່າຍຮູບນຳກັນ.ນັກຂ່າວໄດ້ສຳພາດແຂກໂຕະນີ້,ພວກເຂົາລ້ວນແຕ່ຮຽນພາສາລັດເຊຍໃນໂຮງຮຽນມັດທະຍົມປາຍ,ຫລັງຈາກໄດ້ສຳເລັດການຮຽນມັດທະຍົມປາຍ40ປີແລ້ວ,ກໍຕັ້ງເລືອກເອົາຮ້ານອາຫານກຽບນີ້ມາຈັດງານຊຸມນຸມມິດຕິງເປັນພິເສດ,ເພາະວ່າ,ບັນຍາກາດຢູ່ແຫ່ງນີ້ແມ່ນຕາມໃຈ,ສ່ວນເພງທີ່ນັກສະແດງຮ້ອງນັ້ນແມ່ນເພງທີ່ພວກເຂົາມັກຟັງໃນ40ປີກ່ອນ.ທ່ານນາງຊຸຍເອ້ຊິນເຮັດວຽກຢູ່ອາເມລິກາ,ມາຊຸມນຸມກັນຢູ່ຮ້ານອາຫານກຽບປັກກິ່ງ,ເພິ່ນມີຄວາມຮູ້ສຶກຫລາຍ,ທ່ານນາງກ່າວວ່າ:
"ພວກເຮົາແມ່ນເຕີບໃຫຍ່ຂຶ້ນໃນທ່າມກາງສຽງເພງນີ້.ສະນັ້ນພວກເຮົາມາແຫ່ງນີ້ຫວນຄຶດຊີວິດໂຮງຮຽນມັດທະຍົມໃນສະໄຫມນັ້ນ."
ຮ້ານອາຫານມັຄ໌ຊິມແມ່ນຮ້ານອາຫານຝະລັ່ງທີ່ຄົນປັກກິ່ງຮູ້ຈັກ,ຖືກຖືເປັນສັນຍາລັກແຫ່ງຄຼາຊິກແລະຄວາມສຸພາບສວຍງາມຂອງອາຫານຝະລັ່ງ.ຮ້ານອາຫານມັຄ໌ຊິມເປັນຮ້ານອາຫານຊັ້ນສູງທີ່ມີຊຶ່ສຽງແຫ່ງຫນຶ່ງໃນໂລກ,ໄດ້ມີປະຫວັດຮ້ອຍກວ່າປີແລ້ວ,ດຽວນີ້,ເຖົ້າແກ່ຂອງຮ້ານອາຫານແຫ່ງນີ້ແມ່ນທ່ານເພຍ ຄາດິນ ຊ່າງອອກແບບເຄື່ອງນຸ່ງທີ່ມີຊື່ສຽງດົງດັງ.ຮ້ານມັຄ໌ຊິມຂອງປັກກິ່ງເລີ່ມທຸລະກິດໃນປີ1983,ແມ່ນຮ້ານອາຫານຝະລັ່ງຊັ້ນສູງແຫ່ງທຳອິດຢູ່ປັກກິ່ງຫລັງຈາກຈີນປະຕິຮູບໄຂປະຕູສູ່ພາຍນອກ.ເຄື່ອງປະດັບເອ້ໃນຮ້ານລ້ວນແຕ່ແມ່ນຜະລິດຕະພັນຝະລັ່ງ,ເຄື່ອງຄວັດແກະໄມ້ຫມາກຄາຍແລະແບບເຄືອຄຳຢູ່ເທິງຝາ,ໂຄມແຂວນແບບບູຮານ,ຮູບແຕ້ມຝາຜະຫນັງປະດັບເອ້ທີ່ແຕ້ມຕາມວັງລູເວີແລະແກ້ວປ່ອງຢ້ຽມທີ່ມີຫລາຍສີ,ເຮັດໃຫ້ຄົນຮູ້ສຶກວ່າຢູ່ໃນພະລາຊະວັງຝະລັ່ງໃນສະຕະວັດ19.ຕາມເວົ້າກັນວ່າ,ຖ່າຍຮູບຢູ່ໃນຮ້ານອາຫານບໍ່ວ່າຈະຖ່າຍແຈໃດລ້ວນແຕ່ຄືກັນກັບຖ່າຍຮູບໃນຮ້ານມັຄ໌ຊິມຂອງປາຣີ.ທ່ານເຮີ້ກວາງອີນ ຜູ້ອຳນວຍການຂອງຮ້ານອາຫານແນະນຳວ່າ:
