|
|
 |
| (GMT+08:00)
2005-10-24 09:56:23
|
 |
|
ຢູ່ໄທໄດ້ມີຜູ້ຖືກສົງໄສຕິດເຊື້ອໂຣກໄຂ້ຫວັດສັດປີກ
cri
Author: li
ຕາມຂ່າວສານຊິນຮວາ: ພາຍຫຼັງຜູ້ຊາຍໄວກາງຜູ້ໜຶ່ງຢູ່ຈັງຫວັດການຈະນະບຸລີຂອງໄທຕາຍຍ້ອນເປັນພະຍາດໄຂ້ຫວັດສັດປີກແລ້ວ,ວັນທີ 23 ຕຸລາ ຢູ່ເຂດດັ່ງກ່າວໄດ້ມີອີກຜູ້ໜຶ່ງຖືກສົງໄສຕິດເຊື້ອໂຣກໄຂ້ຫວັດສັດປີກ.
ວັນທີ 23 ຕຸລາ ເຈົ້າໜ້າທີ່ສາທາລະນະສຸກຂອງຈັງຫວັດການຈະນະບຸລີເວົ້າວ່າ,ຜູ້ຖືກສົງໄສຕິດເຊື້ອໂຣກໄຂ້ຫວັດສັດປີກທີ່ປະກົດເຫັນໃໝ່ແມ່ນຢູ່ບ້ານດຽວກັບຜູ້ຊາຍທີ່ຕາຍຜູ້ນັ້ນໃນຫຼາຍມື້ກ່ອນ. ໂຮງໝໍແຫ່ງໜຶ່ງຂອງຈັງຫວັດດັ່ງກ່າວພວມກັກກັ້ນສັງກວດຜູ້ນີ້,ບໍ່ດົນກໍຈະປະກາດຜົນກວດກາ.
ນອກນີ້ ຢູ່ພາກກາງຂອງໄທ,ວັນທີ 23 ຕຸລາ ກຳມະກອນກໍ່ສ້າງຫຼາຍສິບຄົນກໍໄດ້ຖືກກັກກັ້ນໝົດທຸກຄົນຢູ່ໂຮງໝໍຍ້ອນໄດ້ກິນໄກ່ຕາຍທີ່ເປັນຕາສົງໄສ.
ຕາມຊາບວ່າ,ວັນທີ 23 ຕຸລາ ກະຊວງກະເສດແລະສະຫະກອນໄທໄດ້ປະກາດຄຳສັ່ງລັດຖະມົນຕີສອງຂໍ້,ທວງໃຫ້ຄວບຄຸມການຂະຫຍາຍຕົວຂອງພະຍາດໄຂ້ຫວັດສັດປີກຢ່າງເຄັ່ງຄັດພາຍໃນ 21 ຈັງຫວັດຂອງໄທ,ເນື້ອໃນລະອຽດລວມທັງການດັບເຊື້ອຢ່າງເຄັ່ງຄັດພາຍໃນລັດສະໝີ 10 ກິໂລແມັດຂອງເຂດເກີດພະຍາດ.
|
|
|
