|
|
 |
| (GMT+08:00)
2005-10-24 15:45:58
|
 |
|
ອ່ານຈົດໝາຍຜູ້ຟັງວັນທີ21ຕຸລາ(ສຽງ)
cri
|
ສະບາຍດີທ່ານຜູ້ຟັງທີ່ໂຄລົບ, ຕໍ່ໄປແມ່ນໂມງອ່ານຈົດໝາຍຜູ້ຟັງ.
ຫວ່າງກ່ອນນີ້ບໍ່ດົນ, ພວກເຮົາໄດ້ຮັບອີແມວຈາກນ້ອງສຳພັດ ເພັງສະຫວັດ ທີ່ບ້ານເມືອງງາເມືອງແລະແຂວງຫຼວງພະບາງ. ໃນຈົດໝາຍຂອງນ້ອງສຳພັດ, ໄດ້ເລົ່າເລື່ອງຕ່າງໆກ່ຽວກັບການທີ່ນ້ອງຮັບຟັງວິທະຍຸສາກົນແຫ່ງປະເທດຈີນພວກເຮົາ, ຕໍ່ໄປ, ໃຫ້ພວກເຮົາພ້ອມກັນມາສຳຜັດຄວາມຮູ້ສຶກຂອງນ້ອງສຳພັດໃນການຮັບຟັງວິທະຍຸພວກເຮົາ.
ນ້ອງສຳພັດເປັນມິດລາຍການຜູ້ໜຶ່ງທີ່ຮັບຟັງສຽງທີ່ມີສາລະໜ້າຮູ້ຂອງພວກອ້າຍເອື້ອຍສະເໝີມາ, ເຖິງແມ່ນວ່າບາງຄັ້ງນ້ອງເປັນໄຂ້ກໍຕາມ.
ແຕ່ພວກອ້າຍເອື້ອຍຊິຮູ້ບໍ່ວ່າ, ເມື່ອຕອນພວກອ້າຍເອື້ອຍກຳລັງອວຍພອນວັນຄ້າຍວັນເກີດແກ່ນ້ອງໃນລາຍການຂົວອາກາດນັ້ນ, ກໍຄືຕອນນັ້ນແຫຼະທີ່ນ້ອງກຳລັງເປັນໄຂ້ແລະບໍ່ສະບາຍຫຼາຍ, ແຕ່ເມື່ອໄດ້ຟັງຄຳອວຍພອນຈາກລາຍການຂົວອາກາດຂອງວິທະຍຸສາກົນແຫ່ງປະເທດຈີນກໍຄືສຽງຂອງພວກອ້າຍເອື້ອຍນັ້ນ, ໄດ້ຊ່ອຍໃຫ້ກຳລັງໃຈແກ່ນ້ອງເຊິ່ງມັນເຮັດໃຫ້ນ້ອງຮູ້ສຶກຄອຍໆມີແຮງຂຶ້ນມາເໝືອນກັບຄຳກອນບາດນີ້:
ກຳລັງໃຈ ໄດ້ມາ ຄືຢາປົວຄົນໄຂ້
ໃຫ້ເດີນໄດ້ ແລ່ນໄປ ດັ່ງໃຈຫວັງ
ກຳລັງໃຈ ຫັ້ນແຫຼະ ຄືພະລັງ
ຊ່ອຍສ້າງຝັນ ວັນຂ້າງໜ້າຂອງຂ້າໃຫ້ເປັນຈິງ
ຂອບໃຈນ້ອງສຳພັດທີ່ໄດ້ຕີລາຄາລາຍການວິທະຍຸພວກເຮົາຄືແນວນີ້, ພ້ອມນີ້, ພວກເຮົາກໍດີໃຈທີ່ສຸດທີ່ລາຍການວິທະຍຸພວກເຮົາໄດ້ໃຫ້ກຳລັງໃຈແກ່ນ້ອງສຳພັດ, ພວກເຣົາກໍຫວັງວ່າລາຍການຂອງພວກເຮົາຈະເປັນປະໂຫຍດດ້ານໃດດ້ານໜຶ່ງແກ່ຜູ້ຟັງທັງຫຼາຍ.
