|
ທ່ານຜູ້ຟັງທີ່ໂຄລົບ,ຊົມເຊີຍທ່ານຮັບຟັງ ລາຍການວັດທະນະທຳຈີນ.ເຜົ່າຕິເບດທີ່ດຳລົງຊີວິດຢູ່ພູພຽງຊິງໄຮຕິເບດທີ່ຢູ່ພາກຕາເວັດຕົກຂອງຈີນແມ່ນຊົນເຜົ່າສ່ວນຫນ້ອຍເຜົ່າຫນຶ່ງທີ່ຊ່າງຟ້ອນລຳທຳເພງ,ໃນຄະນະສິລະປະວັນນະຄະດີຂອງເຂດຕິເບດປົກຄອງຕົນເອງຂອງຈີນ,ມີນັກຮຽບຮຽງການຟ້ອນງວດຫນຶ່ງທີ່ສືບທອດແລະຂະຫຍາຍສິລະປະການຟ້ອນຂອງເຜົ່າຕິເບດ.ໃນລາຍການມື້ນີ້,ຂ້າພະເຈົ້າຈະແນະນຳຜູ້ຫນຶ່ງໃນຄົນເຫລົ່ານີ້ຄືນາງພູບູໂຈມາ ນັກຮຽບຮຽງການຟ້ອນໄວຫນຸ່ນຂອງຄະນະສິລະປະກຳຕິເບດ.
ໃນເວລານັກຂ່າວສຳພາດນາງພູບູໂຈມາ,ແມ່ນວັນພັກພໍດີ, ນາງໄດ້ນຸ່ງຊຸດທຳມະນາ,ຍ້ອນໄດ້ເຮັດວຽກງານດ້ານສິລະປະການຟ້ອນເປັນເວລາຍາວນານ,ເຖິງວ່າມີອາຍຸເມືອບ40ປີ,ແລ້ວກໍ່ຕາມ,ແຕ່ນາງຍັງຄົງໄດ້ຮັກສາຮ່າງຄີງອັນພຽວຍາວ,ໄດ້ມັດຜົມດຳເປັນເກົ້າຜົມ,ຮູ້ສຶກວ່າສຸພາບຮຽບຮ້ອຍທີ່ສຸດ.
ນາງພູບູໂຈມາມັກຟ້ອນລຳທຳເພງມາແຕ່ນ້ອຍ,ໃນທ້າຍຊຸມປີ70 ສະຕະວັດແລ້ວນີ້,ຄະນະສິລະປະກຳເຂດຕິເບດໄດ້ປະກວດນັກຟ້ອນຢູ່ເມືອງລາຊາ,ນາງພູບູໂຈມາທີ່ອາຍຸ11ປີໄດ້ເຂົ້າຮ່ວມການປະກວດເທື່ອນີ້ລອງເບິ່ງ,ໃນທີ່ສຸດ,ຜູ້ຊ່ຽວຊານຖືກໃຈນຳຄຸນທາດພື້ນຖານຂອງນາງຫລາຍ,ນາງແລະເພື່ອນຮຽນຫລາຍຄົນທີ່ໄດ້ຜ່ານການປະກວດເລີຍຖືກສົ່ງມາຮຽນວິຊາສະເພາະເປັນ5ປີຢູ່ສະຖາບັນການຟ້ອນປັກກິ່ງ, ເຊິ່ງເປັນສະຖາບັນສູງສຸດດ້ານສິລະປະການຟ້ອນຂອງຈີນ.20ກວ່າປີຜ່ານໄປແລ້ວ,ໃນເວລາລົມກັນເຖິງຊີວິດການຮຽນຕອນນີ້, ນາງພູບູໂຈມາຍັງຕື້ນຕັນໃຈທີ່ສຸດ.ທ່ານນາງເວົ້າວ່າ,
"ຊີວິດຫ້າປີຢູ່ປັກກິ່ງແມ່ນຂ້ອຍລືມຍາກທີ່ສຸດ,ໃນຫ້ອງຮຽນຂອງພວກເຮົາມີນັກຮຽນເຜົ່າຕິເບດແລະກໍມີນັກຮຽນເຜົ່າຮ້ານ,ການພົວພັນລະຫວ່າງພວກເຮົາແມ່ນດີທີ່ສຸດ,ຮອດປະຈຸບັນມີເພື່ອນຮຽນຫລາຍຄົນຍັງຕິດຕໍ່ກັນຢູ່.ອາຈານເອົາໃຈໃສ່ນຳພວກເຮົຫລາຍ,ຍັງສອນພວກເຮົານອກໂຮງຮຽນເລື້ອຍໆ.ສຸດທ້າຍ,ໃນເວລາຮຽນຈົບ,ຄະແນນຂອງພວກເຮົາລ້ວນແຕ່ແມ່ນດີທີ່ສຸດ."