"ບໍ່ວ່າສັງຄົມຈະປ່ຽນແປງແນວໃດ,ພວກຂ້າພະເຈົ້າກໍມີວັດຖຸປະສົງຂອງຕົນ,ນັ້ນກໍ່ແມ່ນປຸງແຕ່ງອາຫານຝຣັ່ງໃຫ້ອ້ອຍຕ້ອຍຄືຂອງຝຣັ່ງ,ບໍ່ວ່າແມ່ນຄົນຝຣັ່ງຫຼືວ່າແມ່ນຄົນຈີນ,ຜູ້ໃດມາກໍສາມາດກິນອາຫານຝຣັ່ງໄດ້,ບໍ່ຕ້ອງອອກຈາກຈີນກໍ່ສາມາດກິນອາຫານຝຣັ່ງອ້ອຍຕ້ອຍໄດ້ແມ່ນແທ້.ຮ້ານອາຫານຕ່າງໆມີເອກະລັກຂອງຕົນ,ແຕ່ຮ້ານຂອງຂ້າພະເຈົ້າໄດ້ຮັກສາມູນເຊື້ອໃຫ້ແຂກມີຄວາມຮູ້ສຶກໂລມັງຕິກແລະສະຫວາດສະເຫວີຍ."
ຕາມແນະນຳວ່າ,ໃນໄລຍະຕົ້ນຂອງຮ້ານມັກຊິມ,ແຂກ 70% ແມ່ນຄົນຕ່າງປະເທດ,ດຽວນີ້ ພັດມີ 70% ແມ່ນຄົນຈີນ,ແຕ່ວ່າ ຍ້ອນລາຄາຂ້ອນຂ້າງແພງ,ແຂກສ່ວນຫຼາຍແມ່ນນັກທຸລະກິດທີ່ເກັ່ງ.ເມື່ອທຽບໃສ່ກັນແລ້ວ,ບໍລິສັດປາຍວ້ານຈ້ວງຢວນ ເຊິ່ງເປັນອາຫານຝຣັ່ງທີ່ລາຄາຖືກຂັ້ນ,ແມ່ນອາຫານທີ່ມະຫາຊົນຮູ້ຈັກແລະຮັບຮອງເອົາໄດ້ຫຼາຍກວ່າ.ໃນສິບປີມານີ້,ໃນລົດໄຟໃຕ້ດິນ ຮ້ານຄ້າແລະຮ້ານກິນດື່ມ,ຈະເຫັນຮານເບີກແລະເຂົ້າຈີ່ເຊັນວິດຢູ່ທຸກແຫ່ງທຸກທົນ.ປີ 1998,ບໍລິສັດປາຍວ້ານຈ້ວງຢວນເລີ່ມທຸລະກິດຮ້ານອາຫານຝຣັ່ງ"ອາຫານຮອບໂລກ"ຫຼາຍຮ້ານ,ປະຈຸບັນ ໄດ້ມີສາຂາ 16 ແຫ່ງແລ້ວ,ຮ້ານດັ່ງກ່າວວາງແຜນຈະເປີດສາຂາ 77 ແຫ່ງເມື່ອຮອດປີ 2008.ທ່ານເສີນລີ້ຊູນ ຜູ້ອຳນວຍການໃຫຍ່ບໍລິສັດປາຍວ້ານຈ້ວງຢວນແນະນຳວ່າ:
"ການຂາຍອາຫານຝຣັ່ງຈະມີແຕ່ກິນບໍ່ໄດ້,ຂ້າພະເຈົ້າຮູ້ສຶກວ່າ ຕ້ອງປະສານສົມທົບກັບວັດທະນະທຳ.ພວກຂ້າພະເຈົ້າແມ່ນເຮັດ"ອາຫານຮອບໂລກ",ໝາຍຄວາມວ່າອາຫານແຊບໃນທົ່ວໂລກ,ຄັນຊັ້ນ ການປະດັບປະດາຂອງພວກຂ້າພະເຈົ້າກໍຕ້ອງປະສານນິຍາມທົ່ວໂລກ,ເພາະສະນັ້ນ ສາຂາແຫ່ງຕ່າງໆຂອງພວກຂ້າພະເຈົ້າມີຫົວຂໍ້ຕ່າງກັນ,ໄດ້ສະແດງໃຫ້ເຫັນວັດທະນະທຳຂອງທົ່ວໂລກໃນແຕ່ລະສາຂາ."