ໃນອີແມວສະບັບນີ້, ນ້ອງສຳພັດຍັງໄດ້ຕອບລາຍການເສັງຄວາມຮູ້ກ່ຽວກັບໄຕ້ຫວັນ-ເກາະປະເສີດຂອງຈີນ, ແລະໄດ້ຂຽນຄວາມຮູ້ສຶກຂອງຕົນກ່ຽວກັບເກາະໄຕ້ຫວັນມາພ້ອມ. ຕໍ່ໄປ ພວກເຮົາພ້ອມກັນມາຟັງວ່າ, ໄຕ້ຫວັນ-ເກາະປະເສີດຂອງຈີນໃນສາຍຕາຂອງນ້ອງສຳພັດຈະເປັນແນວໃດແດ່:
ໄຕ້ຫວັນແມ່ນເກາະທີ່ສວຍງາມຫຼາຍທີ່ໂອບລ້ອມໄປດ້ວຍທະເລແລະທ້ອງຟ້າສີຄວາມອັນງາມສະງ່າແລະອຸດົມສົມບູນໄປດ້ວຍຊັບພະຍາກອນອັນລ້ຳຄ່າທີ່ຫາໄດ້ຕາມທະເລແລະບົນພື້ນແຜ່ນດິນຂອງໄຕ້ຫວັນທີ່ມີມາຊ້ານານຈົນເກີນກວ່າຈະພັນລະນາໄດ້ ເຊິ່ງມັນສະແດງເຖິງຄວາມສວຍງາມຮັ່ງມີຂອງໄຕ້ຫວັນ-ເກາະປະເສີດຂອງຈີນແຫ່ງນີ້. ສຳລັບຄວາມຮູ້ສຶກຂ້າງໃນຂອງປວງຊົນໄຕ້ຫວັນແລ້ວ, ຍາມໃດກໍຄົງຢາກເຫັນຄວາມເຂົ້າອົກເຂົ້າໃຈກັນລະຫວ່າງເຈົ້າໜ້າທີ່ໄຕ້ຫວັນກັບແຜ່ນດິນໃຫຍ່ ເຊິ່ງມັນເປັນຕົ້ນກຳເນີດແຫ່ງບັນພະບູລຸດແລະຄົງບໍ່ມີວັນຈະຕັດອອກຈາກກັນໄດ້. ເຖິງໃນປະຈຸບັນນີ້ອາດມີເລື່ອງທີ່ບໍ່ເຂົ້າໃຈກັນກໍຕາມ, ແຕ່ວັນໜຶ່ງຂ້າງໜ້າຖ້າປະຊາຊົນສອງກ້ຳຫາກປາຖະໜາອັນແຮງກ້າຢູ່ເຊັ່ນນັ້ນ, ກໍຄົງຕ້ອງມີຜົນສຳເລັດໃນວັນໃດວັນໜຶ່ງຂ້າງໜ້າຢ່າງທ່ຽງແທ້ແນ່ນອນ. ນ້ອງເອງຍາມໃດກໍຢາກເຫັນລະຫວ່າງສອງກ້ຳສອງຝ່າຍເຂົ້າເປັນອັນໜຶ່ງອັນດຽວກັນບົນຫຼັກການພື້ນຖານຂອງລັດຖະບານຈີນທີ່ວ່າ: ໂຮມເຂົ້າເປັນເອກະພາບກັນໂດຍສັນຕິ, ປະເທດດຽວສອງລະບອບ.
ເອົາລະທ່ານຜູ້ຟັງທີ່ໂຄລົບ, ລາຍການໂມງອ່ານຈົດໝາຍຂອງພວກເຮົາພາກນີ້ຂໍຈົບລົງພຽງເທົ່ານີ້, ຂອບໃຈທ່ານທີ່ຮັບຟັງ, ສະບາຍດີ.
|
|
|