ຜ່ານການເຝິກຫັດວິຊາສະເພາະຫ້າປີ,ນາງພູບູໂຈມາກໍໄດ້ຮຽນຈົບດ້ວຍຄະແນນອັນດີເດັ່ນ,ແລະກັບເມືອຮອດບ້ານເກີດເມືອງນອນ,ດຳລົງຕຳແຫນ່ງເປັນນັກຟ້ອນໃນຄະນະສິລະປະກຳເຂດຕິເບດ.ຍ້ອນມີພື້ນຖານອັນແຫນ້ນແລະໄດ້ພະຍາຍາມຢ່າງບໍ່ລົດລະ,ນາງໄດ້ກາຍເປັນນັກສະແດງຫລັກແຫລ່ງຂອງຄະນະສິລະປະກຳເຂດຕິເບດຢ່າງໄວວາ.ແຕ່ປີ1991ເປັນຕົ້ນມາ,ໃນນາມເປັນນັກຟ້ອນສຳຄັນຂອງຄະນະສິລະປະກຳເຂດຕິເບດ, ນາງໄດ້ໄປສະແດງຢູ່ຫລາຍປະເທດຄືອາເມລິກາ,ການາດາ,ດານມາກ,ຊູແອັດ,ແບນຊິກ,ລຸກຊຳບວກແລະສິງກະໂປເປັນຕົ້ນຢ່າງເປັນລຳດັບ,ໄດ້ສະແດງລະບຳຕິເບດທີ່ອຸດົມສົມບູນຢູ່ຕໍ່ຫນ້າຜູ້ຊົມບັນດາປະເທດ.ໃນເວລາກ່າວເຖິງການສະແດງເຫລົ່ານີ້, ນາງເວົ້າວ່າ:
"ໃນຜູ້ຊົມມີພີ່ນ້ອງຮ່ວມຊາດເຜົ່າຕິເບດຈຳນວນຫນຶ່ງທີ່ອາໄສຢູ່ຕ່າງປະເທດ,ທຳອິດ,ພວກເຂົ້າເຈົ້າບໍ່ເຂົ້າໃຈ,ແຕ່ຫລັງຈາກພວກເຂົາເຈົ້າເບິ່ງການສະແດງແລ້ວໆ,ຫລາຍໆຄົນເວົ້າວ່າ,ລາຍການສະແດງດີຫລາຍ,ນັກສະແດງກໍ່ດີຫລາຍ,ໄດ້ຫັນລະບຳອັນມີມູນເຊື້ອຈຳນວນຫນຶ່ງຂອງຕີເບດຢ່າງແທ້ຈິງ.
ປີ1997,ຄະນະສິລະປະກຳເຂດຕິເບດຕ້ອງການບຳລົງສ້າງນັກຮຽບຮຽງຂອງເຜົ່າຕີເບດຈຳນວນຫນຶ່ງ,ໃນທີ່ສຸດ, ນາງພູບູໂຈມາທີ່ເປັນນັກຟ້ອນມາຫລາຍປີກໍໄດ້ເລືອກວຽກງານໃຫມ່ດັ່ງກ່າວນີ້. ນາງເວົ້າວ່າ,
"ຂ້ອຍຮູ້ສຶກມີຫນ້າທີ່ຮັບຜິດຊອບຊະນິດຫນຶ່ງ,ຄືຄວາມຈົດຈໍ່ຕໍ່ລະບຳເຜົ່າຕີເບດ.ຂ້ອຍເຫັນວ່າຕົນເອງມີຫນ້າທີ່ຮັບຜິດຊອບຫາບແບກຫນ້າທີ່ລາຍນີ້ປະດິດຄິດ,ແຕ່ງການຟ້ອນເຜົ່າຕີເບດທີ່ດີກວ່າເກົ່າໃຫ້ນັກຟ້ອນໄວຫນຸ່ນກວ່າງວດຫນຶ່ງ."