ໃນຫຼາຍປີມານີ້,ອາຫານຍີ່ປຸ່ນແລະອາຫານປີ້ງຂອງສ.ເກົາຫຼີໄດ້ເຫີ່ກັນຢູ່ນະຄອນປັກກິ່ງ.ຢູ່ເຂດຊາວຢາງ ພາກຕາເວັນອອກຂອງນະຄອນປັກກິ່ງ,ຢູ່ຖະໜົນເສັ້ນຫນຶ່ງຍາວບໍ່ຮອດ 6 ກິໂລແມັດ,ກໍມີຮ້ານອາຫານຍີ່ປຸ່ນຫລາຍສິບແຫ່ງ,ຢູ່ທົ່ວນະຄອນຫລວງປັກກິ່ງມີຮ້ານອາຫານຍີ່ປຸ່ນ 200 ກວ່າແຫ່ງ.ປະຊາຊົນມັກກິນອາຫານຍີ່ປຸ່ນ,ບໍ່ພຽງແຕ່ແມ່ນຍ້ອນອາຫານຍີ່ປຸ່ນມີລົດຊາດຄ້າຍຄືກັນກັບອາຫານຈີນທໍ່ນັ້ນ,ຄົນສ່ວນຫຼາຍຍັງມັກການປະດັບເອ້ຢູ່ໃນຮ້ານອາຫານຍີ່ປຸ່ນມີບັນຍາກາດສຸພາບ.ສ່ວນຮ້ານອາຫານປີ້ງຂອງສ.ເກົາຫຼີພັດມີບັນຍາກາດອົບອຸ່ນແລະຟົດຟື້ນ,ເໝາະກັບນິດໄສມັກຟົດຟື້ນຂອງຄົນຈີນ.ເຊັ່ນ,ຮ້ານອາຫານປີ້ງຮານນາຊັນໄດ້ຕັ້ງສາຂາສິບກວ່າແຫ່ງຢູ່ປັກກິ່ງແລ້ວ,ແຕ່ລະສາຂາມີແຂກຫຼາຍຈົນເຕັມເຮືອນເຕັມທັງທຸກມື້.
ນອກນີ້,ອາຫານຕ່າງປະເທດຢູ່ປັກກິ່ງຄືແອສປາຍ ແມກຊິກ ອິນເດຍ ໄທ ຫວຽດນາມແລະອີຕາລີເປັນຕົ້ນ,ກໍລ້ວນແຕ່ມີເອກະລັກຂອງໃຜລາວ.
ປະຈຸບັນ,ຮ້ານອາຫານຕ່າງປະເທດຊະນິດຕ່າງໆຢູ່ປັກກິ່ງມີ 1300 ກວ່າແຫ່ງ,ໄດ້ກວມເອກະລັກພິເສດຂອງອາຫານແຫ່ງຕ່າງໆທົ່ວໂລກ.
|