ປີ1997, ນາງພູບູໂຈມາມາຮອດສະຖາບັນການຟ້ອນປັກກິ່ງເປັນເທື່ອທີສາມເທື່ອນີ້, ນາງແມ່ນມາຮຽນວິຊາຮຽບຮຽງແລະກຳກັບການຟ້ອນໂດຍຈຳເພາະ.ໃນເວລາຫວາງ,ນອກໂຮງຮຽນ, ນາງໄດ້ສະຫມັກຊື່ສຽນຫຼັກສູດການຟ້ອນຢູ່ສະຖາບັນການຟ້ອນດ້ວຍທຶນຕົງເອງ,ແລະໄດ້ຮັບໃບຢັ້ງຢືນຄຸນວຸດທິເປັນຄູສອນການຟ້ອນຢ່າງສະດວກ.ປີ2001, ນາງພູບູໂຈມາໄດ້ສ້າງໂຮງຮຽນການຟ້ອນສະຫມັກຫລິ້ນສຳລັບເດັກນ້ອຍແຫ່ງທຳອິດຂອງຕີເບດ,ນາງໄດ້ແຕ່ງຫລັກສູດການຟ້ອນສຳລັບເດັກນ້ອຍທີ່ມີຄວາມມ່ວນຊື້ນຂອງເດັກນ້ອຍແລະມີສີສັນພິເສດຂອງລະບຳເຜົ່າຕີເບດ,ເຮັດໃຫ້ເດັກນ້ອຍ ເຍົາວະຊົນເຜົ່າຕີເບດທີ່ທຳມະດາສຳມັນຫລາຍໆຄົນໄດ້ມີໂດກາດຮັບການສືກສາວິຊາສະເພາະການຟ້ອນ.
ເມື່ອເວົ້າເຖິງວຽກງານຊີ້ນຳການຟ້ອນໃນຫລາຍປີມານີ້, ນາງພູບູໂຈມາເຫັນວ່າ,ວຽກງານຊີ້ນຳການຟ້ອນເຜົ່າຕີເບດຕ້ອງການລົງເລິກເຂົ້າໃນຊີວິດການເປັນຢູ່ຂອງປະຊາຊົນເຜົ່າຕີເບດຢ່າງຕິດແທດຕົວຈິງ,ສັງເກດເບິ່ງການຟ້ອນອັນເປັນມູນເຊື້ອແມ່ນຈໍ່ຕົວຂຶ້ນ,ເຜີຍແຜ່ແລະຂະຫຍາຍຕົວແນວໃດໃນທ້ອງຖິ່ນຕ່າງໆ. ນາງເວົ້າວ່າ,
ພວກເຮົາຕ້ອງຂຸດຄົ້ນແລະຮັກສາສິລະປະການຟ້ອນອັນເປັນມູນເຊື້ອຢ່າງຄົບຖ້ວນ,ແຕ່ການຟ້ອນທີ່ສະແດງຢູ່ເທິງເວທີສະແດງບໍ່ຄວນເປັນແບບຕາຍຕົວ,ຄວນມີການພັດທະນາຢ່າງແນ່ນອນ.ຂໍກະແຈແມ່ນພວກເຮົາຕ້ອງກຳວິທີພັດທະນາໃຫ້ດີ,ຖ້າບໍ່ດັ່ງນັ້ນຈະທຳລາຍຫົວກະທິຂອງມູນເຊື້ອ.ນີ້ແມ່ນບັນຫາທີ່ຂ້ອຍພິຈາລະນາເລື້ອຍໆໃນປະຈຸບັນ."
ທ່ານຜູ້ຟັງທີ່ໂຄລົບ,ທີ່ຟັງມານັ້ນເປັນບົດສະເຫນີທ່ານນາງພູບູໂຈມາ ນັກຮຽບຮຽງແລະຊີ້ການຟ້ອນເຜົ່າຕີເບດຂອງຈີນ.
|
